ਐਡੀਲੇਡ ਓਵਲ ਮੈਦਾਨ ਵਿਚ ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ ਡੇ-ਨਾਈਟ ਟੈਸਟ ਮੈਚ ਦੇ ਪਹਿਲੇ ਦਿਨ ਇਕ ਪਾਸੇ ਜਿੱਥੇ ਮੇਜ਼ਬਾਨ ਟੀਮ ਦੇ ਗੇਂਦਬਾਜ਼ਾਂ ਨੇ ਚੰਗਾ ਪ੍ਰਦਰਸ਼ਨ ਕੀਤਾ, ਉਥੇ ਸਿਰਫ ਕਪਤਾਨ ਵਿਰਾਟ ਕੋਹਲੀ ਅਤੇ ਚੇਤੇਸ਼ਵਰ ਪੁਜਾਰਾ ਹੀ ਭਾਰਤ ਲਈ ਚੰਗੀ ਬੱਲੇਬਾਜ਼ੀ ਕਰ ਸਕ। ਕਪਤਾਨ ਕੋਹਲੀ ਨੇ ਇੱਕ ਵਾਰ ਫਿਰ ਸੰਘਰਸ਼ਸ਼ੀਲ ਹਾਲਤਾਂ ਵਿੱਚ ਆਪਣੀ ਸਰਬੋਤਮ ਸ਼੍ਰੇਣੀ ਦਾ ਪ੍ਰਦਰਸ਼ਨ ਕੀਤਾ ਅਤੇ 74 ਦੌੜਾਂ ਦੀ ਪਾਰੀ ਖੇਡੀ। ਉਹ ਚੰਗੀ ਫੌਰਮ ਵਿਚ ਨਜਰ ਆ ਰਹੇ ਸੀ ਅਤੇ ਆਸਟਰੇਲੀਆ ਦੀ ਸਖਤ ਅਨੁਸ਼ਾਸਿਤ ਗੇਂਦਬਾਜ਼ੀ ਦਾ ਸਾਹਮਣਾ ਚੰਗੀ ਤਰ੍ਹਾਂ ਕਰ ਰਹੇ ਸੀ।
ਇਸ ਦੌਰਾਨ ਦਿਨ ਦੇ ਆਖਰੀ ਸੈਸ਼ਨ ਵਿੱਚ ਕੋਹਲੀ ਉਪ ਕਪਤਾਨ ਅਜਿੰਕਿਆ ਰਹਾਣੇ ਨਾਲ ਗਲਤਫਹਿਮੀ ਦੇ ਕਾਰਨ ਰਨ ਆਉਟ ਹੋ ਗਏ। ਰਹਾਨੇ ਵੀ ਆਖਿਰੀ ਸੈਸ਼ਨ ਵਿਚ ਆਉਟ ਹੋ ਗਏ ਅਤੇ ਹਨੁਮਾ ਵਿਹਾਰੀ ਵੀ ਪਵੇਲੀਅਨ ਪਰਤ ਗਏ। ਭਾਰਤ ਨੇ ਦਿਨ ਦਾ ਅੰਤ ਛੇ ਵਿਕਟਾਂ ਦੇ ਨੁਕਸਾਨ 'ਤੇ 233 ਦੌੜਾਂ ਨਾਲ ਕੀਤਾ। ਰਵੀਚੰਦਰਨ ਅਸ਼ਵਿਨ 15 ਅਤੇ ਰਿਧੀਮਾਨ ਸਾਹਾ 9 ਦੌੜਾਂ ਬਣਾ ਕੇ ਖੇਡ ਰਹੇ ਹਨ।
ਮੇਜ਼ਬਾਨ ਟੀਮ ਦੇ ਗੇਂਦਬਾਜ਼ਾਂ ਨੇ ਸ਼ੁਰੂ ਤੋਂ ਹੀ ਭਾਰਤੀ ਬੱਲੇਬਾਜ਼ਾਂ ਨੂੰ ਵਿਕਟ ‘ਤੇ ਨਹੀਂ ਟਿੱਕਣ ਦਿੱਤਾ। ਸ਼ੁਰੂਆਤੀ ਵਿਕਟ ਦੇ ਨੁਕਸਾਨ ਤੋਂ ਬਾਅਦ ਕੋਹਲੀ ਅਤੇ ਪੁਜਾਰਾ ਨੇ ਤੀਜੀ ਵਿਕਟ ਲਈ ਪੁਜਾਰਾ ਦਰਮਿਆਨ 68 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਖ਼ਾਸਕਰ ਪੁਜਾਰਾ ਨੇ 160 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ ਦੋ ਚੌਕਿਆਂ ਦੀ ਮਦਦ ਨਾਲ 43 ਦੌੜਾਂ ਬਣਾਈਆਂ।
ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਭਾਰਤ ਨੇ ਮੈਚ ਦੀ ਦੂਜੀ ਗੇਂਦ 'ਤੇ ਪ੍ਰਿਥਵੀ ਸ਼ਾ ਦੀ ਵਿਕਟ ਗਵਾ ਦਿੱਤੀ। ਮਿਸ਼ੇਲ ਸਟਾਰਕ ਦੀ ਗੇਂਦ ਨੇ ਉਸ ਦੇ ਬੱਲੇ ਦਾ ਅੰਦਰੂਨੀ ਕਿਨਾਰੀ ਲੈਂਦੇ ਹੋਏ ਵਿਕਟਾਂ ਤੇ ਚਲੀ ਗਈ।
ਮਯੰਕ ਅਗਰਵਾਲ ਨੇ ਫਿਰ ਪੁਜਾਰਾ ਨਾਲ ਟੀਮ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ। ਦੋਵੇਂ ਆਸਟਰੇਲੀਆ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਸਾਹਮਣੇ ਵਧੀਆ ਖੇਡ ਰਹੇ ਸਨ। ਮਯੰਕ ਦੇ ਸੰਘਰਸ਼ ਨੂੰ ਪੈਟ ਕਮਿੰਸ ਨੇ 32 ਦੇ ਕੁਲ ਸਕੋਰ 'ਤੇ ਖਤਮ ਕੀਤਾ। ਮਯੰਕ ਨੇ 40 ਗੇਂਦਾਂ 'ਤੇ 17 ਦੌੜਾਂ ਬਣਾਈਆਂ।
ਇਸ ਤੋਂ ਬਾਅਦ ਕੋਹਲੀ ਅਤੇ ਪੁਜਾਰਾ ਨੇ ਪਹਿਲੇ ਸੈਸ਼ਨ ਦੇ ਅੰਤ ਤੱਕ ਭਾਰਤ ਨੂੰ ਤੀਜਾ ਝਟਕਾ ਨਹੀਂ ਲੱਗਣ ਦਿੱਤਾ। ਪਹਿਲੇ ਸੈਸ਼ਨ ਵਿਚ ਭਾਰਤ ਨੇ 41 ਦੌੜਾਂ ਤੇ ਦੋ ਵਿਕਟਾਂ ਗੁਆ ਦਿੱਤੀਆਂ ਸੀ।