ਆਈਪੀਐਲ 2021 ਦੇ ਮੁਅੱਤਲ ਹੋਣ ਤੋਂ ਬਾਅਦ ਚੇਨਈ ਸੁਪਰ ਕਿੰਗਜ਼ (ਸੀਐਸਕੇ) ਦੇ ਤੇਜ਼ ਗੇਂਦਬਾਜ਼ ਦੀਪਕ ਚਾਹਰ ਨੇ ਖੁਲਾਸਾ ਕੀਤਾ ਹੈ ਕਿ ਆਈਪੀਐਲ 2021 ਦੌਰਾਨ ਕਿਸੇ ਵੀ ਟੀਮ ਦੇ ਮੈਂਬਰਾਂ ਨੇ COVID-19 ਪ੍ਰੋਟੋਕੋਲ ਦੀ ਉਲੰਘਣਾ ਨਹੀਂ ਕੀਤੀ ਸੀ।
ਮਹੱਤਵਪੂਰਣ ਗੱਲ ਇਹ ਹੈ ਕਿ ਸੀਐਸਕੇ ਦੇ ਸੀਈਓ ਕਾਸੀ ਵਿਸ਼ਵਨਾਥਨ, ਗੇਂਦਬਾਜ਼ੀ ਕੋਚ ਐਲ ਬਾਲਾਜੀ ਅਤੇ ਇੱਕ ਬੱਸ ਕਲੀਨਰ ਨੂੰ ਕੋਵਿਡ -19 ਪਾਜ਼ੀਟਿਵ ਪਾਏ ਜਾਣ ਕਾਰਨ ਕੈਂਪ ਵਿੱਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ ਸੀ। ਅਗਲੇ ਦਿਨ ਬੱਲੇਬਾਜ਼ੀ ਕੋਚ ਮਾਈਕਲ ਹਸੀ ਵੀ ਪਾੱਜ਼ੀਟਿਵ ਪਾਏ ਗਏ ਸੀ। ਦੀਪਕ ਚਾਹਰ ਨੇ ਇਹ ਵੀ ਕਿਹਾ ਕਿ ਕੈਂਪ ਵਿੱਚ ਵੱਧ ਰਹੇ ਕੇਸਾਂ ਦੇ ਬਾਵਜੂਦ ਟੀਮ ਦੇ ਹੋਰ ਮੈਂਬਰ ਘਬਰਾਏ ਨਹੀਂ ਅਤੇ ਸਥਿਤੀ ਨੂੰ ਸ਼ਾਂਤੀ ਨਾਲ ਨਿਪਟਿਆ ਗਿਆ।
ਸਪੋਰਟਸਸਟਾਰ ਨਾਲ ਗੱਲਬਾਤ ਦੌਰਾਨ ਚਹਾਰ ਨੇ ਕਿਹਾ, “ਕੁਝ ਰਿਪੋਰਟਾਂ ਪਾੱਜ਼ੀਟਿਵ ਸਾਹਮਣੇ ਆਉਣ ਤੋਂ ਬਾਅਦ, ਟੀਮ ਪ੍ਰਬੰਧਨ ਨੇ ਸਾਨੂੰ ਆਈਸੋਲੇਸ਼ਨ ਵਿੱਚ ਰਹਿਣ ਲਈ ਕਿਹਾ। ਸਾਡੇ ਕੋਲ ਹਰ ਰੋਜ਼ ਟੈਸਟ ਚੱਲ ਰਹੇ ਸਨ ਅਤੇ ਰਿਪੋਰਟ ਨੈਗੇਟਿਵ ਆ ਰਹੀ ਸੀ, ਇਸ ਲਈ ਇਹ ਵੱਡੀ ਰਾਹਤ ਸੀ। ਪਰ ਕੋਈ ਵੀ ਖਿਡਾਰੀ ਘਬਰਾਇਆ ਨਹੀਂ ਅਤੇ ਸਾਰਿਆਂ ਨੇ ਇਸ ਨੂੰ ਚੰਗੀ ਤਰ੍ਹਾਂ ਸੰਭਾਲਿਆ। ਇਸ ਦੌਰਾਨ ਕੋਈ ਪ੍ਰੋਟੋਕੋਲ ਨਹੀਂ ਤੋੜਿਆ ਗਿਆ। ਪਰ ਸਪੱਸ਼ਟ ਹੈ ਕਿ ਮੈਨੂੰ ਨਹੀਂ ਪਤਾ ਕਿ ਕੀ ਗਲਤ ਹੋਇਆ ਹੈ।”
ਅੱਗੇ ਬੋਲਦਿਆਂ, ਚਾਹਰ ਨੇ ਕਿਹਾ, "ਇਹ ਕਹਿਣਾ ਮੁਸ਼ਕਲ ਹੈ ਕਿਉਂਕਿ ਸਾਰੇ ਖਿਡਾਰੀ ਬਬਲ ਦਾ ਸਖਤੀ ਨਾਲ ਪਾਲਣ ਕਰਦੇ ਹਨ। ਜਦੋਂ ਤੁਸੀਂ ਇੱਕ ਸ਼ਹਿਰ ਤੋਂ ਦੂਜੇ ਸ਼ਹਿਰ ਵਿੱਚ ਇੱਕ ਬਬਲ ਬਣਾਉਂਦੇ ਹੋ ਤਾਂ ਇਹ ਇੱਕ ਮੁਸ਼ਕਲ ਕੰਮ ਹੋ ਸਕਦਾ ਹੈ। ਪਰ ਮੈਂ ਕਹਾਂਗਾ ਕਿ ਮੈਂ ਇਸ ਸਥਿਤੀ ਵਿੱਚ ਨਹੀਂ ਹਾਂ ਕਿ ਅਸਲ ਵਿੱਚ ਕੀ ਹੋਇਆ ਹੈ।"