IPL 2020 : ਸਾਡੇ ਵਿਚੋਂ ਬਹੁਤਿਆਂ ਨੇ ਸੋਚਿਆ ਕਿ ਅਸੀਂ ਸ਼ਾਰਜਾਹ ਵਿਚ ਖੇਡ ਰਹੇ ਹਾਂ: ਸਟੀਵ ਸਮਿਥ
ਰਾਜਸਥਾਨ ਰਾਇਲਜ਼ (RR) ਦੇ ਕਪਤਾਨ ਸਟੀਵ ਸਮਿੱਥ ਨੇ ਬੁੱਧਵਾਰ ਨੂੰ ਕੇਕੇਆਰ ਦੇ ਖਿਲਾਫ ਹਾਰ ਤੋਂ ਬਾਅਦ ਮੰਨਿਆ ਕਿ ਉਨ੍ਹਾਂ ਦੇ ਬੱਲੇਬਾਜ਼ਾਂ ਨੂੰ ਸ਼ਾਰਜਾਹ ਕ੍ਰਿਕਟ ਸਟੇਡੀਅਮ ਵਿਚ ਆਪਣੇ ਦੋਵੇਂ ਮੈਚ ਖੇਡਣ ਤੋਂ ਬਾਅਦ ਦੁਬਈ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ ਵਿਚ ਤਾਲਮੇਲ (Adjust) ਬਿਠਾਉਣ ਵਿਚ ਥੋੜ੍ਹੀ ਮੁਸ਼ਕਲ ਆਈ.
ਕੇਕੇਆਰ ਨੇ ਮੈਚ ਵਿਚ ਰਾਜਸਥਾਨ ਨੂੰ ਜਿੱਤ ਲਈ 175 ਦੌੜਾਂ ਦਾ ਟੀਚਾ ਦਿੱਤਾ ਸੀ ਪਰ ਰਾਜਸਥਾਨ ਦੀ ਟੀਮ ਟੀਚੇ ਦਾ ਪਿੱਛਾ ਕਰਦੇ ਹੋਏ 137/9 ਹੀ ਬਣਾ ਸਕੀ ਅਤੇ ਉਹਨਾਂ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਦੇ ਹੱਥੋਂ 37 ਦੌੜਾਂ ਦੀ ਹਾਰ ਦਾ ਸਾਹਮਣਾ ਕਰਨਾ ਪਿਆ.
ਸਮਿਥ ਨੇ ਮੈਚ ਤੋਂ ਬਾਅਦ ਕਿਹਾ, “ਚੀਜ਼ਾਂ ਸਾਡੀ ਯੋਜਨਾਵਾਂ ਅਨੁਸਾਰ ਨਹੀਂ ਰਹੀਆਂ. ਟੀ -20 ਕ੍ਰਿਕਟ ਵਿਚ ਇਹ ਕਈ ਵਾਰ ਹੁੰਦਾ ਹੈ. ਸਾਡੇ ਕੋਲ ਸੁਧਾਰ ਕਰਨ ਲਈ ਕੁਝ ਥਾਵਾਂ ਹਨ ਅਤੇ ਸਾਨੂੰ ਅੱਗੇ ਵਧਦੇ ਰਹਿਣਾ ਹੋਵੇਗਾ.”
ਰਾਜਸਥਾਨ ਦੇ ਕਪਤਾਨ ਨੇ ਅੱਗੇ ਕਿਹਾ, ”ਸਾਡੇ ਵਿਚੋਂ ਬਹੁਤਿਆਂ ਨੇ ਅਜੇ ਵੀ ਸੋਚਿਆ ਸੀ ਕਿ ਅਸੀਂ ਸ਼ਾਰਜਾਹ ਵਿਚ ਖੇਡ ਰਹੇ ਹਾਂ. ਇਹ ਮਹਿਸੂਸ ਹੋਇਆ (ਬਹੁਤ ਵੱਖਰਾ ਮਹਿਸੂਸ ਹੋਇਆ), ਇੱਕ ਪਾਸੇ ਦੀ ਬਾਉਂਡਰੀ ਬਹੁਤ ਵੱਡੀ ਸੀ ਅਤੇ ਅਸੀਂ ਬਹੁਤ ਸਾਰੀਆਂ ਗੇਂਦਾਂ ਨੂੰ ਉਥੇ ਜਾਂਦੇ ਹੋਏ ਨਹੀਂ ਵੇਖਿਆ ਅਤੇ ਦੂਜਾ ਪਾਸਾ ਥੋੜਾ ਛੋਟਾ ਸੀ.”
ਸਮਿੱਥ ਨੇ ਕਿਹਾ ਕਿ ਟੀਮ "ਸ਼ਾਇਦ ਵਿਕਟ ਨਾਲ ਤਾਲਮੇਲ ਨਹੀਂ ਬਿਠਾ ਸਕੀ.”
ਉਨ੍ਹਾਂ ਕਿਹਾ, “ਅਸੀਂ ਕੁਝ ਕੈਚ ਵੀ ਛੱਡੇ ਜਿਨ੍ਹਾਂ ਦਾ ਭੁਗਤਾਨ ਸਾਨੂੰ ਕਰਨਾ ਪਿਆ. ਸਾਨੂੰ ਕੰਡੀਸ਼ੰਸ ਦੇ ਮੁਤਾਬਕ ਪਲੇਇੰਗ ਇਲੈਵਨ ਦੀ ਚੌਣ ਕਰਨੀ ਹੋਵੇਗੀ. ਅਸੀਂ ਇੰਤਜ਼ਾਰ ਕਰਾਂਗੇ ਅਤੇ ਵੇਖਾਂਗੇ. ਅੱਜ ਰਾਤ ਨਿਰਾਸ਼ਾਜਨਕ ਸੀ ਪਰ ਸਾਨੂੰ ਅੱਗੇ ਵਧਦੇ ਰਹਿਣ ਦੀ ਲੋੜ ਹੈ.”