ਰੁਤੁਰਾਜ ਗਾਇਕਵਾੜ (99) ਅਤੇ ਡੇਵੋਨ ਕੋਨਵੇ (ਅਜੇਤੂ 85) ਅਤੇ ਗੇਂਦਬਾਜ਼ ਮੁਕੇਸ਼ ਚੌਧਰੀ (46 ਦੌੜਾਂ) ਦੀ ਗੇਂਦਬਾਜ਼ੀ ਦੀ ਬਦੌਲਤ ਚੇਨਈ ਸੁਪਰ ਕਿੰਗਜ਼ (ਸੀਐਸਕੇ) ਨੇ ਇੱਥੇ ਮਹਾਰਾਸ਼ਟਰ ਕ੍ਰਿਕਟ ਐਸੋਸੀਏਸ਼ਨ ਸਟੇਡੀਅਮ ਵਿੱਚ ਖੇਡੇ ਗਏ ਆਈਪੀਐਲ 2022 ਦੇ ਮੈਚ ਵਿੱਚ ਸਨਰਾਈਜ਼ਰਜ਼ ਨੂੰ ਹਰਾ ਦਿੱਤਾ। ਚੇਨਈ ਨੇ 20 ਓਵਰਾਂ 'ਚ 2 ਵਿਕਟਾਂ ਦੇ ਨੁਕਸਾਨ 'ਤੇ 202 ਦੌੜਾਂ ਬਣਾਈਆਂ ਸੀ।
ਚੇਨਈ ਵੱਲੋਂ ਦਿੱਤੇ 203 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਸਲਾਮੀ ਜੋੜੀ ਅਭਿਸ਼ੇਕ ਸ਼ਰਮਾ ਅਤੇ ਕੇਨ ਵਿਲੀਅਮਸਨ ਨੇ ਚੌਕੇ ਨਾਲ ਪਾਰੀ ਦੀ ਸ਼ੁਰੂਆਤ ਕੀਤੀ। ਗੇਂਦਬਾਜ਼ ਸਿਮਰਜੀਤ ਸਿੰਘ ਪਹਿਲੇ ਦੋ ਓਵਰਾਂ ਵਿੱਚ ਕਾਫੀ ਮਹਿੰਗੇ ਸਾਬਤ ਹੋਏ। ਉਸ ਨੇ ਆਪਣੇ ਦੋ ਓਵਰਾਂ ਵਿੱਚ 24 ਦੌੜਾਂ ਦਿੱਤੀਆਂ। ਦੋਵੇਂ ਬੱਲੇਬਾਜ਼ਾਂ ਨੇ ਆਉਂਦਿਆਂ ਹੀ ਤੇਜ਼ ਬੱਲੇਬਾਜ਼ੀ ਕੀਤੀ ਅਤੇ ਗੇਂਦਬਾਜ਼ਾਂ ਦੇ ਪਸੀਨੇ ਛੁਡਾ ਦਿੱਤੇ। ਸ਼ੁਰੂ ਵਿਚ ਹੈਦਰਾਬਾਦ ਦਾ ਸਕੋਰ ਪੰਜ ਓਵਰਾਂ ਵਿੱਚ ਦੋ ਵਿਕਟਾਂ ’ਤੇ 52 ਦੌੜਾਂ ਸੀ।
ਹਾਲਾਂਕਿ, ਪਾਵਰਪਲੇ ਖਤਮ ਨਹੀਂ ਹੋਇਆ ਸੀ ਅਤੇ ਹੈਦਰਾਬਾਦ ਨੂੰ ਛੇਵੇਂ ਓਵਰ ਵਿੱਚ ਦੋਹਰੇ ਝਟਕੇ ਲੱਗੇ। ਗੇਂਦਬਾਜ਼ ਮੁਕੇਸ਼ ਚੌਧਰੀ ਨੇ ਆਪਣੇ ਦੂਜੇ ਓਵਰ ਦੀ ਪੰਜਵੀਂ ਗੇਂਦ 'ਤੇ ਅਭਿਸ਼ੇਕ ਸ਼ਰਮਾ (39) ਨੂੰ ਪ੍ਰੀਟੋਰੀਅਸ ਦੇ ਹੱਥੋਂ ਕੈਚ ਕਰਵਾਇਆ ਅਤੇ ਫਿਰ ਅਗਲੀ ਗੇਂਦ 'ਤੇ ਰਾਹੁਲ ਤ੍ਰਿਪਾਠੀ (0) ਨੂੰ ਸਿਮਰਜੀਤ ਸਿੰਘ ਨੇ ਕ੍ਰੀਜ਼ 'ਤੇ ਆਉਂਦੇ ਹੀ ਕੈਚ ਦੇ ਕੇ ਪੈਵੇਲੀਅਨ ਭੇਜਿਆ। ਉਸ ਤੋਂ ਬਾਅਦ ਏਡਾਨ ਮਾਰਕਰਮ ਕ੍ਰੀਜ਼ 'ਤੇ ਸਨ। ਪਾਵਰਪਲੇ 'ਚ ਟੀਮ ਦਾ ਸਕੋਰ ਛੇ ਓਵਰਾਂ 'ਚ ਦੋ ਵਿਕਟਾਂ ਦੇ ਨੁਕਸਾਨ 'ਤੇ 58 ਦੌੜਾਂ ਸੀ।
