ਕਿੰਗਜ਼ ਇਲੈਵਨ ਪੰਜਾਬ ਦੀ ਟੀਮ ਇਸ ਸੀਜਨ ਦੇ ਦੂਜੇ ਹਾਫ ਵਿਚ ਬਹੁਤ ਖਤਰਨਾਕ ਫੌਰਮ ਵਿਚ ਨਜਰ ਆ ਰਹੀ ਹੈ. ਟੀਮ ਦੀ ਫੀਲਡਿੰਗ ਇਸ ਸੀਜਨ ਵਿਚ ਸ਼ਾਨਦਾਰ ਰਹੀ ਹੈ ਅਤੇ ਇਸ ਦਾ ਸਿਹਰਾ ਪੰਜਾਬ ਦੇ ਫੀਲਡਿੰਗ ਕੋਚ ਜੌਂਟੀ ਰੋਡਸ ਨੂੰ ਦਿੱਤਾ ਜਾਣਾ ਲਾਜਮੀ ਹੈ. ਸ਼ਾਇਦ ਇਹ ਟੀਮ ਦੀ ਫੀਲਡਿੰਗ ਹੀ ਸੀ ਜਿਸ ਦੇ ਕਰਕੇ ਉਹ 2020 ਡ੍ਰੀਮ 11 ਇੰਡੀਅਨ ਪ੍ਰੀਮੀਅਰ ਲੀਗ' ਚ ਸਨਰਾਈਜ਼ਰਸ ਹੈਦਰਾਬਾਦ ਖਿਲਾਫ 127 ਦੌੜਾਂ ਦੇ ਛੋਟੇ ਸਕੋਰ ਦਾ ਬਚਾਅ ਕਰਣ ਵਿਚ ਸਫਲ ਰਹੇ.
ਕਿੰਗਜ ਇਲੈਵਨ ਪੰਜਾਬ ਦੀ ਟੀਮ ਲਗਾਤਾਰ ਚਾਰ ਮੁਕਾਬਲੇ ਜਿੱਤ ਚੁੱਕੀ ਹੈ ਅਤੇ ਕਿਤੇ ਨਾ ਕਿਤੇ ਇਸ ਦਾ ਸ਼੍ਰੇਅ ਟੀਮ ਦੇ ਫੀਲਡਿੰਗ ਕੋਚ ਜੋਂਟੀ ਰੋਡਸ ਨੂੰ ਵੀ ਦਿੱਤਾ ਜਾਣਾ ਚਾਹੀਦਾ ਹੈ. ਦੱਖਣੀ ਅਫਰੀਕਾ ਦੇ ਸਾਬਕਾ ਕ੍ਰਿਕਟਰ ਦਾ ਪ੍ਰਭਾਵ ਨਿਸ਼ਚਤ ਤੌਰ' ਤੇ ਟੀਮ 'ਤੇ ਪੈਂਦਾ ਦਿਖ ਰਿਹਾ ਹੈ. kxip.in ਨਾਲ ਇੱਕ ਖਾਸ ਇੰਟਰਵਿਉ ਵਿੱਚ ਰੋਡਸ ਨੇ ਦੱਸਿਆ ਹੈ ਕਿ ਇਕ ਚੰਗਾ ਫੀਲਡਰ ਬਣਨ ਲਈ ਕੀ ਕਰਨਾ ਚਾਹੀਦਾ ਹੈ ਅਤੇ ਇਸ ਦੇ ਨਾਲ ਹੀ ਉਹਨਾਂ ਨੇ ਚੰਗਾ ਫੀਲਡਰ ਬਣਨ ਲਈ ਟਿੱਪਸ ਵੀ ਦਿੱਤੇ.
ਰੋਡਸ, ਜੋ ਆਪਣੇ ਖੇਡਣ ਦੇ ਦਿਨਾਂ ਵਿੱਚ ਖੁਦ ਇੱਕ ਲਾਜਵਾਬ ਫੀਲਡਰ ਸੀ, ਨੇ ਕਿਹਾ, 'ਹਰ ਕੋਈ ਵੱਖਰਾ ਹੁੰਦਾ ਹੈ, ਪਰ ਹਰ ਕਿਸੇ ਦੀ ਟੀਮ ਵਿਚ ਵੱਖੋ ਵੱਖਰੀਆਂ ਭੂਮਿਕਾਵਾਂ ਹੁੰਦੀਆਂ ਹਨ, ਪਰ ਇਕ ਗੁਣ ਜੋ ਕਿਸੇ ਨੂੰ ਇਕ ਵਧੀਆ ਫੀਲਡਰ ਬਣਾਉਂਦਾ ਹੈ, ਉਹ ਹੈ ਹਰ ਗੇਂਦ ਤੁਹਾਡੇ ਕੋਲ ਆਉਣ ਦੀ ਉਮੀਦ ਕਰਨਾ. ਖਿਡਾਰੀ ਕੈਚ ਫੜਨ ਅਤੇ ਥ੍ਰੋ ਕਰਨ ਦੀ ਪ੍ਰੈਕਟਿਸ ਕੀਤੇ ਬਿਨਾਂ ਵੀ ਇਕ ਵਧੀਆ ਫੀਲਡਰ ਬਣ ਸਕਦਾ ਹੈ.'
ਉਹਨਾਂ ਨੇ ਕਿਹਾ, 'ਮੇਰੇ ਖੇਡਣ ਦੇ ਸਮੇਂ ਵਿਚ ਕਮੈਂਟੇਟਰ ਮੇਰੇ ਚੰਗੇ ‘Anticipation’ ਬਾਰੇ ਗੱਲ ਕਰਦੇ ਸਨ ਅਤੇ ਮੇਰੇ ਕੋਲ ਦੂਜਿਆਂ ਨਾਲੋਂ ਤੇਜ਼ 'Reflexes ਨਹੀਂ ਸਨ.'
ਕਿੰਗਜ਼ ਇਲੈਵਨ ਪੰਜਾਬ ਲਈ ਪਿਛਲੇ ਮੈਚ ਵਿੱਚ ਮਯੰਕ ਅਗਰਵਾਲ ਸੱਟ ਲੱਗਣ ਕਾਰਨ ਬਾਹਰ ਬੈਠੇ ਸੀ. ਉਹਨਾਂ ਦੇ ਕੋਲਕਾਤਾ ਦੇ ਖਿਲਾਫ ਮੈਚ ਵਿਚ ਖੇਡਣ ਬਾਰੇ ਮੈਨੇਜਮੇਂਟ ਵੱਲੋਂ ਕੋਈ ਅਧਿਕਾਰਤ ਘੋਸ਼ਣਾ ਨਹੀਂ ਕੀਤੀ ਗਈ ਹੈ. ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਉਹ ਵਾਪਸੀ ਕਰਦੇ ਹਨ ਜਾਂ ਇਕ ਵਾਰ ਫਿਰ ਸਾਨੂੰ ਮਨਦੀਪ ਸਿੰਘ ਪੰਜਾਬ ਲਈ ਸਲਾਮੀ ਬੱਲੇਬਾਜ ਵੱਜੋਂ ਦਿਖਾਈ ਦੇਣਗੇ.