ਸਿਡਨੀ ਟੈਸਟ: ਰੋਹਿਤ-ਸ਼ੁਭਮਨ ਦੀ ਜੋੜੀ ਨੇ 10 ਸਾਲ ਦਾ ਸੋਕਾ ਕੀਤਾ ਖ਼ਤਮ, ਸਹਿਵਾਗ-ਗੰਭੀਰ ਦੇ ਬਾਅਦ ਵਿਦੇਸ਼ੀ ਧਰਤੀ 'ਤੇ ਕੀਤਾ ਇਹ ਕਾਰਨਾਮਾ

ਸਿਡਨੀ ਟੈਸਟ ਵਿਚ ਆਸਟਰੇਲੀਆ ਖ਼ਿਲਾਫ਼ ਰੋਹਿਤ ਸ਼ਰਮਾ ਅਤੇ ਸ਼ੁਭਮਨ ਗਿੱਲ ਦੀ ਸ਼ੁਰੂਆਤੀ ਜੋੜੀ ਨੇ ਭਾਰਤੀ ਟੀਮ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿੱਤੀ ਅਤੇ ਮੌਜੂਦਾ ਦੌਰੇ ‘ਤੇ ਪਹਿਲੀ ਵਾਰ ਸਲਾਮੀ ਜੋੜੀ ਨੇ 50 ਦੌੜ੍ਹਾੰ ਦੀ ਸਾਂਝੇਦਾਰੀ ਕੀਤੀ। ਆਸਟਰੇਲੀਆ ਨੂੰ 338 ਦੌੜਾਂ 'ਤੇ ਰੋਕਣ ਤੋਂ ਬਾਅਦ ਭਾਰਤੀ ਬੱਲੇਬਾਜ਼ਾਂ ਨੇ ਮਜ਼ਬੂਤ ਸ਼ੁਰੂਆਤ ਕੀਤੀ​​ ਅਤੇ ਰੋਹਿਤ ਸ਼ੁਬਮਨ ਦੀ ਜੋੜੀ ਨੇ ਟੀਮ ਇੰਡੀਆ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿੱਤੀ।

ਹਾਲਾਂਕਿ, ਰੋਹਿਤ 26 ਦੌੜਾਂ 'ਤੇ ਆਉਟ ਹੋ ਗਏ ਪਰ ਸ਼ੁਭਮਨ ਨੇ ਟੈਸਟ ਕ੍ਰਿਕਟ ਵਿਚ ਆਪਣਾ ਪਹਿਲਾ ਅਰਧ ਸੈਂਕੜਾ ਪੂਰਾ ਕੀਤਾ। ਹਿਟਮੈਨ ਅਤੇ ਸ਼ੁਬਮਨ ਦੀ ਜੋੜੀ ਨੇ ਆਸਟਰੇਲੀਆ ਖ਼ਿਲਾਫ਼ ਪਹਿਲੀ ਪਾਰੀ ਵਿੱਚ 27 ਓਵਰਾਂ ਤੱਕ ਬੱਲੇਬਾਜ਼ੀ ਕਰਦਿਆਂ ਆਖਰੀ 10 ਸਾਲਾਂ ਦਾ ਸੋਕਾ ਖਤਮ ਕਰ ਦਿੱਤਾ।

ਦਰਅਸਲ, ਪਿਛਲੇ 10 ਸਾਲਾਂ ਤੋਂ, ਭਾਰਤੀ ਸਲਾਮੀ ਜੋੜੀ ਵਿਦੇਸ਼ਾਂ ਵਿੱਚ ਬੁਰੀ ਤਰ੍ਹਾਂ ਫਲਾਪ ਹੋ ਰਹੀ ਸੀ ਅਤੇ 2010 ਤੋਂ, ਕੋਈ ਵੀ ਓਪਨਿੰਗ ਜੋੜੀ ਏਸ਼ੀਆ ਤੋਂ ਬਾਹਰ 20 ਓਵਰਾਂ ਦਾ ਸਾਹਮਣਾ ਨਹੀਂ ਕਰ ਸਕੀ ਸੀ। ਪਰ ਸਿਡਨੀ ਟੈਸਟ ਵਿਚ ਰੋਹਿਤ ਅਤੇ ਸ਼ੁਭਮਨ ਦੀ ਜੋੜੀ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ ਨਾ ਸਿਰਫ 27 ਓਵਰਾਂ ਤੱਕ ਬੱਲੇਬਾਜ਼ੀ ਕੀਤੀ ਬਲਕਿ ਟੀਮ ਇੰਡੀਆ ਨੂੰ ਚੰਗੀ ਸ਼ੁਰੂਆਤ ਵੀ ਦਿੱਤੀ।

ਸਾਲ 2010 ਵਿੱਚ, ਰੋਹਿਤ ਅਤੇ ਸ਼ੁਭਮਨ ਤੋਂ ਪਹਿਲਾਂ ਵਰਿੰਦਰ ਸਹਿਵਾਗ ਅਤੇ ਗੌਤਮ ਗੰਭੀਰ ਦੀ ਜੋੜੀ ਨੇ ਸੈਂਚੂਰੀਅਨ ਵਿਖੇ ਖੇਡੇ ਗਏ ਟੈਸਟ ਮੈਚ ਵਿੱਚ 29.3 ਓਵਰਾਂ ਤੱਕ ਬੱਲੇਬਾਜ਼ੀ ਕੀਤੀ ਸੀ ਅਤੇ ਉਸ ਤੋਂ ਬਾਅਦ ਹੁਣ ਕਿਸੇ ਵੀ ਓਪਨਿੰਗ ਜੋੜੀ ਨੇ ਏਸ਼ੀਆ ਤੋਂ ਬਾਹਰ 20 ਓਵਰਾਂ ਤੱਕ ਬੱਲੇਬਾਜ਼ੀ ਕੀਤੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਭਾਰਤੀ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਕਾਰਨ ਆਸਟਰੇਲੀਆ ਦੀ ਪੂਰੀ ਟੀਮ ਆਪਣੀ ਪਹਿਲੀ ਪਾਰੀ ਵਿੱਚ 338 ਦੌੜਾਂ ਹੀ ਬਣਾ ਸਕੀ। ਕੰਗਾਰੂਆਂ ਲਈ ਸਟੀਵ ਸਮਿਥ ਨੇ ਸ਼ਾਨਦਾਰ ਸੈਂਕੜਾ ਲਗਾਇਆ।