ਦੱਖਣੀ ਅਫਰੀਕਾ ਅਤੇ ਪਾਕਿਸਤਾਨ ਵਿਚਾਲੇ ਖੇਡਿਆ ਗਿਆ ਦੂਸਰਾ ਵਨਡੇ ਮੈਚ ਅਫਰੀਕੀ ਟੀਮ ਨੇ17 ਦੌੜਾਂ ਨਾਲ ਜਿੱਤ ਲਿਆ, ਪਰ ਸਲਾਮੀ ਬੱਲੇਬਾਜ਼ ਫਖਰ ਜ਼ਮਾਨ ਨੇ ਆਪਣੀ 193 ਦੌੜਾਂ ਦੀ ਪਾਰੀ ਨਾਲ ਮਹਿਫਿਲ ਲੁੱਟ ਲਈ। ਹਾਲਾਂਕਿ, ਜਿਸ ਤਰੀਕੇ ਨਾਲ ਉਹ ਆਉਟ ਹੋਏ, ਸ਼ਾਇਦ ਹੀ ਕਿਸੇ ਨੇ ਇਸਦੀ ਉਮੀਦ ਕੀਤੀ ਸੀ।
ਦੱਖਣੀ ਅਫਰੀਕਾ ਦੇ ਵਿਕਟਕੀਪਰ ਕਵਿੰਟਨ ਡੀ ਕੌਕ ਨੇ ਜਿਸ ਤਰ੍ਹਾੰ ਫਖਰ ਨੂੰ ਰਨਆਉਟ ਕੀਤਾ ਉਸਨੂੰ ਲੈ ਕੇ ਵਿਵਾਦ ਹੋਰ ਡੂੰਘਾ ਹੁੰਦਾ ਜਾ ਰਿਹਾ ਹੈ ਪਰ ਇਸ ਦੌਰਾਨ ਫਖਰ ਜ਼ਮਾਨ ਨੇ ਪਹਿਲੀ ਵਾਰ ਇਸ ਮਾਮਲੇ 'ਤੇ ਆਪਣੀ ਚੁੱਪੀ ਤੋੜ ਦਿੱਤੀ ਹੈ। ਫਖਰ ਦਾ ਮੰਨਣਾ ਹੈ ਕਿ ਡੀ ਕਾੱਕ ਦੀ ਇਸ ਵਿਚ ਕੋਈ ਗਲਤੀ ਨਹੀਂ ਸੀ ਜਿਸ ਤਰ੍ਹਾਂ ਉਹ ਰਨਆਉਟ ਹੋਏ ਸੀ, ਉਹ ਆਪਣੀ ਗਲਤੀ ਕਰਕੇ ਆਉਟ ਹੋਏ ਸੀ।
ਮੈਚ ਤੋਂ ਬਾਅਦ ਇਸ ਮੁੱਦੇ 'ਤੇ ਗੱਲ ਕਰਦਿਆਂ, ਫਖਰ ਨੇ ਕਿਹਾ, "ਗਲਤੀ ਮੇਰੀ ਸੀ ਕਿਉਂਕਿ ਮੈਂ ਦੂਜੇ ਸਿਰੇ' ਤੇ ਹਾਰਿਸ ਰਾਉਫ ਵੱਲ ਵੇਖ ਰਿਹਾ ਸੀ ਜਿਵੇਂ ਕਿ ਮੈਨੂੰ ਲੱਗਾ ਕਿ ਉਹ ਆਪਣੀ ਕਰੀਜ਼ ਤੋਂ ਥੋੜ੍ਹੀ ਦੇਰ ਨਾਲ ਦੌੜਨਾ ਸ਼ੁਰੂ ਕਰ ਰਿਹਾ ਸੀ, ਇਸ ਲਈ ਮੈਨੂੰ ਲੱਗਾ ਕਿ ਉਹਨੂੰ ਮੁਸ਼ਕਲ ਹੋ ਸਕਦੀ ਹੈ। ਬਾਕੀ ਮੈਚ ਰੈਫਰੀ ਉੱਤੇ ਨਿਰਭਰ ਕਰਦਾ ਹੈ। ਪਰ ਮੈਨੂੰ ਨਹੀਂ ਲਗਦਾ ਕਿ ਇਹ ਕੁਇੰਟਨ ਦੀ ਗਲਤੀ ਸੀ।”
ਦਰਅਸਲ, ਹੋਇਆ ਇਹ ਸੀ ਕਿ 50 ਵੇਂ ਓਵਰ ਦੀ ਪਹਿਲੀ ਗੇਂਦ 'ਤੇ, ਫਖਰ ਜ਼ਮਾਨ ਨੇ ਸ਼ਾਟ ਖੇਡਦਿਆਂ ਹੀ 2 ਦੌੜਾਂ ਲਈ ਭੱਜ ਗਿਆ। ਪਰ ਇੱਥੇ, ਕੁਇੰਟਨ ਡੀ ਕਾੱਕ ਨੇ ਚਾਲ ਖੇਡਦਿਆੰ ਗੇਂਦਬਾਜ਼ ਵੱਲ ਉਂਗਲ ਦਿਖਾਈ, ਫਖਰ ਨੂੰ ਲੱਗਾ ਕਿ ਥ੍ਰੋ ਗੇਂਦਬਾਜ਼ੀ ਵਾਲੇ ਪਾਸੇ ਜਾ ਰਹੀ ਹੈ ਅਤੇ ਦੂਜਾ ਰਨ ਲੈਂਦੇ ਹੋਏ ਉਹ ਥੋੜਾ ਹੌਲੀ ਹੋ ਗਿਆ। ਗੇਂਦ ਨੂੰ ਗੇਂਦਬਾਜ਼ ਵੱਲ ਸੁੱਟਣ ਦੀ ਬਜਾਏ ਫੀਲਡਰ ਨੇ ਗੇਂਦ ਨੂੰ ਕੁਇੰਟਨ ਡੀ ਕੌਕ ਵੱਲ ਸੁੱਟ ਦਿੱਤਾ ਅਤੇ ਗੇਂਦ ਸਿੱਧਾ ਸਟੰਪਸ 'ਤੇ ਜਾ ਲੱਗੀ ਅਤੇ ਫਖਰ ਰਨਆਉਟ ਹੋ ਗਿਆ।