ਰਾਜਸਥਾਨ ਰਾਇਲਜ਼ ਖ਼ਿਲਾਫ਼ ਖੇਡੇ ਜਾ ਰਹੇ ਅਹਿਮ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਦੀ ਟੀਮ ਨੇ ਇਸ਼ਾਨ ਕਿਸ਼ਨ ਨੂੰ ਮੌਕਾ ਨਹੀਂ ਦਿੱਤਾ। ਕਿਸ਼ਨ ਨੂੰ ਹਟਾਏ ਜਾਣ ਤੋਂ ਬਾਅਦ ਪ੍ਰਸ਼ੰਸਕ ਅਤੇ ਕਈ ਦਿੱਗਜ ਮੁੰਬਈ ਕੈਂਪ 'ਤੇ ਸਵਾਲ ਉਠਾ ਰਹੇ ਹਨ। ਹੁਣ ਇਸ ਕੜੀ ਵਿੱਚ, ਮਹਾਨ ਬੱਲੇਬਾਜ਼ ਬ੍ਰਾਇਨ ਲਾਰਾ ਦਾ ਨਾਮ ਵੀ ਸ਼ਾਮਲ ਹੋ ਗਿਆ ਹੈ।
ਸਪੋਰਟਸ ਟੂਡੇ ਨਾਲ ਗੱਲਬਾਤ ਦੌਰਾਨ ਲਾਰਾ ਨੇ ਕਿਹਾ, “ਕਈ ਵਾਰੀ ਤੁਹਾਨੂੰ ਬਹੁਤ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੁੰਦੀ ਹੈ, ਤੁਸੀਂ ਚੇਨਈ ਵਿੱਚ ਮੈਚ ਖੇਡਿਆ ਹੈ ਅਤੇ ਹੁਣ ਤੁਸੀਂ ਉਥੇ ਨਹੀਂ ਖੇਡੋਗੇ, ਤੁਸੀਂ ਸਾਰਿਆਂ ਨੂੰ ਮੌਕਾ ਦੇਣਾ ਚਾਹੁੰਦੇ ਹੋ ਕਿਉਂਕਿ ਹਰ ਕੋਈ ਚੇਨਈ ਵਿਚ ਸੰਘਰਸ਼ ਕਰ ਰਿਹਾ ਸੀ। ਇਥੋਂ ਤਕ ਕਿ ਤੁਸੀਂ ਕੁਇੰਟਨ ਡੀ ਕੌਕ ਤੋਂ ਵੀ ਛੁਟਕਾਰਾ ਪਾ ਸਕਦੇ ਹੋ, ਕ੍ਰਿਸ ਲਿਨ ਨੇ ਦੌੜ੍ਹਾਂ ਕੀਤੀਆਂ ਸੀ, ਪਰ ਤੁਸੀਂ ਉਸ ਨਾਲ ਦੁਬਾਰਾ ਕੋਸ਼ਿਸ਼ ਨਹੀਂ ਕੀਤੀ। ਮੈਂ ਇਕ ਵਾਰ ਫਿਰ ਈਸ਼ਾਨ ਕਿਸ਼ਨ ਨਾਲ ਜਾੰਦਾ ਅਤੇ ਵੇਖਾਂਗਾ ਕਿ ਉਸਦਾ ਫੌਰਮ ਕਿਵੇਂ ਸੀ। ਉਸ ਦੇ ਦਿਨ ਉਹ ਮੈਚ ਵਿਜੇਤਾ ਹੈ।”
ਈਸ਼ਾਨ ਕਿਸ਼ਨ ਨੇ ਮੁੰਬਈ ਲਈ ਖੇਡਦਿਆਂ ਆਖਰੀ ਕੁਝ ਮੈਚਾਂ ਵਿੱਚ ਸੰਘਰਸ਼ ਕੀਤਾ। ਕਿਸ਼ਨ ਨੇ ਹੁਣ ਤੱਕ ਆਈਪੀਐਲ 2021 ਵਿੱਚ 14.60 ਦੀ ਔਸਤ ਨਾਲ 73 ਦੌੜਾਂ ਬਣਾਈਆਂ ਹਨ। ਅਜਿਹੀ ਸਥਿਤੀ ਵਿੱਚ ਮੁੰਬਈ ਨੇ ਉਨ੍ਹਾਂ ਨੂੰ ਰਾਜਸਥਾਨ ਵਿਰੁੱਧ ਖੇਡੇ ਜਾ ਰਹੇ ਮੈਚ ਤੋਂ ਬਾਹਰ ਰੱਖਣ ਦਾ ਫੈਸਲਾ ਕੀਤਾ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਅਹਿਮ ਮੈਚ ਵਿੱਚ ਰਾਜਸਥਾਨ ਦੀ ਟੀਮ ਨੇ ਮੁੰਬਈ ਦੇ ਸਾਹਮਣੇ ਜਿੱਤ ਲਈ 172 ਦੌੜਾਂ ਦਾ ਟੀਚਾ ਰੱਖਿਆ ਹੈ। ਅਜਿਹੀ ਸਥਿਤੀ ਵਿਚ ਹੁਣ ਰਾਜਸਥਾਨ ਦੇ ਗੇਂਦਬਾਜ਼ਾਂ ਦੀ ਜ਼ਿੰਮੇਵਾਰੀ ਹੋਵੇਗੀ ਕਿ ਉਹ ਆਪਣੀ ਟੀਮ ਨੂੰ ਜਿਤਾਉਣ।