ਹਾਰਦਿਕ ਪਾਂਡਿਆ ਸ਼ਾਇਦ ਗੇਂਦ ਨਾਲ ਟੀਮ ਲਈ ਯੋਗਦਾਨ ਨਹੀਂ ਦੇ ਪਾ ਰਹੇ ਹਨ ਪਰ ਬੱਲੇ ਨਾਲ ਉਹ ਟੀਮ ਲਈ ਹਰ ਮੈਚ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੇ ਹਨ। ਐਤਵਾਰ ਨੂੰ ਸਿਡਨੀ ਕ੍ਰਿਕਟ ਗਰਾਉਂਡ ਵਿਚ ਖੇਡੇ ਗਏ ਦੂਜੇ ਟੀ-20 ਮੈਚ ਵਿਚ ਉਹਨਾਂ ਨੇ 22 ਗੇਂਦਾਂ ਵਿਚ ਅਜੇਤੂ 42 ਦੌੜਾਂ ਦੀ ਪਾਰੀ ਖੇਡੀ ਅਤੇ ਆਸਟਰੇਲੀਆ ਖ਼ਿਲਾਫ਼ ਮੈਚ ਵਿਚ ਭਾਰਤ ਨੂੰ ਛੇ ਵਿਕਟਾਂ ਨਾਲ ਜਿੱਤ ਦਿਵਾ ਦਿੱਤੀ। ਸ਼ਿਖਰ ਧਵਨ (52) ਅਤੇ ਕਪਤਾਨ ਵਿਰਾਟ ਕੋਹਲੀ (40) ਨੇ ਵੀ ਆਸਟਰੇਲੀਆ ਦੇ ਗੇਂਦਬਾਜਾਂ ਨੂੰ ਬਹੁਤ ਕੁੱਟਿਆ।
ਭਾਰਤੀ ਟੀਮ ਆਖਰੀ ਤਿੰਨ ਓਵਰਾਂ ਵਿਚ ਮੁਸ਼ਕਲ ਵਿਚ ਨਜਰ ਆ ਰਹੀ ਸੀ ਪਰ ਸ਼੍ਰੇਅਰ ਅਈਅਰ ਅਤੇ ਹਾਰਿਦਕ ਪਾਂਡਿਆ ਨੇ ਮੈਚ ਦਾ ਪਾਸਾ ਮੋੜ ਦਿੱਤਾ ਤੇ ਭਾਰਤ ਨੇ ਸੀਰੀਜ ਜਿੱਤ ਲਈ।
18 ਵੇਂ ਓਵਰ ਵਿੱਚ ਅਈਅਰ ਨੇ ਲੈੱਗ ਸਪਿੰਨਰ ਐਡਮ ਜੈਂਪਾ ਦੇ ਓਵਰ ਵਿਚ ਇੱਕ ਚੌਕਾ ਅਤੇ ਇੱਕ ਛੱਕਾ ਲਗਾਇਆ। ਇਸ ਤੋੰ ਬਾਅਦ ਪਾਂਡਿਆ ਨੇ ਐਂਡਰਿਉ ਟਾਇ ਨੂੰ 19 ਵੇਂ ਓਵਰ ਵਿੱਚ ਦੋ ਚੌਕੇ ਲਗਾਏ। ਭਾਰਤ ਨੂੰ ਆਖਰੀ ਓਵਰ ਵਿਚ 14 ਦੌੜਾਂ ਦੀ ਲੋੜ ਸੀ। ਪਾਂਡਿਆ ਨੇ ਪਹਿਲੀ ਗੇਂਦ 'ਤੇ ਦੋ ਦੌੜਾਂ ਬਣਾਈਆਂ ਅਤੇ ਫਿਰ ਦੋ ਛੱਕੇ ਲਗਾਏ, ਭਾਰਤ ਨੇ ਦੋ ਗੇਂਦਾਂ ਪਹਿਲਾਂ ਹੀ ਟੀਚੇ ਨੂੰ ਹਾਸਲ ਕਰ ਲਿਆ।
ਪਾਂਡਿਆ ਨੇ ਕੁਲ ਤਿੰਨ ਚੌਕੇ ਅਤੇ ਦੋ ਛੱਕੇ ਲਗਾਏ। ਅਈਅਰ ਨੇ ਪੰਜ ਗੇਂਦਾਂ ਵਿਚ ਇਕ ਚੌਕਾ ਅਤੇ ਇਕ ਛੱਕਾ ਲਗਾ ਕੇ ਭਾਰਤ ਦੀ ਜਿੱਤ ਵਿਚ ਅਹਿਮ ਯੋੋਗਦਾਨ ਦਿੱਤਾ।