ਹੈਦਰਾਬਾਦ ਇਕ ਤੋਂ ਬਾਅਦ ਇਕ ਵਿਕਟ ਗੁਆ ਰਿਹਾ ਸੀ, ਕਿਉਂਕਿ ਮਾਰਕਰਮ ਵੀ ਜ਼ਿਆਦਾ ਦੇਰ ਤੱਕ ਕ੍ਰੀਜ਼ 'ਤੇ ਟਿਕ ਨਹੀਂ ਸਕਿਆ ਅਤੇ 10 ਦੌੜਾਂ ਬਣਾ ਕੇ ਗੇਂਦਬਾਜ਼ ਮਿਸ਼ੇਲ ਸੈਂਟਨਰ ਦੇ ਓਵਰ 'ਚ ਜਡੇਜਾ ਹੱਥੋਂ ਕੈਚ ਆਊਟ ਹੋ ਗਿਆ। ਉਸ ਤੋਂ ਬਾਅਦ ਨਿਕੋਲਸ ਪੂਰਨ ਕ੍ਰੀਜ਼ 'ਤੇ ਆਏ। ਇਕ ਸਮੇਂ ਹੈਦਰਾਬਾਦ ਦਾ ਸਕੋਰ ਤੇਜ਼ੀ ਨਾਲ ਵਧ ਰਿਹਾ ਸੀ, ਜਿੱਥੇ ਇਸ ਨੂੰ ਚੇਨਈ ਦੇ ਗੇਂਦਬਾਜ਼ਾਂ ਨੇ ਘੇਰ ਲਿਆ ਅਤੇ ਟੀਮ ਦਾ ਸਕੋਰ ਦਸ ਓਵਰਾਂ 'ਚ 89 ਦੌੜਾਂ 'ਤੇ ਸਿਮਟ ਗਿਆ।
ਅਗਲਾ ਵਿਕਟ ਗੇਂਦਬਾਜ਼ ਪ੍ਰੀਟੋਰੀਅਸ ਨੇ ਉਸ ਦੇ ਓਵਰ ਵਿੱਚ ਉਸ ਸਮੇਂ ਮਾਰਿਆ ਜਦੋਂ ਕਪਤਾਨ ਕੇਨ ਵਿਲੀਅਮਸਨ ਆਪਣੇ ਅਰਧ ਸੈਂਕੜੇ ਤੋਂ ਤਿੰਨ ਦੌੜਾਂ ਦੂਰ ਸਨ। ਉਸ ਨੇ ਬੱਲੇਬਾਜ਼ ਨੂੰ ਐੱਲ.ਬੀ.ਡਬਲਯੂ. ਕੀਤਾ ਉਸ ਸਮੇਂ ਟੀਮ ਦਾ ਸਕੋਰ 15 ਓਵਰਾਂ ਵਿੱਚ ਚਾਰ ਵਿਕਟਾਂ ’ਤੇ 131 ਦੌੜਾਂ ਸੀ। ਉਸ ਤੋਂ ਬਾਅਦ ਸ਼ਸ਼ਾਂਕ ਸਿੰਘ ਕ੍ਰੀਜ਼ 'ਤੇ ਆਏ। ਹੈਦਰਾਬਾਦ ਨੂੰ ਜਿੱਤ ਲਈ ਆਖਰੀ 24 ਗੇਂਦਾਂ 'ਤੇ 68 ਦੌੜਾਂ ਦੀ ਲੋੜ ਸੀ ਅਤੇ ਨਿਕੋਲਸ ਪੂਰਨ ਅਤੇ ਸ਼ਸ਼ਾਂਕ ਸਿੰਘ ਕ੍ਰੀਜ਼ 'ਤੇ ਸਨ।
ਮੁਕੇਸ਼ ਚੌਧਰੀ ਨੇ ਆਪਣੇ ਤੀਜੇ ਓਵਰ ਵਿੱਚ ਦੋ ਹੋਰ ਵਿਕਟਾਂ ਲਈਆਂ। ਉਸ ਨੇ ਪਹਿਲਾਂ ਆਪਣੇ ਤੀਜੇ ਓਵਰ ਵਿੱਚ ਸ਼ਸ਼ਾਂਕ ਸਿੰਘ ਨੂੰ ਆਊਟ ਕੀਤਾ ਅਤੇ ਫਿਰ ਵਾਸ਼ਿੰਗਟਨ ਸੁੰਦਰ ਨੂੰ ਵੀ ਆਊਟ ਕੀਤਾ। ਇਸ ਤੋਂ ਬਾਅਦ ਹੈਦਰਾਬਾਦ ਦੀ ਹਾਰ ਪੱਕੀ ਹੋ ਗਈ। ਗਾਇਕਵਾੜ ਨੂੰ ਉਸ ਦੀ ਸ਼ਾਨਦਾਰ ਬੱਲੇਬਾਜ਼ੀ ਲਈ 'ਮੈਨ ਆਫ਼ ਦਾ ਮੈਚ' ਦਿੱਤਾ ਗਿਆ।