ਭਾਰਤ ਖਿਲਾਫ ਦੂਜੇ ਟੈਸਟ ਲਈ ਇੰਗਲੈਂਡ ਨੇ ਕੀਤਾ 12 ਖਿਡਾਰਿਆਂ ਦਾ ਐਲਾਨ, ਇਕੋ ਵਾਰੀ 4 ਖਿਡਾਰੀ ਹੋਏ ਬਾਹਰ

ਇੰਗਲੈਂਡ ਨੇ ਸ਼ਨੀਵਾਰ (13 ਫਰਵਰੀ) ਨੂੰ ਚੇਨਈ ਵਿਚ ਭਾਰਤ ਖਿਲਾਫ ਹੋਣ ਵਾਲੇ ਦੂਸਰੇ ਟੈਸਟ ਮੈਚ ਲਈ 12 ਮੈਂਬਰੀ ਟੀਮ ਦਾ ਐਲਾਨ ਕੀਤਾ ਹੈ। ਇਸ ਮੈਚ ਲਈ ਜੋਸ ਬਟਲਰ, ਡੋਮ ਬੇਸ, ਓਲੀ ਪੋਪ ਅਤੇ ਜੇਮਜ਼ ਐਂਡਰਸਨ ਦੀ ਜਗ੍ਹਾ ਬੈਨ ਫੌਕਸ, ਮੋਇਨ ਅਲੀ, ਸਟੂਅਰਟ ਬ੍ਰਾਡ, ਓਲੀ ਸਟੋਨ, ​​ਕ੍ਰਿਸ ਵੋਕਸ ਨੂੰ ਜਗ੍ਹਾ ਦਿੱਤੀ ਹੈ।

ਜੋਫਰਾ ਆਰਚਰ ਸੱਟ ਕਾਰਨ ਮੈਚ ਤੋਂ ਬਾਹਰ ਹੋ ਗਏ ਹਨ। ਬਟਲਰ, ਬੇਸ ਅਤੇ ਐਂਡਰਸਨ ਨੂੰ ਈ.ਸੀ.ਬੀ. ਦੀ ਰੋਟੇਸ਼ਨ ਨਿਤੀ ਦੇ ਤਹਿਤ ਆਰਾਮ ਦਿੱਤਾ ਗਿਆ ਹੈ। ਇਹ ਸਾਰੇ ਪਹਿਲੇ ਮੈਚ ਵਿਚ ਪਲੇਇੰਗ ਇਲੈਵਨ ਦਾ ਹਿੱਸਾ ਸੀ। ਹਾਲਾਂਕਿ, ਬਟਲਰ ਨੂੰ ਸਿਰਫ ਪਹਿਲੇ ਟੈਸਟ ਲਈ ਇੰਗਲੈਂਡ ਦੀ ਟੀਮ ਵਿੱਚ ਚੁਣਿਆ ਗਿਆ ਸੀ।

ਐਂਡਰਸਨ ਅਤੇ ਬੇਸ ਨੇ ਪਹਿਲੇ ਟੈਸਟ ਮੈਚ ਵਿਚ ਪੰਜ ਵਿਕਟਾਂ ਲਈਆਂ ਸੀ। ਇੰਗਲੈਂਡ ਨੇ ਇਹ ਮੈਚ 227 ਦੌੜਾਂ ਨਾਲ ਜਿੱਤ ਕੇ ਚਾਰ ਮੈਚਾਂ ਦੀ ਟੈਸਟ ਸੀਰੀਜ਼ ਵਿਚ 1-0 ਦੀ ਬੜ੍ਹਤ ਬਣਾ ਲਈ ਹੈ।

ਇੰਗਲੈਂਡ ਦੇ ਕਪਤਾਨ ਜੋ ਰੂਟ ਨੇ ਸ਼ੁੱਕਰਵਾਰ ਨੂੰ ਮੀਡੀਆ ਨੂੰ ਦੱਸਿਆ, 'ਅਸੀਂ ਟੀਮ ਵਿਚ ਚਾਰ ਬਦਲਾਅ ਕੀਤੇ ਹਨ। ਮੈਂ ਇਸ ਸਮੇਂ 12 ਮੈਂਬਰੀ ਟੀਮ ਦਾ ਐਲਾਨ ਕਰ ਰਿਹਾ ਹਾਂ। ਬੇਨ ਫੌਕਸ, ਮੋਇਨ ਅਲੀ, ਕ੍ਰਿਸ ਵੋਕਸ, ਸਟੂਅਰਟ ਬ੍ਰਾਡ ਅਤੇ ਓਲੀ ਸਟੋਨ ਨੂੰ ਸ਼ਾਮਲ ਕੀਤਾ ਹੈ। ਵੇਖਣਾ ਇਹ ਹੈ ਕਿ ਇਨ੍ਹਾਂ ਚਾਰਾਂ ਵਿੱਚੋਂ ਕਿਸ ਖਿਡਾਰੀ ਨੂੰ ਪਲੇਇੰਗ ਇਲੈਵਨ ਵਿੱਚ ਜਗ੍ਹਾ ਮਿਲੇਗੀ।'

ਰੂਟ ਨੇ ਕਿਹਾ ਕਿ ਜੌਨੀ ਬੇਅਰਸਟੋ ਦੂਜੇ ਟੈਸਟ ਤੋਂ ਬਾਅਦ ਟੀਮ ਵਿੱਚ ਸ਼ਾਮਲ ਹੋਣ ਦੇ ਬਾਵਜੂਦ, ਫੌਕਸ ਵਿਕਟਕੀਪਰ ਬਣੇ ਰਹਿਣਗੇ।