ਕੀ ਮੁੰਬਈ ਇੰਡੀਅਨਜ਼ ਦੀ ਟੀਮ ਮੰਨੇਗੀ ਡੇਲ ਸਟੇਨ ਦੀ ਸਲਾਹ, ਅਫਰੀਕੀ ਸਟਾਰ ਨੇ ਕਿਹਾ 'ਰੋਹਿਤ ਨੂੰ ਤੀਜੇ ਨੰਬਰ' ਤੇ ਕਰਾਉ ਬੈਟਿਂਗ'

ਦੱਖਣੀ ਅਫਰੀਕਾ ਦੇ ਤੇਜ਼ ਗੇਂਦਬਾਜ਼ ਡੇਲ ਸਟੇਨ ਨੇ ਚੈਂਪੀਅਨ ਮੁੰਬਈ ਇੰਡੀਅਨਜ਼ ਦੀ ਟੀਮ ਨੂੰ ਸਲਾਹ ਦਿੱਤੀ ਹੈ। ਡੇਲ ਸਟੇਨ ਨੇ ਮੁੰਬਈ ਦੀ ਬੱਲੇਬਾਜ਼ੀ ਵਿਚ ਤਬਦੀਲੀ ਕਰਨ ਦਾ ਸੁਝਾਅ ਦਿੱਤਾ ਹੈ ਅਤੇ ਕਿਹਾ ਹੈ ਕਿ ਇਸ ਨਾਲ ਉਸ ਦੀ ਬੱਲੇਬਾਜ਼ੀ ਹੋਰ ਵੀ ਮਜ਼ਬੂਤ ​​ਹੋ ਸਕਦੀ ਹੈ।

ਡੇਲ ਸਟੇਨ ਦਾ ਮੰਨਣਾ ਹੈ ਕਿ ਕ੍ਰਿਸ ਲਿਨ ਕੁਇੰਟਨ ਡੀ ਕਾੱਕ ਨਾਲ ਓਪਨਿੰਗ ਲਈ ਇੱਕ ਬਿਹਤਰ ਵਿਕਲਪ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਸਟੇਨ ਨੇ ਇਕ ਵੱਡੀ ਸਲਾਹ ਵੀ ਦਿੱਤੀ ਹੈ ਕਿ ਰੋਹਿਤ ਸ਼ਰਮਾ ਨੂੰ ਤੀਜੇ ਨੰਬਰ 'ਤੇ ਭੇਜ ਕੇ ਬੱਲੇਬਾਜ਼ੀ ਅੱਗੇ ਖਿੱਚੀ ਜਾ ਸਕਦੀ ਹੈ।

ਸਟੇਨ ਨੇ ਈਐਸਪੀਐਨ ਕ੍ਰਿਕਿਨਫੋ ਨਾਲ ਗੱਲਬਾਤ ਦੌਰਾਨ ਕਿਹਾ, “ਮੈਂ ਰੋਹਿਤ ਨੂੰ ਬਤੌਰ ਸਲਾਮੀ ਬੱਲੇਬਾਜ਼ ਪਸੰਦ ਕਰਦਾ ਹਾਂ, ਪਰ ਤੁਸੀਂ ਕੁਇੰਟਨ ਡੀ ਕੌਕ ਅਤੇ ਕ੍ਰਿਸ ਲਿਨ ਨਾਲ ਓਪਨ ਕਰ ਸਕਦੇ ਹੋ ਅਤੇ ਰੋਹਿਤ ਨੂੰ 3 ਅਤੇ ਸੂਰਯਕੁਮਾਰ ਯਾਦਵ ਨੂੰ 4 ਤੇ ਭੇਜ ਸਕਦੇ ਹੋ।"

ਅੱਗੇ ਬੋਲਦਿਆਂ ਉਨ੍ਹਾਂ ਕਿਹਾ, "ਪਿਛਲੇ ਕੁਝ ਮੈਚਾਂ ਵਿੱਚ ਮੁੰਬਈ ਦੀ ਟੀਮ ਤਿੰਨ ਵਿਦੇਸ਼ੀ ਖਿਡਾਰੀਆਂ ਨਾਲ ਜਾ ਰਹੀ ਹੈ। ਇਸ ਲਈ ਜੇਕਰ ਮੁੰਬਈ ਦੀ ਟੀਮ ਇਸ ਰਣਨੀਤੀ ਤਹਿਤ ਆਉਂਦੀ ਹੈ ਤਾਂ ਇਹ ਉਨ੍ਹਾਂ ਦੀ ਬੱਲੇਬਾਜ਼ੀ ਨੂੰ ਕੁਝ ਹੋਰ ਵਧਾਏਗੀ।"