IPL 2020: ਚੇਨਈ ਸੁਪਰ ਕਿੰਗਜ਼ ਦੇ ਸਾਹਮਣੇ ਕੋਲਕਾਤਾ ਦੇ ਨਾਈਟ ਰਾਈਡਰਜ਼, ਜਾਣੋ ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ ਇਲੈਵਨ

ਆਈਪੀਐਲ 13 ਦੇ ਅਹਿਮ ਮੁਕਾਬਲੇ ਵਿਚ ਤਿੰਨ ਵਾਰ ਦੀ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ ਦਾ ਸਾਹਮਣਾ ਕੋਲਕਾਤਾ ਨਾਈਟ ਰਾਈਡਰਜ ਨਾਲ ਹੋਣ ਜਾ ਰਿਹਾ ਹੈ. ਦੋਵੇਂ ਟੀਮਾਂ ਅਬੁ ਧਾਬੀ ਦੇ ਸ਼ੇਖ ਜਾਇਦ ਸਟੇਡਿਅਮ ਵਿਖੇ ਆਹਮਣੇ-ਸਾਹਮਣੇ ਹੋਣਗੀਆਂ. ਚੇਨਈ ਆਪਣੇ ਪਿਛਲੇ ਮੁਕਾਬਲੇ ਨੂੰ ਜਿੱਤ ਕੇ ਫੌਰਮ ਵਿਚ ਵਾਪਸ ਆਉਂਦੀ ਦਿਖ ਰਹੀ ਹੈ. ਸੀਜ਼ਨ ਦੇ ਪਹਿਲੇ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਨੂੰ ਹਰਾਉਣ ਤੋਂ ਬਾਅਦ ਟੀਮ ਲਗਾਤਾਰ ਤਿੰਨ ਮੈਚਾਂ ਵਿੱਚ ਹਾਰ ਗਈ ਸੀ ਅਤੇ ਹੁਣ ਇਕ ਵਾਰ ਫਿਰ ਮਾਹੀ ਦੀ ਟੀਮ ਜਿੱਤ ਦੀ ਪਟਰੀ ਤੇ ਵਾਪਸ ਆ ਗਈ ਹੈ.

ਸੀਐਸਕੇ ਲਈ ਚੰਗੀ ਗੱਲ ਇਹ ਹੈ ਕਿ ਸ਼ੇਨ ਵਾਟਸਨ ਫੌਰਮ ਵਿਚ ਵਾਪਸ ਆ ਗਏ ਹਨ. ਉਹਨਾਂ ਨੇ ਪਿਛਲੇ ਮੈਚ ਵਿਚ ਇਨ-ਫੌਰਮ ਬੱਲੇਬਾਜ਼ ਫਾਫ ਡੂ ਪਲੇਸਿਸ ਨਾਲ ਪਹਿਲੇ ਵਿਕਟ ਲਈ 181 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਸੀ ਅਤੇ ਟੀਮ ਨੂੰ ਜਿੱਤ ਦਿਵਾਈ ਸੀ.

ਕੋਲਕਾਤਾ ਖ਼ਿਲਾਫ਼, ਮਹਿੰਦਰ ਸਿੰਘ ਧੋਨੀ ਇਨ੍ਹਾਂ ਦੋਵਾਂ ਤੋਂ ਇਸੇ ਤਰ੍ਹਾਂ ਦੀ ਸ਼ੁਰੂਆਤੀ ਸਾਂਝੇਦਾਰੀ ਦੀ ਉਮੀਦ ਕਰਣਗੇ. ਇਨ੍ਹਾਂ ਦੋਵਾਂ ਤੋਂ ਬਾਅਦ ਟੀਮ ਵਿੱਚ ਅੰਬਾਤੀ ​​ਰਾਇਡੂ, ਕੇਦਾਰ ਜਾਧਵ, ਡਵੇਨ ਬ੍ਰਾਵੋ, ਰਵਿੰਦਰ ਜਡੇਜਾ ਅਤੇ ਧੋਨੀ ਖੁਦ ਹਨ. ਹਾਲਾਂਕਿ, ਧੋਨੀ ਦੇ ਬੱਲੇਬਾਜ਼ੀ ਕ੍ਰਮ ਬਾਰੇ ਸਵਾਲ ਖੜੇ ਕੀਤੇ ਜਾ ਰਹੇ ਹਨ.

ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਉਹ ਅਗਲੇ ਮੈਚਾਂ ਵਿਚ ਕਿਹੜੇ ਨੰਬਰ ਤੇ ਖੇਡਦੇ ਹਨ. ਜਡੇਜਾ ਦਾ ਬੈਟ ਵੀ ਚੱਲ ਰਿਹਾ ਹੈ. ਬ੍ਰਾਵੋ ਨੇ ਹੁਣ ਤੱਕ ਸਿਰਫ ਦੋ ਮੈਚ ਖੇਡੇ ਹਨ ਪਰ ਬੱਲੇਬਾਜ਼ੀ ਨਹੀਂ ਕੀਤੀ ਹੈ.

ਬ੍ਰਾਵੋ ਗੇਂਦਬਾਜ਼ੀ ਵਿਚ ਨਿਸ਼ਚਤ ਤੌਰ 'ਤੇ ਪ੍ਰਭਾਵਸ਼ਾਲੀ ਸਾਬਤ ਹੋਏ ਹਨ. ਪੰਜਾਬ ਦੇ ਵਿਰੁੱਧ, ਉਹਨਾਂ ਨੇ ਸ਼ਾਰਦੂਲ ਠਾਕੁਰ ਦੇ ਨਾਲ, ਡੈਥ ਓਵਰਾਂ ਵਿੱਚ ਪ੍ਰਭਾਵਸ਼ਾਲੀ ਗੇਂਦਬਾਜ਼ੀ ਕਰਦਿਆਂ ਪੰਜਾਬ ਨੂੰ 200 ਦੇ ਸਕੋਰ ਤੱਕ ਨਹੀਂ ਜਾਣ ਦਿੱਤਾ ਸੀ. ਬ੍ਰਾਵੋ ਅਤੇ ਠਾਕੁਰ ਤੋਂ ਇਲਾਵਾ ਤੇਜ਼ ਗੇਂਦਬਾਜ਼ੀ ਵਿੱਚ ਸੈਮ ਕਰੈਨ ਅਤੇ ਪਿਯੂਸ਼ ਚਾਵਲਾ ਨੇ ਸਪਿਨ ਵਿੱਚ ਜਡੇਜਾ ਦਾ ਸਾਥ ਦਿੱਤਾ ਸੀ.

ਜਿੱਥੋਂ ਤੱਕ ਕੋਲਕਾਤਾ ਦਾ ਸਵਾਲ ਹੈ, ਉਹਨਾਂ ਲਈ ਖਾਸ ਤੌਰ 'ਤੇ ਬੱਲੇਬਾਜ਼ੀ ਨੂੰ ਲੈ ਕੇ ਬਹੁਤ ਸਾਰੇ ਪ੍ਰਸ਼ਨ ਹਨ. ਸ਼ੁਭਮਨ ਗਿੱਲ ਬਿਨਾਂ ਕਿਸੇ ਸ਼ੱਕ ਦੇ ਫੌਰਮ ਵਿਚ ਹੈ, ਪਰ ਉਹਨਾਂ ਦੇ ਸਾਥੀ ਸੁਨੀਲ ਨਾਰਾਇਣ ਨੇ ਟੀਮ ਦੀ ਚਿੰਤਾਵਾਂ ਵਧਾ ਦਿੱਤੀਆਂ ਹਨ.

ਚੇਨਈ ਖਿਲਾਫ ਕੇਕੇਆਰ ਵਿਚ ਬਦਲਾਵ ਵੇਖੇ ਜਾ ਸਕਦੇ ਹਨ. ਰਾਹੁਲ ਤ੍ਰਿਪਾਠੀ ਨੇ ਪਿਛਲੇ ਮੈਚ ਵਿਚ ਹੇਠਲੇ ਕ੍ਰਮ ਵਿਚ ਚੰਗਾ ਪ੍ਰਦਰਸ਼ਨ ਕੀਤਾ ਅਤੇ ਉਹ ਮੁੱਖ ਤੌਰ 'ਤੇ ਸਲਾਮੀ ਬੱਲੇਬਾਜ਼ ਹਨ. ਅਜਿਹੀ ਸਥਿਤੀ ਵਿੱਚ ਟੀਮ ਗਿੱਲ ਨਾਲ ਤ੍ਰਿਪਾਠੀ ਨੂੰ ਓਪਨਿੰਗ ਲਈ ਭੇਜ ਸਕਦੀ ਹੈ.

