ਜੇਮਸ ਐਂਡਰਸਨ ਨੇ ਰਚਿਆ ਇਤਿਹਾਸ, ਟੈਸਟ ਕ੍ਰਿਕਟ ਵਿੱਚ 600 ਵਿਕਟਾਂ ਲੈਣ ਵਾਲੇ ਵਿਸ਼ਵ ਦੇ ਪਹਿਲੇ ਤੇਜ਼ ਗੇਂਦਬਾਜ਼ ਬਣੇ

ਇੰਗਲੈਂਡ ਦੇ ਮਹਾਨ ਤੇਜ਼ ਗੇਂਦਬਾਜ਼ ਜੇਮਜ਼ ਐਂਡਰਸਨ ਨੇ ਸਾਉਥੈਂਪਟਨ ਵਿਖੇ ਪਾਕਿਸਤਾਨ ਖਿਲਾਫ ਖੇਡੇ ਜਾ ਰਹੇ ਤੀਜੇ ਅਤੇ ਆਖਰੀ ਟੈਸਟ ਮੈਚ ਵਿਚ ਇਤਿਹਾਸ ਰਚ ਦਿੱਤਾ ਹੈ। ਐਂਡਰਸਨ ਨੇ ਟੈਸਟ ਕ੍ਰਿਕਟ ਵਿਚ ਆਪਣੀਆਂ 600 ਵਿਕਟਾਂ ਪੂਰੀਆਂ ਕਰ ਲਈਆਂ ਹਨ।

ਪਾਕਿਸਤਾਨ ਦੇ ਕਪਤਾਨ ਅਜ਼ਹਰ ਅਲੀ (31) ਐਂਡਰਸਨ ਦੇ ਟੈਸਟ ਕਰੀਅਰ ਦਾ 600 ਵਾਂ ਸ਼ਿਕਾਰ ਬਣ ਗਏ। ਉਹ ਟੈਸਟ ਕ੍ਰਿਕਟ ਦੇ 143 ਸਾਲਾਂ ਦੇ ਇਤਿਹਾਸ ਵਿਚ 600 ਵਿਕਟਾਂ ਲੈਣ ਵਾਲੇ ਪਹਿਲੇ ਤੇਜ਼ ਗੇਂਦਬਾਜ਼ ਬਣ ਗਏ ਹਨ।

ਐਂਡਰਸਨ ਤੋਂ ਪਹਿਲਾਂ ਟੈਸਟ ਵਿੱਚ ਇਹ ਕਾਰਨਾਮਾ ਜਿਹੜੇ ਤਿੰਨ ਗੇਂਦਬਾਜ਼ਾਂ ਨੇ ਕੀਤਾ ਹੈ, ਉਹ ਸ੍ਰੀਲੰਕਾ ਦੇ ਮੁਤਿਆ ਮੁਰਲੀਧਰਨ (800), ਆਸਟਰੇਲੀਆ ਦੇ ਸ਼ੇਨ ਵਾਰਨ (708) ਅਤੇ ਭਾਰਤ ਦੇ ਅਨਿਲ ਕੁੰਬਲੇ (619 ਵਿਕਟ) ਹਨ। ਪਰ ਤਿੰਨੋਂ ਹੀ ਸਪਿਨਰ ਹਨ।

ਹਾਲਾਂਕਿ, ਐਂਡਰਸਨ ਨੂੰ ਪੰਜਵੇਂ ਦਿਨ ਇਸ ਅੰਕੜੇ ਨੂੰ ਛੂਹਣ ਲਈ ਲੰਬਾ ਇੰਤਜ਼ਾਰ ਕਰਨਾ ਪਿਆ. ਮੈਚ ਦੇ ਪਹਿਲੇ ਦੋ ਸੈਸ਼ਨ ਮੀਂਹ ਕਾਰਨ ਕੋਈ ਵੀ ਗੇਂਦ ਨਹੀਂ ਪਾਈ ਜਾ ਸਕੀ. ਇਸ ਤੋਂ ਪਹਿਲਾਂ ਐਂਡਰਸਨ ਨੇ ਪਾਰੀ ਵਿੱਚ 5 ਵਿਕਟਾਂ ਵੀ ਲਈਆਂ।