ਰਿਟਾਇਰਮੈਂਟ ਤੋਂ ਬਾਅਦ ਪਾਕਿਸਤਾਨੀ ਗੇਂਦਬਾਜ਼ ਦਾ ਛਲਕਿਆ ਦਰਦ, 41 ਸਾਲਾਂ ਰਹਿਮਾਨ ਨੇ ਪਾਕਿਸਤਾਨ ਕ੍ਰਿਕਟ ਦੀ ਖੋਲੀ ਪੋਲ

ਹਰ ਨਵੇਂ ਦਿਨ ਨਾਲ, ਕੁਝ ਕ੍ਰਿਕਟਰ ਪਾਕਿਸਤਾਨ ਟੀਮ ਪ੍ਰਬੰਧਨ ਦੀ ਪੋਲ ਖੋਲ੍ਹਦੇ ਹੋਏ ਦਿਖਾਈ ਦਿੰਦੇ ਹਨ। ਹੁਣ ਸਾਬਕਾ ਖੱਬੇ ਹੱਥ ਦੇ ਪਾਕਿਸਤਾਨੀ ਸਪਿਨਰ ਅਬਦੁਰ ਰਹਿਮਾਨ ਨੇ ਖੁਲਾਸਾ ਕੀਤਾ ਹੈ ਕਿ ਪਾਕਿਸਤਾਨ ਕ੍ਰਿਕਟ ਟੀਮ ਦੋ ਵੱਖ-ਵੱਖ ਕੈਂਪਾਂ ਵਿਚ ਵੰਡੀ ਹੋਈ ਹੈ ਅਤੇ ਉਹ ਕੋਚ ਅਤੇ ਕਪਤਾਨ ਚਲਾ ਰਹੇ ਹਨ।

ਅਬਦੁਰ ਰਹਿਮਾਨ ਨੇ ਕ੍ਰਿਕਟ ਪਾਕਿਸਤਾਨ ਨਾਲ ਗੱਲਬਾਤ ਦੌਰਾਨ ਆਪਣਾ ਦੁੱਖ ਜ਼ਾਹਰ ਕਰਦਿਆਂ ਕਿਹਾ, "ਕਪਤਾਨ ਦੀ ਹਾਂ ਵਿਚ ਹਾਂ ਮਿਲਾਉਣ ਦੇ ਫਾਇਦੇ ਅਤੇ ਨੁਕਸਾਨ ਦੋਵੇਂ ਹਨ। ਕੋਚ ਨਾਰਾਜ਼ ਹੋ ਜਾਂਦਾ ਹੈ ਜਦੋਂ ਤੁਸੀਂ ਕਪਤਾਨ ਨਾਲ ਚੰਗੇ ਹੁੰਦੇ ਹੋ। ਇਸ ਵਿੱਚ ਸ਼ਾਮਲ ਲੋਕਾਂ ਦੀ ਚੋਣ ਜਾਂ ਬਹੁਤ ਕੁਝ ਇਸ ਉੱਤੇ ਨਿਰਭਰ ਕਰਦਾ ਹੈ। ਜੇ ਕੋਚ ਤੁਹਾਨੂੰ ਪਸੰਦ ਕਰਦਾ ਹੈ, ਕਪਤਾਨ ਗੁੱਸੇ ਹੋ ਜਾਂਦਾ ਹੈ ਅਤੇ ਫਿਰ ਇਕ ਖਿਡਾਰੀ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕਰਦਾ ਹੈ।"

ਅੱਗੇ ਬੋਲਦਿਆਂ ਰਹਿਮਾਨ ਨੇ ਕਿਹਾ, "ਉਹ ਖਿਡਾਰੀ ਨਾਲ ਨਫ਼ਰਤ ਕਰਨ ਲੱਗਦੇ ਹਨ। ਉਹ ਨਹੀਂ ਦੇਖਦੇ ਕਿ ਇਕ ਖਿਡਾਰੀ ਪਾਕਿਸਤਾਨ ਲਈ ਕਿੰਨਾ ਮਹੱਤਵਪੂਰਣ ਹੈ। ਉਹ ਪ੍ਰਦਰਸ਼ਨ ਜਾਂ ਹੋਰ ਕੁਝ ਨਹੀਂ ਦੇਖਦੇ। ਉਨ੍ਹਾਂ ਦੇ ਪਿਛਲੇ ਪ੍ਰਦਰਸ਼ਨ ਜਾਂ ਉਨ੍ਹਾਂ ਦੇ ਕਰੀਅਰ ਨੂੰ ਭੁੱਲ ਜਾੰਦੇ ਹਨ। ਖਿਡਾਰੀ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਾੰਦੀ ਹੈ। ਇਹ ਪਾਕਿਸਤਾਨ ਜਾਂ ਖਿਡਾਰੀਆਂ ਲਈ ਚੰਗਾ ਨਹੀਂ ਹੈ। ਇਹ ਪਾਕਿਸਤਾਨ ਦੀ ਟੀਮ ਹੈ, ਨਾ ਕਿ ਕੋਚ ਜਾਂ ਕਪਤਾਨ ਦੀ।"

ਤੁਹਾਨੂੰ ਦੱਸ ਦੇਈਏ ਕਿ ਰਹਿਮਾਨ ਨੇ ਆਪਣੇ ਕੌਮਾਂਤਰੀ ਕੈਰੀਅਰ ਵਿਚ 130 ਵਿਕਟਾਂ ਲੈ ਕੇ ਪਾਕਿਸਤਾਨ ਲਈ 22 ਟੈਸਟ, 31 ਵਨਡੇ ਅਤੇ 8 ਟੀ -20 ਮੈਚ ਖੇਡੇ ਹਨ। ਰਹਿਮਾਨ ਤੋਂ ਇਲਾਵਾ ਮੁਹੰਮਦ ਆਮਿਰ ਸਣੇ ਕਈ ਕ੍ਰਿਕਟਰਾਂ ਨੇ ਪਾਕਿਸਤਾਨ ਦੀ ਟੀਮ ਪ੍ਰਬੰਧਨ ਦੀ ਪੋਲ ਖੋਲ੍ਹ ਦਿੱਤੀ ਹੈ।