ਸਾਬਕਾ ਦੱਖਣੀ ਅਫਰੀਕਾ ਦੇ ਮਹਾਨ ਆਲਰਾਉਂਡਰ ਲਾਂਸ ਕਲੂਜ਼ਨਰ ਨੇ ਇਕ ਵੱਡੇ ਬਿਆਨ ਵਿਚ ਕਿਹਾ ਹੈ ਕਿ ਉਹ ਆਪਣੇ ਆਪ ਨੂੰ ਐਮਐਸ ਧੋਨੀ ਵਿਚ ਦੇਖਦਾ ਹੈ। ਕਲੂਜ਼ਨਰ ਦਾ ਮੰਨਣਾ ਹੈ ਕਿ ਭਾਰਤੀ ਸਟਾਰ ਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੌਰਾਨ ਬਿਲਕੁਲ ਉਹੀ ਭੂਮਿਕਾ ਨਿਭਾਈ ਜੋ ਉਹ ਨਿਭਾਉਂਦੇ ਹੋਏ ਆਏ ਸੀ।
ਕਲੂਜ਼ਨਰ ਨੂੰ ਵਿਸ਼ਵ ਕ੍ਰਿਕਟ ਦਾ ਸਭ ਤੋਂ ਵੱਧ ਰੋਮਾਂਚਕ ਖਿਡਾਰੀ ਮੰਨਿਆ ਜਾਂਦਾ ਹੈ ਅਤੇ ਆਪਣੇ ਯੁੱਗ ਦਾ ਸਭ ਤੋਂ ਵਧੀਆ ਫਿਨਿਸ਼ਰ ਵੀ ਮੰਨਿਆ ਜਾਂਦਾ ਹੈ। 49 ਸਾਲਾ ਆਲਰਾਉਂਡਰ ਇਸ ਸਮੇਂ ਅਫਗਾਨਿਸਤਾਨ ਕ੍ਰਿਕਟ ਟੀਮ ਦਾ ਮੁੱਖ ਕੋਚ ਹੈ। ਹਾਲ ਹੀ ਵਿੱਚ ਇੱਕ ਇੰਟਰਵਿਉ ਵਿਚ, ਲਾਂਸ ਕਲੂਜ਼ਨਰ ਨੇ ਐਮਐਸ ਧੋਨੀ ਅਤੇ ਵਿਰਾਟ ਕੋਹਲੀ ਬਾਰੇ ਬਹੁਤ ਸਾਰੇ ਪ੍ਰਸ਼ਨਾਂ ਦੇ ਜਵਾਬ ਦਿੱਤੇ।
ਉਨ੍ਹਾਂ ਕਿਹਾ, “ਧੋਨੀ ਦੀ ਟੇਲ ਐਂਡਰਾਂ ਨਾਲ ਮੈਚ ਖ਼ਤਮ ਕਰਨ ਦੀ ਕਲਾ ਸ਼ਾਨਦਾਰ ਸੀ। ਜਦੋਂ ਮੈਂ ਉਸ ਨੂੰ ਵੇਖਦਾ ਹਾਂ, ਤਾਂ ਮੈਂ ਆਪਣੇ ਆਪ ਨੂੰ ਉਸ ਵਿਚ ਵੇਖਦਾ ਹਾਂ! ਮੇਰੇ ਵਾਂਗ, ਧੋਨੀ ਇਕ ਹਮਲਾਵਰ ਬੱਲੇਬਾਜ਼ ਹੈ ਜੋ ਗੇਂਦਬਾਜ਼ਾਂ ਉੱਤੇ ਹਾਵੀ ਹੋਣ ਦੀ ਕੋਸ਼ਿਸ਼ ਕਰਦਾ ਹੈ ਅਤੇ ਸਕੋਰਿੰਗ ਰੇਟ ਨੂੰ ਜਾਰੀ ਰੱਖਦਾ ਹੈ।"
ਅੱਗੇ ਬੋਲਦਿਆਂ ਕੱਲੂਜ਼ਨਰ ਨੇ ਕੋਹਲੀ ਦੀ ਵੀ ਜ਼ੋਰਦਾਰ ਤਾਰੀਫ ਕਰਦਿਆਂ ਕਿਹਾ, "ਕੋਹਲੀ ਵਰਗੇ ਖਿਡਾਰੀ ਜ਼ਿਆਦਾਤਰ ਪਾਰੀ ਵਿੱਚ ਐਂਕਰ ਦੀ ਭੂਮਿਕਾ ਨਿਭਾਉਂਦੇ ਹਨ। ਸਾਡਾ ਕੰਮ ਕੋਹਲੀ ਨਾਲੋਂ ਸੌਖਾ ਸੀ। ਟਾੱਪ ਆਰਡਰ ਉੱਤੇ ਬੱਲੇਬਾਜ਼ੀ ਕਰਨਾ ਅਤੇ ਚੰਗੇ ਗੇਂਦਬਾਜ਼ਾਂ ਵਿਰੁੱਧ ਬੱਲੇਬਾਜ਼ੀ ਕਰਨਾ, ਰਨ ਬਣਾਉਣਾ ਮੁਸ਼ਕਲ ਹੈ। ਇਸੇ ਲਈ ਮੈਨੂੰ ਲਗਦਾ ਹੈ ਕਿ ਕੋਹਲੀ ਅਲਗ ਹੀ ਬੱਲੇਬਾਜ਼ਾਂ ਦੀ ਸ਼੍ਰੇਣੀ ਵਿਚ ਆਉਂਦਾ ਹੈ।”