ਆਕਾਸ਼ ਚੋਪੜਾ ਨੇ ਚੁਣੀ IPL 2020 ਦੀ ਸਭ ਤੋਂ ਖਤਰਨਾਕ ਟੀਮ, ਕਿਹਾ 3 ਵਿਦੇਸ਼ੀ ਖਿਡਾਰਿਆਂ ਨਾਲ ਵੀ ਜਿੱਤ ਸਕਦੀ ਹੈ ਇਹ ਟੀਮ
ਮਸ਼ਹੂਰ ਭਾਰਤੀ ਕੁਮੈਂਟੇਟਰ ਅਤੇ ਸਾਬਕਾ ਭਾਰਤੀ ਬੱਲੇਬਾਜ਼ ਅਕਾਸ਼ ਚੋਪੜਾ ਨੇ ਆਪਣੇ ਯੂਟਿਯੂਬ ਚੈਨਲ 'ਤੇ ਇਕ ਵੀਡੀਓ ਵਿਚ ਆਈਪੀਐਲ 2020 ਦੀ ਸਭ ਤੋਂ ਮਜ਼ਬੂਤ ਟੀਮ ਦਾ ਨਾਮ ਲਿਆ ਹੈ. ਉਨ੍ਹਾਂ ਕਿਹਾ ਕਿ ਸ਼੍ਰੇਅਸ ਅਈਅਰ ਦੀ ਕਪਤਾਨੀ ਵਾਲੀ ਦਿੱਲੀ ਕੈਪੀਟਲ ਆਈਪੀਐਲ ਦੇ 13 ਵੇਂ ਸੀਜ਼ਨ ਦੀ ਸਭ ਤੋਂ ਵਿਲੱਖਣ ਟੀਮ ਹੈ।
ਆਕਾਸ਼ ਚੋਪੜਾ ਨੇ ਇਹ ਵੀ ਕਿਹਾ ਕਿ ਇਸ ਆਈਪੀਐਲ ਵਿਚ ਦਿੱਲੀ ਇਕਲੌਤੀ ਟੀਮ ਹੈ ਜੋ ਸਿਰਫ ਤਿੰਨ ਵਿਦੇਸ਼ੀ ਖਿਡਾਰੀਆਂ ਨਾਲ ਮੈਦਾਨ ਵਿਚ ਆ ਸਕਦੀ ਹੈ।
ਆਪਣੇ ਯੂਟਿਯੂਬ ਚੈਨਲ 'ਤੇ ਗੱਲਬਾਤ ਦੌਰਾਨ ਆਕਾਸ਼ ਚੋਪੜਾ ਤੋਂ ਇਸ ਆਈਪੀਐਲ ਦੀ ਸਭ ਤੋਂ ਮਜ਼ਬੂਤ ਆਈਪੀਐਲ ਟੀਮ ਬਾਰੇ ਪੁੱਛਿਆ ਗਿਆ। ਇਸ ਦੌਰਾਨ ਉਹਨਾਂ ਨੇ ਮੁੰਬਈ ਇੰਡੀਅਨਜ਼ ਦਾ ਨਾਮ ਵੀ ਲਿਆ ਪਰ ਬਾਅਦ ਵਿੱਚ ਉਹਨਾਂ ਨੂੰ ਲੱਗਿਆ ਕਿ ਮੁੰਬਈ ਦੇ ਸਪਿਨ ਵਿਭਾਗ ਵਿੱਚ ਇੰਨੀ ਡੂੰਘਾਈ ਨਹੀਂ ਸੀ। ਉਨ੍ਹਾਂ ਕਿਹਾ ਕਿ ਮੁੰਬਈ ਦਾ ਸਪਿਨ ਗੇਂਦਬਾਜ਼ੀ ਆਕ੍ਰਮਣ ਇੰਨਾ ਮਜ਼ਬੂਤ ਨਹੀਂ ਹੈ, ਇਸ ਲਈ ਇਹ ਮੈਨੂੰ ਕੁਝ ਕਮਜ਼ੋਰ ਲੱਗ ਰਿਹਾ ਹੈ।