ਭਾਰਤ ਨੇ ਆਸਟ੍ਰੇਲੀਆ ਦੇ ਵੱਡੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਤੇਜ ਸ਼ੁਰੂਆਤ ਕੀਤੀ। ਧਵਨ ਅਤੇ ਲੋਕੇਸ਼ ਰਾਹੁਲ ਨੇ 5.2 ਓਵਰਾਂ ਵਿੱਚ ਹੀ 56 ਦੌੜਾਂ ਜੋੜ ਲਈਆੰ। ਟਾਈ ਨੇ ਆਸਟਰੇਲੀਆ ਨੂੰ ਰਾਹੁਲ ਨੂੰ ਆਉਟ ਕਰਕੇ ਪਹਿਲੀ ਸਫਲਤਾ ਦਿਵਾਈ। ਰਾਹੁਲ ਨੇ 22 ਗੇਂਦਾਂ ਵਿੱਚ 30 ਦੌੜਾਂ ਬਣਾਈਆਂ।
ਦੂਜੇ ਸਿਰੇ ਤੋਂ ਧਵਨ ਨੇ ਆਪਣਾ ਹਮਲਾਵਰ ਅੰਦਾਜ਼ ਜਾਰੀ ਰੱਖਿਆ ਪਰ ਆਪਣਾ ਅਰਧ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਧਵਨ ਨੂੰ ਲੈੱਗ ਸਪਿਨਰ ਜੈੰਪਾ ਨੇ ਆਉਟ ਕਰ ਦਿੱਤਾ। ਜਦੋਂ ਧਵਨ ਆਉਟ ਹੋਏ ਤਾਂ ਟੀਮ ਦਾ ਸਕੋਰ 95 ਦੌੜਾਂ ਸੀ। ਧਵਨ ਨੇ ਆਪਣੀ ਅਰਧ ਸੈਂਕੜੇ ਦੀ ਪਾਰੀ ਵਿਚ 36 ਗੇਂਦਾਂ ਦਾ ਸਾਹਮਣਾ ਕਰਦਿਆਂ ਚਾਰ ਚੌਕੇ ਅਤੇ ਦੋ ਛੱਕੇ ਲਗਾਏ।
ਟੀਮ ਨੂੰ ਜਿਤਾਉਣ ਦੀ ਜ਼ਿੰਮੇਵਾਰੀ ਹੁਣ ਕਪਤਾਨ ਕੋਹਲੀ 'ਤੇ ਸੀ। ਸੰਜੂ ਸੈਮਸਨ ਦੇ ਕੋਲ ਵੀ ਖੁੱਦ ਨੂੰ ਸਾਬਿਤ ਕਰਨ ਦਾ ਚੰਗਾ ਮੌਕਾ ਸੀ, ਪਰ ਉਹ ਸਵੈਪਸਨ ਦੀ ਗੇਂਦ 'ਤੇ ਛੱਕਾ ਮਾਰਨ ਤੋਂ ਬਾਅਦ ਬਾਉੰਡਰੀ ਲਾਈਨ' ਤੇ ਸਟੀਵ ਸਮਿਥ ਦੇ ਹੱਥੋਂ ਕੈਚ ਹੋ ਗਏ। ਸੈਮਸਨ ਸਿਰਫ 15 ਦੌੜਾਂ ਹੀ ਬਣਾ ਸਕੇ।
ਕੋਹਲੀ ਟੀਮ ਨੂੰ ਜਿੱਤ ਦੇ ਨੇੜੇ ਲੈ ਜਾ ਰਹੇ ਸੀ, ਪਰ ਡੈਨੀਅਲ ਸੈਮਜ਼ ਦੀ ਇਕ ਗੇਂਦ ਉਹਨਾਂ ਦੇ ਬੱਲੇ ਦਾ ਕਿਨਾਰਾ ਲੈ ਕੇ ਵੇਡ ਦੇ ਦਸਤਾਨਿਆਂ ਵਿਚ ਚਲੀ ਗਈ। ਕੋਹਲੀ ਨੇ 24 ਗੇਂਦਾਂ ਵਿੱਚ ਦੋ ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ 40 ਦੌੜਾਂ ਬਣਾਈਆਂ।
ਕੋਹਲੀ ਦਾ ਵਿਕਟ 149 ਦੇ ਕੁਲ ਸਕੋਰ 'ਤੇ ਡਿੱਗ ਗਿਆ ਸੀ ਅਤੇ ਇੱਥੋਂ ਤੋਂ ਅਈਅਰ ਅਤੇ ਪਾਂਡਿਆ ਨੇ ਟੀਮ ਨੂੰ ਜਿੱਤ ਦਿਵਾਈ। ਇਸ ਜਿੱਤ ਦੇ ਨਾਲ, ਭਾਰਤ ਨੇ ਤਿੰਨ ਮੈਚਾਂ ਦੀ ਸੀਰੀਜ਼ 'ਚ 2-0 ਦੀ ਅਜੇਤੂ ਲੀਡ ਲੈ ਲਈ ਹੈ।