IPL 2020: ਅੰਬਾਤੀ ਰਾਇਡੂ ਅਤੇ ਡਵੇਨ ਬ੍ਰਾਵੋ ਹੋਏ ਫਿੱਟ, ਅਗਲੇ ਮੈਚ ਵਿਚ ਚੇਨਈ ਦੀ ਪਲੇਇੰਗ ਇਲੈਵਨ ਵਿਚ ਹੋਣਗੇ ਸ਼ਾਮਲ
ਚੇਨਈ ਸੁਪਰ ਕਿੰਗਜ਼ (ਸੀਐਸਕੇ) ਦੇ ਪ੍ਰਸ਼ੰਸਕਾਂ ਲਈ ਇਕ ਵੱਡੀ ਖਬਰ ਹੈ. ਸਟਾਰ ਬੱਲੇਬਾਜ਼ ਅੰਬਾਤੀ ਰਾਇਡੂ ਅਤੇ ਆਲਰਾਉਂਡਰ ਡਵੇਨ ਬ੍ਰਾਵੋ ਫਿੱਟ ਹੋ ਗਏ ਹਨ ਅਤੇ ਹੁਣ ਦੋਵੇਂ ਖਿਡਾਰੀ 2 ਅਕਤੂਬਰ ਨੂੰ ਸਨਰਾਈਜ਼ਰਜ਼ ਹੈਦਰਾਬਾਦ ਦੇ ਖਿਲਾਫ ਹੋਣ ਵਾਲੇ ਮੈਚ ਵਿੱਚ ਧੋਨੀ ਦੀ ਅਗਵਾਈ ਵਾਲੀ ਚੇਨਈ ਦੀ ਇਲੈਵਨ ਵਿੱਚ ਸ਼ਾਮਲ ਹੋਣਗੇ.
ਸੀਐਸਕੇ ਦੇ ਸੀਈਓ ਕਾਸੀ ਵਿਸ਼ਵਨਾਥਨ ਨੇ ਕਿਹਾ ਹੈ ਕਿ ਅਗਲੇ ਮੈਚ ਵਿੱਚ ਦੋਵਾਂ ਦੇ ਟੀਮ ਵਿੱਚ ਸ਼ਾਮਲ ਹੋਣ ਨਾਲ ਟੀਮ ਨੂੰ ਮਜ਼ਬੂਤੂ ਮਿਲੇਗੀ.
ਰਾਇਡੂ ਬਾਰੇ ਗੱਲ ਕਰਦਿਆਂ ਟੀਮ ਦੇ ਸੀਈਓ ਨੇ ਕਿਹਾ, “ਰਾਇਡੂ ਹੁਣ ਹੈਮਸਟ੍ਰਿੰਗ ਦੀ ਸੱਟ ਤੋਂ ਠੀਕ ਹੋ ਗਏ ਹਨ ਅਤੇ ਅਗਲੇ ਮੈਚ ਵਿਚ ਉਪਲੱਬਧ ਹੋਣਗੇ. ਉਹ ਸਹੀ ਤਰ੍ਹਾਂ ਦੌੜ੍ਹ ਰਹੇ ਹਨ ਅਤੇ ਉਹਨਾਂ ਨੇ ਬਿਨਾਂ ਕਿਸੇ ਮੁਸ਼ਕਲ ਦੇ ਨੈੱਟ ਵਿਚ ਬੱਲੇਬਾਜ਼ੀ ਵੀ ਕੀਤੀ. ”
ਰਾਇਡੂ ਨੂੰ ਮੁੰਬਈ ਇੰਡੀਅਨਜ਼ ਖ਼ਿਲਾਫ਼ ਪਹਿਲੇ ਮੈਚ ਵਿੱਚ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਸੀ ਅਤੇ ਉਹਨਾਂ ਨੇ ਬੱਲੇ ਨਾਲ ਸ਼ਾਨਦਾਰ ਪ੍ਰਦਰਸ਼ਨ। ਕਰਦੇ ਹੋਏ 48 ਗੇਂਦਾਂ ਵਿੱਚ 71 ਦੌੜਾਂ ਦੀ ਪਾਰੀ ਖੇਡ ਕੇ ਟੀਮ ਨੂੰ ਜਿੱਤ ਦਿਵਾਈ ਸੀ.
ਡਵੇਨ ਬ੍ਰਾਵੋ ਦੇ ਬਾਰੇ ਵਿੱਚ, ਉਹਨਾਂ ਨੇ ਕਿਹਾ ਕਿ ਉਹ ਨੈੱਟ ਵਿੱਚ ਪੂਰੀ ਤਰ੍ਹਾਂ ਗੇਂਦਬਾਜ਼ੀ ਦਾ ਅਭਿਆਸ ਕਰ ਰਹੇ ਹਨ. ਉਨ੍ਹਾਂ ਨੇ ਨਾਲ ਹੀ ਇਹ ਵੀ ਕਿਹਾ ਕਿ ਚੇਨਈ ਦੀ ਟੀਮ ਨੇ ਪਹਿਲਾਂ ਵੀ ਮਾੜੀ ਸਥਿਤੀ ਤੋਂ ਬਾਹਰ ਆਕੇ ਟੂਰਨਾਮੈਂਟ ਵਿਚ ਵਧੀਆ ਪ੍ਰਦਰਸ਼ਨ ਕੀਤਾ ਹੈ ਅਤੇ ਹੁਣ ਰਾਇਡੂ ਅਤੇ ਬ੍ਰਾਵੋ ਦੀ ਆਮਦ ਨਾਲ ਟੀਮ ਥੋੜੀ ਮਜ਼ਬੂਤ ਹੋਵੇਗੀ ਅਤੇ ਉਨ੍ਹਾਂ ਨੂੰ ਉਤਸ਼ਾਹ ਮਿਲੇਗਾ.
ਚੇਨਈ ਸੁਪਰ ਕਿੰਗਜ਼ ਆਪਣਾ ਅਗਲਾ ਮੈਚ 2 ਅਕਤੂਬਰ ਨੂੰ ਡੇਵਿਡ ਵਾਰਨਰ ਦੀ ਕਪਤਾਨੀ ਵਾਲੇ ਸਨਰਾਈਜ਼ਰਸ ਹੈਦਰਾਬਾਦ ਨਾਲ ਖੇਡੇਗੀ.