ਆਸਟਰੇਲੀਆ ਦੀ ਮਹਿਲਾ ਟੀਮ ਨੇ 18 ਸਾਲਾ ਪੁਰਾਨਾ ਵਿਸ਼ਵ ਰਿਕਾਰਡ ਤੋੜਿਆ, ਰਿਕੀ ਪੋਂਟਿੰਗ ਦੀ ਵਿਸ਼ਵ ਚੈਂਪੀਅਨ ਟੀਮ ਨੂੰ ਪਛਾੜ ਕੇ ਕੀਤਾ ਕਾਰਨਾਮਾ
ਮੈਗ ਲੈਨਿੰਗ ਦੀ ਅਗਵਾਈ ਵਾਲੀ ਆਸਟਰੇਲੀਆਈ ਮਹਿਲਾ ਟੀਮ ਨੇ ਪਹਿਲੇ ਵਨਡੇ ਮੈਚ ਵਿਚ ਨਿਉਜ਼ੀਲੈਂਡ ਨੂੰ ਹਰਾ ਕੇ ਵੱਡਾ ਵਿਸ਼ਵ ਰਿਕਾਰਡ ਕਾਇਮ ਕੀਤਾ ਹੈ। ਇਸ ਜਿੱਤ ਦੇ ਨਾਲ, ਆਸਟਰੇਲੀਆਈ ਮਹਿਲਾ ਟੀਮ ਨੇ ਅੰਤਰਰਾਸ਼ਟਰੀ ਵਨ ਡੇ ਮੈਚਾਂ ਵਿੱਚ ਲਗਾਤਾਰ ਆਪਣੀ 22 ਵੀਂ ਜਿੱਤ ਪ੍ਰਾਪਤ ਕੀਤੀ, ਜੋ ਇੱਕ ਵਿਸ਼ਵ ਰਿਕਾਰਡ ਹੈ।
ਇਸ ਤੋੰ ਪਹਿਲਾਂ ਰਿਕੀ ਪੋਂਟਿੰਗ ਦੀ ਅਗਵਾਈ ਵਾਲੀ ਆਸਟਰੇਲੀਆਈ ਪੁਰਸ਼ ਟੀਮ ਵੱਲੋਂ ਲਗਾਤਾਰ 21 ਵਨਡੇ ਮੈਚ ਜਿੱਤਣ ਦਾ ਰਿਕਾਰਡ ਦਰਜ ਕੀਤਾ ਗਿਆ ਸੀ ਪਰ ਹੁਣ ਮੈਗ ਲੈਨਿੰਗ ਦੀ ਅਗਵਾਈ ਵਾਲੀ ਮਹਿਲਾ ਆਸਟਰੇਲੀਆਈ ਟੀਮ ਨੇ ਇਸ ਰਿਕਾਰਡ ਨੂੰ ਤੋੜ੍ਹਦਿਆੰ ਨਵਾਂ ਵਿਸ਼ਵ ਰਿਕਾਰਡ ਕਾਇਮ ਕੀਤਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਰਿੱਕੀ ਪੋਂਟਿੰਗ ਦੀ ਆਸਟਰੇਲੀਆਈ ਟੀਮ ਨੇ 2003 ਦੌਰਾਨ ਲਗਾਤਾਰ 21 ਵਨਡੇ ਮੈਚ ਜਿੱਤੇ ਸਨ, ਜੋ ਕਿ ਕੋਈ ਟੀਮ 18 ਸਾਲਾਂ ਤੱਕ ਨਹੀਂ ਕਰ ਸਕੀ। ਪੌਂਟਿੰਗ ਦੀ ਟੀਮ ਨੇ 2003 ਵਨਡੇ ਵਿਸ਼ਵ ਕੱਪ ਦੌਰਾਨ 21 ਜਿੱਤਾਂ ਵਿਚੋਂ 11 ਜਿੱਤੀਆਂ ਸਨ।
ਹਾਲਾਂਕਿ, ਹੁਣ ਇਹ ਪ੍ਰਾਪਤੀ ਆਸਟਰੇਲੀਆਈ ਟੀਮ ਦੇ ਨਾਮ 'ਤੇ ਇਕ ਵਾਰ ਫਿਰ ਦਰਜ ਕੀਤੀ ਗਈ ਹੈ, ਪਰ ਫਰਕ ਸਿਰਫ ਇਹ ਹੈ ਕਿ ਇਸ ਵਾਰ ਪੁਰਸ਼ ਟੀਮ ਨੇ ਨਹੀਂ, ਬਲਕਿ ਮਹਿਲਾ ਟੀਮ ਨੇ ਇਤਿਹਾਸ ਦੇ ਪੰਨਿਆਂ' ਚ ਆਪਣਾ ਨਾਮ ਦਰਜ ਕਰਵਾਇਆ ਹੈ।