ਉਹਨਾਂ ਨੇ ਕਿਹਾ ਕਿ ਮੁੰਬਈ ਇੰਡੀਅਨਜ਼ ਦੇ ਕੋਲ ਰਾਹੁਲ ਚਾਹਰ, ਕ੍ਰੁਨਾਲ ਪਾਂਡਿਆ, ਜੈਅੰਤ ਯਾਦਵ ਅਤੇ ਅਨੁਕੂਲ ਰਾੱਏ ਦੇ ਰੂਪ ਵਿਚ ਕੁਝ ਚੰਗੇ ਸਪਿਨਰ ਹਨ, ਪਰ ਉਹ ਇੰਨੇ ਤਜਰਬੇਕਾਰ ਨਹੀਂ ਹਨ ਕਿ ਉਹਨਾਂ ਤੇ ਭਰੋਸਾ ਦਿਖਾਇਆ ਦਾ ਸਕੇ।
ਆਕਾਸ਼ ਚੋਪੜਾ ਨੇ ਕਿਹਾ ਕਿ ਦਿੱਲੀ ਕੈਪਿਟਲਸ ਦੀ ਟੀਮ ਵਿਚ ਹਰ ਤਰ੍ਹਾਂ ਦੇ ਖਿਡਾਰੀ ਹਨ ਜੋ ਆਪਣੇ ਅਨੁਸਾਰ ਖੇਡ ਨੂੰ ਬਦਲ ਸਕਦੇ ਹਨ। ਦਿੱਲੀ ਕੋਲ ਸ਼ਿਖਰ ਧਵਨ, ਪ੍ਰਿਥਵੀ ਸ਼ਾੱ, ਸ਼੍ਰੇਅਸ ਅਈਅਰ, ਰਿਸ਼ਭ ਪੰਤ, ਐਲੈਕਸ ਕੈਰੀ, ਮਾਰਕਸ ਸਟੋਇਨੀਸ, ਸ਼ਿਮਰਨ ਹੇਟਮਾਇਰ, ਅਕਸ਼ਰ ਪਟੇਲ, ਰਵੀਚੰਦਰਨ ਅਸ਼ਵਿਨ, ਅਮਿਤ ਮਿਸ਼ਰਾ, ਸੰਦੀਪ ਲਮੀਛਨੇ, ਇਸ਼ਾਂਤ ਸ਼ਰਮਾ ਅਤੇ ਡੈਨੀਅਲ ਸੈਮਸ ਵਰਗੇ ਕਈ ਮੈਚ ਜਿਤਾਉਣ ਵਾਲੇ ਖਿਡਾਰੀ ਹਨ।
ਉਨ੍ਹਾਂ ਕਿਹਾ ਕਿ ਜੇ ਦਿੱਲੀ ਦਾ ਪ੍ਰਬੰਧਨ 3 ਵਿਦੇਸ਼ੀ ਖਿਡਾਰੀਆਂ ਨਾਲ ਵੀ ਮੈਦਾਨ ‘ਤੇ ਉਤਰਦਾ ਹੈ ਤਾਂ ਉਨ੍ਹਾਂ ਕੋਲ ਕੁਝ ਸ਼ਾਨਦਾਰ ਭਾਰਤੀ ਖਿਡਾਰੀ ਹਨ, ਜਿਹਨਾਂ ਦੇ ਦਮ ਤੇ ਉਹ ਸ਼ਾਨਦਾਰ ਪਲਇੰਗ ਇਲੈਵਨ ਨਾਲ ਮੈਦਾਨ ਵਿਚ ਉਤਰ ਕੇ ਮੈਚ ਜਿੱਤ ਸਕਦੇ ਹਨ।