ਇਸ ਦੇ ਨਾਲ ਹੀ ਟੀਮ ਨੂੰ ਈਯਨ ਮੋਰਗਨ ਨੂੰ ਬੱਲੇਬਾਜ਼ੀ ਲਈ ਵੀ ਉੱਪਰ ਭੇਜ ਸਕਦੀ ਹੈ. ਕਈਆਂ ਦਾ ਮੰਨਣਾ ਹੈ ਕਿ ਮੋਰਗਨ ਨੂੰ ਉੱਪਰ ਬੱਲੇਬਾਜ਼ੀ ਕਰਨੀ ਚਾਹੀਦੀ ਹੈ, ਮੁੱਖ ਤੌਰ 'ਤੇ ਚੌਥੇ ਨੰਬਰ' ਤੇ ਅਤੇ ਕਪਤਾਨ ਦਿਨੇਸ਼ ਕਾਰਤਿਕ ਨੂੰ ਫਿਨਿਸ਼ਰ ਦੀ ਭੂਮਿਕਾ ਨਿਭਾਉਣੀ ਚਾਹੀਦੀ ਹੈ. ਟੀਮ ਦੇ ਤੂਫਾਨੀ ਬੱਲੇਬਾਜ਼ ਆਂਦਰੇ ਰਸੇਲ ਨੇ ਅਜੇ ਤਕ ਉਸ ਤਰ੍ਹਾਂ ਦੀ ਪਾਰੀ ਨਹੀਂ ਖੇਡੀ ਹੈ ਜਿਸਦੀ ਉਹਨਾਂ ਤੋਂ ਉਮੀਦ ਕੀਤੀ ਜਾ ਰਹੀ ਹੈ.

ਕੋਲਕਾਤਾ ਦੀ ਗੇਂਦਬਾਜ਼ੀ ਨੌਜਵਾਨਾਂ ਦੇ ਮੋਢਿਆਂ 'ਤੇ ਹੈ. ਸ਼ਿਵਮ ਮਾਵੀ ਅਤੇ ਕਮਲੇਸ਼ ਨਾਗੇਰਕੋਟੀ ਵਰਗੇ ਨੌਜਵਾਨ ਗੇਂਦਬਾਜ਼ਾਂ ਨੇ ਆਪਣੇ ਪ੍ਰਦਰਸ਼ਨ ਤੋਂ ਪ੍ਰਭਾਵਤ ਕੀਤਾ ਹੈ ਅਤੇ ਪੈਟ ਕਮਿੰਸ ਵੀ ਟੀਮ ਲਈ ਲਾਭਦਾਇਕ ਰਹੇ ਹਨ. ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਇਸ ਮੁਕਾਬਲੇ ਵਿਚ ਕਿਹੜੀ ਟੀਮ ਬਾਜੀ ਮਾਰਦੀ ਹੈ.

ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ ਇਲੈਵਨ:

ਚੇਨਈ ਸੁਪਰ ਕਿੰਗਜ਼ - ਸ਼ੇਨ ਵਾਟਸਨ, ਅੰਬਾਤੀ ​​ਰਾਇਡੂ, ਫਾਫ ਡੂ ਪਲੇਸਿਸ, ਐਮ ਐਸ ਧੋਨੀ (ਕਪਤਾਨ ਅਤੇ ਵਿਕਟਕੀਪਰ), ਕੇਦਾਰ ਜਾਧਵ, ਰਵਿੰਦਰ ਜਡੇਜਾ, ਡਵੇਨ ਬ੍ਰਾਵੋ, ਸੈਮ ਕੈਰੇਨ, ਸ਼ਾਰਦੂਲ ਠਾਕੁਰ, ਪਿਯੂਸ਼ ਚਾਵਲਾ, ਦੀਪਕ ਚਾਹਰ

ਕੋਲਕਾਤਾ ਨਾਈਟ ਰਾਈਡਰਜ਼- ਸ਼ੁਬਮਨ ਗਿੱਲ, ਸੁਨੀਲ ਨਰੇਨ, ਰਾਹੁਲ ਤ੍ਰਿਪਾਠੀ, ਨਿਤੀਸ਼ ਰਾਣਾ, ਦਿਨੇਸ਼ ਕਾਰਤਿਕ (ਕਪਤਾਨ ਅਤੇ ਵਿਕਟਕੀਪਰ), ਆਂਦਰੇ ਰਸੇਲ, ਈਯਨ ਮੋਰਗਨ, ਪੈਟ ਕਮਿੰਸ, ਕਮਲੇਸ਼ ਨਾਗੇਰਕੋਟੀ, ਸ਼ਿਵਮ ਮਾਵੀ, ਵਰੁਣ ਚੱਕਰਵਰਤੀ / ਕੁਲਦੀਪ ਯਾਦਵ