ਆਸਟਰੇਲੀਆ ਦੇ ਖੱਬੇ ਹੱਥ ਦੇ ਵਿਸਫੋਟਕ ਬੱਲੇਬਾਜ਼ ਡੇਵਿਡ ਵਾਰਨਰ ਆਈਪੀਐਲ ਦੇ ਇਤਿਹਾਸ ਵਿੱਚ ਸਭ ਤੋਂ ਸਫਲ ਵਿਦੇਸ਼ੀ ਬੱਲੇਬਾਜ਼ ਹਨ। ਵਾਰਨਰ ਨੂੰ ਜਦੋਂ ਮੌਕਾ ਮਿਲਿਆ ਉਹਨਾਂ ਨੇ ਉਸ ਸਮੇਂ ਆਪਣੀ ਟੀਮ ਲਈ ਪ੍ਰਦਰਸ਼ਨ ਕੀਤਾ. ਵਾਰਨਰ ਨੇ ਆਪਣੇ ਆਈਪੀਐਲ ਕਰੀਅਰ ਦੀ ਸ਼ੁਰੂਆਤ 2009 ਵਿੱਚ ਦਿੱਲੀ ਕੈਪਿਟਲਸ (ਦਿੱਲੀ ਡੇਅਰਡੇਵਿਲਜ਼) ਨਾਲ ਕੀਤੀ ਸੀ ਅਤੇ ਉਦੋਂ ਤੋਂ ਉਸਦਾ ਪ੍ਰਦਰਸ਼ਨ ਹਰ ਸਾਲ ਅਸਮਾਨੀ ਚੜ੍ਹਿਆ ਹੈ।
ਡੇਵਿਡ ਵਾਰਨਰ ਆਈਪੀਐਲ ਦੇ ਇਤਿਹਾਸ ਵਿਚ ਇਕਲੌਤੇ ਖਿਡਾਰੀ ਹਨ ਜਿਹਨਾਂ ਨੇ ਲਗਾਤਾਰ ਪੰਜ ਆਈਪੀਐਲ ਸੀਜ਼ਨ ਵਿਚ 500 ਤੋਂ ਵੱਧ ਦੌੜਾਂ ਬਣਾਈਆਂ ਹਨ. 2014 ਵਿੱਚ, ਉਹਨਾਂਨੇ 528 ਦੌੜਾਂ, 2015 ਵਿੱਚ 562 ਦੌੜਾਂ, 2016 ਵਿੱਚ 848 ਦੌੜਾਂ, 2017 ਵਿੱਚ 641 ਦੌੜਾਂ ਅਤੇ 2019 ਦੇ ਆਈਪੀਐਲ ਵਿੱਚ 692 ਦੌੜਾਂ ਬਣਾਈਆਂ ਹਨ।
ਵਾਰਨਰ ਦੇ ਕੋਲ ਆਈਪੀਐਲ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਵਾਰ ਓਰੇਂਜ ਕੈਪ ਜਿੱਤਣ ਦਾ ਰਿਕਾਰਡ ਵੀ ਹੈ। ਉਹ ਆਈਪੀਐਲ 2015 (562 ਦੌੜਾਂ), 2017 (641 ਦੌੜਾਂ) ਅਤੇ 2019 (692 ਦੌੜਾਂ) ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਤੋਂ ਬਾਅਦ ਸਾਰੇ ਤਿੰਨ ਸਾਲਾਂ ਵਿੱਚ ਓਰੇਂਜ ਕੈਪ ਦਾ ਵਿਜੇਤਾ ਬਣੇ ਸੀ।
ਵਾਰਨਰ ਦੇ ਨਾਮ ਬਤੌਰ ਵਿਦੇਸ਼ੀ ਬੱਲੇਬਾਜ਼ ਆਈਪੀਐਲ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਰਿਕਾਰਡ ਹੈ। ਆਈਪੀਐਲ ਸਟਾਰ ਨੇ ਕੁੱਲ 126 ਮੈਚ ਖੇਡੇ ਹਨ ਜਿਸ ਵਿੱਚ ਉਹਨਾਂ ਨੇ 142.39 ਦੀ ਸਟ੍ਰਾਈਕ ਰੇਟ ਨਾਲ ਕੁੱਲ 4706 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ, ਉਹਨਾਂ ਨੇ 4 ਸ਼ਾਨਦਾਰ ਸੈਂਕੜੇ ਵੀ ਲਗਾਏ ਹਨ. ਇਸ ਤੋਂ ਇਲਾਵਾ ਵਾਰਨਰ ਨੇ ਆਈਪੀਐਲ ਦੇ ਇਤਿਹਾਸ ਵਿਚ 44 ਅਰਧ ਸੈਂਕੜੇ ਲਗਾਏ ਹਨ, ਜੋ ਇਕ ਰਿਕਾਰਡ ਹੈ।
ਇਸ ਵਾਰ ਵਾਰਨਰ ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਕਪਤਾਨੀ ਸੰਭਾਲ ਰਹੇ ਹਨ। ਟੀਮ ਵਿਚ ਉਹਨਾਂ ਤੋਂ ਇਲਾਵਾ ਜੋਨੀ ਬੇਅਰਸਟੋ, ਕੇਨ ਵਿਲੀਅਮਸਨ, ਭੁਵਨੇਸ਼ਵਰ ਕੁਮਾਰ, ਰਾਸ਼ਿਦ ਖਾਨ, ਮੁਹੰਮਦ ਨਬੀ ਵਰਗੇ ਕਈ ਸਿਤਾਰੇ ਹਨ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਵਾਰ ਵੀ ਵਾਰਨਰ ਆਈਪੀਐਲ ਵਿਚ ਆਪਣੇ ਬੱਲੇ ਨਾਲ ਰਨਾਂ ਦੀ ਬਾਰਿਸ਼ ਕਰਣਗੇ ਅਤੇ 2016 ਦੇ ਬਾਅਦ ਇਕ ਵਾਰ ਫਿਰ ਆਈਪੀਐਲ ਟਰਾਫੀ 'ਤੇ ਕਬਜ਼ਾ ਕਰਨਾ ਚਾਹੁਣਗੇ।
David Warner IPL Records
● Matches- 126
● Not Out- 17
● Runs- 4706
● Highest Score- 126
● Average- 43.17
● Strike Rate- 142.39
● Centuries(100s)- 4
● Half Centuries (50s)- 44
● Fours- 458
● Sixes- 181
● Catches- 54
● Wickets- 0