IND vs AUS: ਆਸਟਰੇਲੀਆ ਦੇ ਕਪਤਾਨ ਟਿਮ ਪੇਨ ਦਾ ਛਲਕਿਆ ਦਰਦ, ਕਿਹਾ- 'ਭਾਰਤ ਦੇ ਹੱਥੋਂ 2018 ਵਿਚ ਮਿਲੀ ਹਾਰ ਦਾ ਦਰਦ ਅਜੇ ਵੀ ਹੈ'

ਭਾਰਤੀ ਟੀਮ ਜਦੋਂ ਪਿਛਲੀ ਵਾਰ 2018-19 ਵਿਚ ਆਸਟ੍ਰੇਲੀਆ ਦਾ ਦੌਰਾ ਕੀਤਾ ਸੀ, ਤਾਂ ਉਹਨਾਂ ਨੇ ਪਹਿਲੀ ਵਾਰ ਕੰਗਾਰੂ ਸਰਜਮੀਂ ਤੇ ਟੇਸਟ ਸੀਰੀਜ ਜਿੱਤੀ ਸੀ. ਉਸ ਦੌਰੇ ਤੇ ਵਿਰਾਟ ਕੋਹਲੀ ਦੀ ਟੀਮ ਨੇ 2-1 ਨਾਲ ਟੇਸਟ ਸੀਰੀਜ ਆਪਣੇ ਨਾਮ ਕੀਤੀ ਸੀ. ਉਸ ਸਮੇਂ ਤੇ ਵੀ ਆਸਟ੍ਰੇਲੀਆਈ ਟੀਮ ਦੇ ਟੇਸਟ ਕਪਤਾਨ ਟਿਮ ਪੇਨ ਸੀ ਤੇ ਹੁਣ ਇਸ ਸਮੇਂ ਵੀ ਉਹੀ ਟੀਮ ਦੇ ਕਪਤਾਨ ਹਨ. ਪੇਨ ਦਾ ਕਹਿਣਾ ਹੈ ਕਿ ਭਾਰਤ ਦੇ ਹੱਥੋਂ 2018-19 ਦੇ ਦੌਰੇ ਤੇ ਮਿਲੀ ਹਾਰ ਦਾ ਦਰਦ ਅਜੇ ਵੀ ਉਹਨਾਂ ਨੂੰ ਦੁੱਖ ਦਿੰਦਾ ਹੈ.

ਪੇਨ ਨੇ 2 ਜੀਬੀ ਕੇ ਵਾਈਡ ਵਰਲਡ ਔਫ ਸਪੋਰਟਸ ਰੇਡਿਉ ਤੇ ਕਿਹਾ, 'ਮੈਨੂੰ ਪਤਾ ਹੈ ਕਿ ਜੋ ਖਿਡਾਰੀ ਉਸ ਸਮੇਂ ਟੀਮ ਵਿਚ ਸੀ, ਉਹਨਾਂ ਨੂੰ ਕਾਫੀ ਦਰਦ ਸੀ. ਮੈਂ ਜਾਣਦਾ ਹਾਂ ਕਿ ਸਮਿਥ ਅਤੇ ਵਾਰਨਰ ਦੇ ਆਉਣ ਨਾਲ ਟੀਮ  ਨੂੰ ਦੋ ਅਨੁਭਵੀ ਖਿਡਾਰੀ ਮਿਲੇ ਹਨ.'

ਉਹਨਾਂ ਨੇ ਕਿਹੀ, 'ਹਰ ਕੋਈ ਪੂਰੀ ਤਰ੍ਹਾਂ ਇਸ ਨਾਲ ਆਹਤ ਹੈ. ਪਿਛਲੀ ਵਾਰ ਅਸੀਂ ਦੌੜਾਂ ਨਹੀਂ ਬਣਾਈਆਂ ਸੀ. ਇਸ ਵਾਰ ਮੈਨੂੰ ਲੱਗਦਾ ਹੈ ਕਿ ਸਾਡੇ ਕੁਝ ਖਿਡਾਰੀਆਂ ਨੇ ਇਸ ਬਾਰੇ ਗੱਲ ਕੀਤੀ ਹੈ. ਜੇਕਰ ਅਸੀਂ ਆਪਣੇ ਤੇਜ ਗੇਂਦਬਾਜਾਂ ਤੋਂ ਪਿਛਲੀ ਬਾਰ ਦੀ ਤੁਲਨਾ ਵਿਚ ਜਿਆਦਾ ਓਵਰ ਕਰਾ ਸਕਦੇ ਹਾਂ ਤਾਂ ਮੈਨੂੰ ਲੱਗਦਾ ਹੈ ਕਿ ਅਸੀਂ 20 ਵਿਕਟਾਂ ਲੈ ਸਕਦੇ ਹਾਂ.'

ਉਹਨਾਂ ਨੇ ਕਿਹਾ, 'ਸਮਿਥ ਅਤੇ ਵਾਰਨਰ ਹੋਣ ਜਾਂ ਨਹੀਂ. ਤੁਸੀਂ ਕੋਈ ਵੀ ਟੈਸਟ ਮੈਚ ਜਾਂ ਸੀਰੀਜ ਹਾਰਨਾ ਨਹੀਂ ਚਾਹੁੰਦੇ ਹੋ ਜਿਸ ਵਿਚ ਤੁਸੀਂ ਖੇਡ ਰਹੇ ਹੋ. ਇਸ ਲਈ ਇਸ ਨਾਲ ਮੈਨੂੰ ਥੋੜੀ ਜਿਹੀ ਤਕਲੀਫ ਜਰੂਰ ਪਹੁੰਚਦੀ ਹੈ. ਇਸ ਹਾਰ ਦੇ ਦੌਰਾਨ ਟੀਮ ਦਾ ਹਿੱਸਾ ਰਹੇ ਹਰੇਕ ਖਿਡਾਰੀ ਵਿਚ ਪਿਛਲੇ ਕੁਝ ਸਾਲਾਂ ਵਿਚ ਸੁਧਾਰ ਹੋਇਆ ਹੈ.'

ਆਸਟ੍ਰੇਲੀਆ ਦੇ ਟੈਸਟ ਕਪਤਾਨ ਨੇ ਕਿਹਾ, 'ਹੁਣ ਅਸੀਂ ਕਾਫੀ ਵਧੀਆ ਟੀਮ ਹਾਂ. ਸਾਡੀ ਟੀਮ ਬਿਹਤਰ ਆਲਰਾਉਂਡ ਟੀਮ ਹੈ. ਸਮਿਥ ਅਤੇ ਵਾਰਨਰ ਦੇ ਆਉਣ ਨਾਲ ਟੀਮ ਨੂੰ ਅਨੁਭਵੀ ਖਿਡਾਰੀ ਮਿਲੇ ਹਨ.'