ਜਾਣੋ ਕੀ ਹੈ Cricket World Cup Super League ? ਭਾਰਤ ਸਮੇਤ ਕਿਹੜੇ ਦੇਸ਼ ਕਰ ਸਕਦੇ ਹਨ ਵਰਲਡ ਕਪ ਲਈ ਕੁਆਲੀਫਾਈ

ਭਾਰਤ ਖਿਲਾਫ ਤਿੰਨ ਮੈਚਾਂ ਦੀ ਵਨਡੇ ਲੜੀ 2-1 ਨਾਲ ਜਿੱਤ ਕੇ ਆਸਟਰੇਲੀਆ ਦੀ ਟੀਮ ਆਈਸੀਸੀ ਪੁਰਸ਼ ਕ੍ਰਿਕਟ ਵਰਲਡ ਕੱਪ ਸੁਪਰ ਲੀਗ ਦੇ ਪੁਆਇੰਟ ਟੇਬਲ 'ਤੇ ਪਹਿਲੇ ਨੰਬਰ' ਤੇ ਪਹੁੰਚ ਗਈ ਹੈ, ਜਦਕਿ ਭਾਰਤ ਇਹ ਸੀਰੀਜ ਗੁਆ ਕੇ ਛੇਵੇਂ ਨੰਬਰ 'ਤੇ ਪਹੁੰਚ ਗਿਆ ਹੈ। ਵਿਰਾਟ ਕੋਹਲੀ ਦੀ ਟੀਮ ਨੇ ਆਸਟਰੇਲੀਆ ਅਤੇ ਦੂਜੇ ਨੰਬਰ ‘ਤੇ ਮੌਜੂਦ ਇੰਗਲੈਂਡ ਨਾਲੋਂ ਤਿੰਨ ਮੈਚ ਘੱਟ ਖੇਡੇ ਹਨ।

ਆਸਟਰੇਲੀਆ ਨੇ ਸੀਰੀਜ਼ ਦੇ ਪਹਿਲੇ ਦੋ ਮੈਚ ਜਿੱਤਣ ਤੋਂ ਬਾਅਦ ਵਨਡੇ ਸੀਰੀਜ਼ ਜਿੱਤ ਲਈ ਸੀ ਅਤੇ ਹੁਣ ਉਹ 0.357 ਦੇ ਨੈਟ ਰਨ-ਰੇਟ ਦੇ ਨਾਲ ਪੁਆਇੰਟ ਟੇਬਲ ਤੇ ਚੋਟੀ 'ਤੇ ਪਹੁੰਚ ਗਿਆ ਹੈ। -0.717 ਦੇ ਨੈਟ ਰਨ-ਰੇਟ ਦੇ ਨਾਲ ਭਾਰਤ ਛੇਵੇਂ ਨੰਬਰ 'ਤੇ ਹੈ।

ਆਸਟਰੇਲੀਆ ਨੇ ਇਸ ਤੋਂ ਪਹਿਲਾਂ ਇੰਗਲੈਂਡ ਖਿਲਾਫ ਆਪਣੀ ਪਿਛਲੀ ਲੜੀ 2-1 ਨਾਲ ਜਿੱਤੀ ਸੀ। ਇਸ ਸਾਲ 13 ਟੀਮਾਂ ਦੀ ਚੈਂਪੀਅਨਸ਼ਿਪ ਵਨਡੇ ਕ੍ਰਿਕਟ ਨੂੰ ਰੋਮਾਂਚਕ ਬਣਾਉਣ ਲਈ ਸ਼ੁਰੂ ਕੀਤੀ ਗਈ ਸੀ।

ਸ਼ਾਮਲ ਹੋਣ ਵਾਲੀਆਂ ਚੋਟੀ ਦੀਆਂ ਸੱਤ ਟੀਮਾਂ 2023 ਵਿਸ਼ਵ ਕੱਪ ਵਿਚ ਸਿੱਧਾ ਪ੍ਰਵੇਸ਼ ਕਰਨਗੀਆਂ। ਮੇਜ਼ਬਾਨ ਹੋਣ ਦੇ ਨਾਤੇ, ਭਾਰਤ ਸਿੱਧੇ ਤੌਰ 'ਤੇ 50 ਓਵਰਾਂ ਦੇ ਕ੍ਰਿਕਟ ਵਰਲਡ ਕੱਪ -2023 ਵਿਚ ਐਂਟਰੀ ਕਰ ਲਵੇਗਾ।

ਭਾਰਤੀ ਟੀਮ ਨੇ ਬੁੱਧਵਾਰ ਨੂੰ ਮਾਨੂਕਾ ਓਵਲ ਮੈਦਾਨ ਵਿਚ ਖੇਡੇ ਗਏ ਆਖਰੀ ਵਨਡੇ ਮੈਚ ਵਿਚ ਆਸਟਰੇਲੀਆ ਨੂੰ 13 ਦੌੜਾਂ ਨਾਲ ਹਰਾ ਕੇ ਜਿੱਤ ਦੇ ਨਾਲ ਲੜੀ ਦੀ ਸਮਾਪਤੀ ਕੀਤੀ।