DK ਨੇ ਬਾਬਰ ਬਾਰੇ ਕੀਤੀ ਵੱਡੀ ਭਵਿੱਖਬਾਣੀ, ਪ੍ਰਸ਼ੰਸਕਾਂ ਨੇ ਕਿਹਾ- 'ਨਾਗਰਿਕਤਾ ਖੋਹ ਕੇ ਭਾਰਤੀ ਟੀਮ ਤੋਂ ਬਾਹਰ ਕੱਢੋ'
IPL 2022 'ਚ ਆਪਣੇ ਬੱਲੇ ਨਾਲ ਧਮਾਲ ਮਚਾਉਣ ਵਾਲੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਵਿਕਟਕੀਪਰ ਬੱਲੇਬਾਜ਼ ਦਿਨੇਸ਼ ਕਾਰਤਿਕ ਨੇ ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਕਪਤਾਨ ਬਾਬਰ ਆਜ਼ਮ ਨੂੰ ਲੈ ਕੇ ਇਕ ਵੱਡੀ ਭਵਿੱਖਬਾਣੀ ਕੀਤੀ ਹੈ, ਜਿਸ ਤੋਂ ਬਾਅਦ ਭਾਰਤੀ ਪ੍ਰਸ਼ੰਸਕ ਉਸ ਦੀ ਜ਼ਬਰਦਸਤ ਕਲਾਸ ਲਗਾ ਰਹੇ ਹਨ। ਕਾਰਤਿਕ ਮੁਤਾਬਕ ਬਾਬਰ ਖੇਡ ਦੇ ਸਾਰੇ ਫਾਰਮੈਟਾਂ 'ਚ ਨੰਬਰ-1 ਬੱਲੇਬਾਜ਼ ਬਣਨ ਵਾਲਾ ਪਹਿਲਾ ਖਿਡਾਰੀ ਬਣ ਸਕਦਾ ਹੈ।
ਰਾਜਸਥਾਨ ਦੇ ਖਿਲਾਫ ਦੂਜੇ ਕੁਆਲੀਫਾਇਰ ਮੈਚ ਤੋਂ ਪਹਿਲਾਂ ਕਾਰਤਿਕ ਨੇ ਸੰਜਨਾ ਗਣੇਸ਼ਨ ਨਾਲ ਇੱਕ ਇੰਟਰਵਿਊ ਕੀਤਾ ਸੀ ਜਿਸ ਵਿੱਚ ਉਸਨੇ ਬਾਬਰ ਬਾਰੇ ਇਹ ਬੋਲਡ ਭਵਿੱਖਬਾਣੀ ਕੀਤੀ ਸੀ। ਜੇਕਰ ਅਸੀਂ ਮੌਜੂਦਾ ਸਮੇਂ ਦੀ ਗੱਲ ਕਰੀਏ ਤਾਂ ਬਾਬਰ ਆਜ਼ਮ ਦੋਨਾਂ ਫਾਰਮੈਟਾਂ (ਓਡੀਆਈ ਅਤੇ ਟੀ-20) ਦੀ ਬੱਲੇਬਾਜ਼ੀ ਰੈਂਕਿੰਗ ਵਿੱਚ ਪਹਿਲੇ ਨੰਬਰ ਤੇ ਹਨ। ਜਦਕਿ ਉਹ ਟੈਸਟ ਬੱਲੇਬਾਜ਼ੀ ਰੈਂਕਿੰਗ ਵਿਚ ਪੰਜਵੇਂ ਨੰਬਰ 'ਤੇ ਹੈ। ਅਜਿਹੇ 'ਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕਾਰਤਿਕ ਦੀ ਇਹ ਭਵਿੱਖਬਾਣੀ ਪੂਰੀ ਹੁੰਦੀ ਹੈ ਜਾਂ ਨਹੀਂ।
ਕਾਰਤਿਕ ਨੇ ਆਈਸੀਸੀ ਰਿਵਿਉ ਦੇ ਤਾਜ਼ਾ ਐਪੀਸੋਡ ਵਿੱਚ ਕਿਹਾ, 'ਬਾਬਰ ਆਜ਼ਮ ਵਿੱਚ ਦੁਨੀਆ ਵਿੱਚ ਪਹਿਲੀ ਵਾਰ ਸਾਰੇ ਫਾਰਮੈਟਾਂ ਵਿੱਚ ਨੰਬਰ ਇੱਕ ਬੱਲੇਬਾਜ਼ ਬਣਨ ਦੀ 100% ਸਮਰੱਥਾ ਹੈ। ਉਹ ਉੱਚ ਗੁਣਵੱਤਾ ਵਾਲਾ ਖਿਡਾਰੀ ਹੈ ਜੋ ਆਪਣੀ ਬੱਲੇਬਾਜ਼ੀ ਦੇ ਸਿਖਰ 'ਤੇ ਹੈ। ਅਜਿਹੇ 'ਚ ਉਹ ਤਿੰਨਾਂ ਫਾਰਮੈਟਾਂ 'ਚ ਨੰਬਰ ਇਕ ਦਾ ਸਥਾਨ ਹਾਸਲ ਕਰ ਸਕਦਾ ਹੈ।'
ਦਿਨੇਸ਼ ਕਾਰਤਿਕ ਦੇ ਇਸ ਬਿਆਨ ਤੋਂ ਕਈ ਭਾਰਤੀ ਪ੍ਰਸ਼ੰਸਕ ਬਹੁਤ ਨਾਰਾਜ਼ ਹਨ ਅਤੇ ਉਹ ਇਸ ਵਿਕਟਕੀਪਰ ਬੱਲੇਬਾਜ਼ ਨੂੰ ਸਖ਼ਤ ਤਾੜਨਾ ਕਰ ਰਹੇ ਹਨ। ਇਕ ਪ੍ਰਸ਼ੰਸਕ ਨੇ ਤਾਂ ਕਾਰਤਿਕ ਦੀ ਭਾਰਤੀ ਨਾਗਰਿਕਤਾ ਰੱਦ ਕਰਨ ਦੀ ਮੰਗ ਵੀ ਕੀਤੀ ਹੈ। ਉਥੇ ਹੀ ਇਕ ਪ੍ਰਸ਼ੰਸਕ ਨੇ ਉਸ ਨੂੰ ਭਾਰਤੀ ਟੀਮ ਤੋਂ ਵੀ ਬਾਹਰ ਕਰਨ ਲਈ ਕਿਹਾ ਹੈ। ਇਸ ਤੋਂ ਇਲਾਵਾ ਕਾਰਤਿਕ ਦੇ ਇਸ ਬਿਆਨ ਤੋਂ ਕਈ ਪ੍ਰਸ਼ੰਸਕ ਕਾਫੀ ਨਾਰਾਜ਼ ਹੋਏ ਹਨ।