ਬ੍ਰੈਡ ਹੌਗ ਨੇ ਚੁਣੀ ਆਈਪੀਐਲ 2020 ਦੀ ਆਪਣੀ ਮਨਪਸੰਦ ਪਲੇਇੰਗ ਇਲੈਵਨ, ਧੋਨੀ-ਡੀਵਿਲੀਅਰਜ਼ ਨੂੰ ਨਹੀਂ ਮਿਲੀ ਟੀਮ ‘ਚ ਜਗ੍ਹਾ

ਆਸਟਰੇਲੀਆ ਦੇ ਸਾਬਕਾ ਮਹਾਨ ਗੇਂਦਬਾਜ਼ ਬ੍ਰੈਡ ਹੋਗ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) 2020 ਲਈ ਆਪਣੀ ਮਨਪਸੰਦ ਪਲੇਇੰਗ ਇਲੈਵਨ ਦੀ ਚੋਣ ਕੀਤੀ ਹੈ. ਹੈਰਾਨੀ ਦੀ ਗੱਲ ਹੈ ਕਿ ਹੌਗ ਨੇ ਇਸ ਪਲੇਇੰਗ ਇਲੈਵਨ ਵਿਚ ਆਈਪੀਐਲ ਦੇ ਇਤਿਹਾਸ ਵਿਚ 3 ਮਹਾਨ ਖਿਡਾਰੀ ਮਹਿੰਦਰ ਸਿੰਘ ਧੋਨੀ, ਕ੍ਰਿਸ ਗੇਲ ਅਤੇ ਏਬੀ ਡੀਵਿਲੀਅਰਜ਼ ਨੂੰ ਸ਼ਾਮਲ ਨਹੀਂ ਕੀਤਾ ਹੈ. ਹੌਗ ਨੇ ਇਸ ਟੀਮ ਨੂੰ ਆਪਣੇ ਯੂਟਿਯੁਬ ਚੈਨਲ 'ਤੇ ਇਕ ਵੀਡੀਓ ਦੌਰਾਨ ਬਣਾਇਆ.

ਉਹਨਾਂ ਨੇ ਭਾਰਤੀ ਟੀਮ ਦੇ ਓਪਨਿੰਗ ਬੱਲੇਬਾਜ਼ ਰੋਹਿਤ ਸ਼ਰਮਾ ਅਤੇ ਆਸਟਰੇਲੀਆ ਦੇ ਖੱਬੇ ਹੱਥ ਦੇ ਵਿਸਫੋਟਕ ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਨੂੰ ਆਪਣੀ ਟੀਮ ਵਿਚ ਸਲਾਮੀ ਬੱਲੇਬਾਜ਼ਾਂ ਵਜੋਂ ਚੁਣਿਆ ਹੈ। ਉਹਨਾਂ ਨੇ ਵਿਰਾਟ ਕੋਹਲੀ ਨੂੰ ਤੀਜੇ ਨੰਬਰ 'ਤੇ ਲਿਆ ਹੈ। ਚੌਥੇ ਨੰਬਰ 'ਤੇ ਨਿਉਜ਼ੀਲੈਂਡ ਦੇ ਕੇਨ ਵਿਲੀਅਮਸਨ ਹਨ ਜਿਹਨਾਂ ਨੂੰ ਹੌਗ ਦੁਆਰਾ ਆਪਣੀ ਪਲੇਇੰਗ ਇਲੈਵਨ ਦਾ ਕਪਤਾਨ ਵੀ ਚੁਣਿਆ ਗਿਆ ਹੈ। ਇਸ ਟੀਮ ਵਿਚ ਨੌਜਵਾਨ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਵੀ ਸ਼ਾਮਿਲ ਹੈ।

ਹੌਗ ਨੇ ਆਪਣੀ ਟੀਮ ਵਿਚ 3 ਆਲਰਾਉਂਡਰ ਸ਼ਾਮਲ ਕੀਤੇ ਹਨ ਜਿਸ ਵਿਚ ਛੇਵੇਂ ਨੰਬਰ 'ਤੇ ਆਂਦਰੇ ਰਸਲ, 7 ਵੇਂ ਰਵਿੰਦਰ ਜਡੇਜਾ ਅਤੇ 8 ਵੇਂ ਸੁਨੀਲ ਨਰਾਇਣ ਸ਼ਾਮਲ ਹਨ।

ਗੇਂਦਬਾਜ਼ੀ ਦੀ ਗੱਲ ਕਰੀਏ ਤਾਂ 9 ਵੇਂ ਨੰਬਰ ਤੇ ਯੁਜਵੇਂਦਰ ਚਾਹਲ, 10 ਵੇਂ ਭੁਵਨੇਸ਼ਵਰ ਕੁਮਾਰ ਅਤੇ 11 ਵੇਂ ਜਸਪ੍ਰੀਤ ਬੁਮਰਾਹ ਨੂੰ ਜਗ੍ਹਾ ਮਿਲੀ ਹੈ।

ਬ੍ਰੈਡ ਹੌਗ ਦੀ ਆੱਲਟਾਈਮ ਆਈਪੀਐਲ ਪਲੇਇੰਗ ਇਲੈਵਨ 

ਡੇਵਿਡ ਵਾਰਨਰ, ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਕੇਨ ਵਿਲੀਅਮਸਨ (ਕਪਤਾਨ), ਰਿਸ਼ਭ ਪੰਤ (ਵਿਕਟਕੀਪਰ), ਆਂਦਰੇ ਰਸਲ, ਰਵਿੰਦਰ ਜਡੇਜਾ, ਸੁਨੀਲ ਨਰੇਨ, ਯੁਜਵੇਂਦਰ ਚਾਹਲ, ਭੁਵਨੇਸ਼ਵਰ ਕੁਮਾਰ ਅਤੇ ਜਸਪ੍ਰੀਤ ਬੁਮਰਾਹ ਸ਼ਾਮਲ ਹਨ।