IPL 2020 : ਕਿੰਗਜ ਇਲੈਵਨ ਪੰਜਾਬ ਦੇ ਸਾਹਮਣੇ ਚੇਨੱਈ ਦੀ ਚੁਣੌਤੀ, ਇਹ ਹੋ ਸਕਦੀ ਹੈ ਸੰਭਾਵਤ ਪਲੇਇੰਗ ਇਲੈਵਨ
ਕਿੰਗਜ਼ ਇਲੈਵਨ ਪੰਜਾਬ ਦੀ ਟੀਮ ਕੋਲ ਪਲੇਆੱਫ ਵਿਚ ਜਾਣ ਲਈ ਸਿਰਫ ਆਖਰੀ ਮੌਕਾ ਬਚਿਆ ਹੈ ਅਤੇ ਇਸ ਅਹਿਮ ਮੈਚ ਵਿਚ ਪੰਜਾਬ ਦੇ ਸਾਹਮਣੇ ਚੇੱਨਈ ਦੀ ਚੁਣੌਤੀ ਹੈ. ਐਤਵਾਰ ਨੂੰ ਸ਼ੇਖ ਜ਼ਾਯਦ ਸਟੇਡੀਅਮ ਵਿੱਚ ਦੋਵੇਂ ਟੀਮਾਂ ਆਹਮਣੇ-ਸਾਹਮਣੇ ਹੋਣਗੀਆਂ. ਪਲੇਆੱਫ ਵਿਚ ਜਾਣ ਲਈ ਪੰਜਾਬ ਨੂੰ ਖਤਰਨਾਕ ਨਜਰ ਆ ਰਹੀ ਚੇਨਈ ਤੋਂ ਸਾਵਧਾਨ ਰਹਿਣਾ ਪਏਗਾ.
ਯਕੀਨਨ ਪੰਜਾਬ ਕੋਲ ਜਿੱਤਣ ਤੋਂ ਅਲਾਵਾ ਹੋਰ ਕੋਈ ਵਿਕਲਪ ਨਹੀਂ ਹੈ, ਪਰ ਜਿੱਤ ਤੋਂ ਅਲਾਵਾ ਕੇ ਐਲ ਰਾਹੁਲ ਦੀ ਟੀਮ ਨੂੰ ਬਿਹਤਰ ਰਨ ਰੇਟ ਨਾਲ ਵੀ ਜਿੱਤਣ ਦੀ ਕੋਸ਼ਿਸ਼ ਕਰਨੀ ਪਏਗੀ, ਤਾਂ ਹੀ ਉਨ੍ਹਾਂ ਦਾ ਪਲੇਆਫ ਦਾਅਵਾ ਮਜ਼ਬੂਤ ਹੋਵੇਗਾ.
ਇਸ ਸਮੇਂ, ਪੰਜਾਬ 13 ਮੈਚਾਂ ਵਿਚੋਂ ਛੇ ਜਿੱਤਾਂ ਅਤੇ ਸੱਤ ਹਾਰਾਂ ਦੇ ਨਾਲ 12 ਅੰਕਾਂ ਦੇ ਨਾਲ ਪੰਜਵੇਂ ਸਥਾਨ 'ਤੇ ਹੈ. ਉਹਨਾਂ ਨੂੰ ਰਾਜਸਥਾਨ ਰਾਇਲਜ਼ ਨੇ ਸ਼ੁੱਕਰਵਾਰ ਨੂੰ ਹਰਾਇਆ ਸੀ ਅਤੇ ਹੁਣ ਜੇ ਉਹ ਚੇਨਈ ਖ਼ਿਲਾਫ਼ ਮੈਚ ਜਿੱਤ ਜਾਂਦੀ ਹੈ ਤਾਂ ਉਹ 14 ਅੰਕਾਂ ਤੱਕ ਪਹੁੰਚ ਜਾਣਗੇ. ਅਜਿਹੀ ਸਥਿਤੀ ਵਿੱਚ, ਨੇਟ ਰਨ ਰੇਟ ਬਹੁਤ ਮਾਇਨੇ ਰੱਖਦਾ ਹੈ ਕਿਉਂਕਿ ਬਾਕੀ ਟੀਮਾਂ ਵੀ ਲੀਗ ਸਟੇਜ ਵਿਚ 14 ਅੰਕਾਂ ਤੇ ਹੀ ਜਾਂਦੀਆਂ ਦਿਖ ਰਹੀਆਂ ਹਨ.
ਰਾਜਸਥਾਨ ਖਿਲਾਫ ਹਾਰ ਤੋਂ ਬਾਅਦ, ਇਹ ਲਗਭਗ ਤੈਅ ਹੈ ਕਿ ਪੰਜਾਬ ਨੇਟ ਰੇਟ ਰੇਟ ਤੋਂ ਬਗੈਰ ਸ਼ਾਇਦ ਹੀ ਪਲੇਆਫ ਲਈ ਕੁਆਲੀਫਾਈ ਕਰ ਸਕਦਾ ਹੈ. ਇਸ ਲਈ ਪੰਜਾਬ ਲਈ ਚੇਨਈ ਖ਼ਿਲਾਫ਼ ਵੱਡੀ ਜਿੱਤ ਹਾਸਲ ਕਰਨਾ ਮਹੱਤਵਪੂਰਨ ਹੋਵੇਗਾ.
ਪੰਜਾਬ ਲਈ ਖੁਸ਼ੀ ਦੀ ਗੱਲ ਇਹ ਹੈ ਕਿ ਤੂਫਾਨੀ ਬੱਲੇਬਾਜ ਕ੍ਰਿਸ ਗੇਲ ਆਪਣੇ ਤੂਫਾਨੀ ਅੰਦਾਜ਼ ਵਿਚ ਵਾਪਸ ਪਰਤ ਆਏ ਹਨ. ਉਹਨਾਂ ਨੇ ਰਾਜਸਥਾਨ ਖਿਲਾਫ 99 ਦੌੜਾਂ ਬਣਾਈਆਂ ਸੀ. ਇਸ ਤੋਂ ਪਹਿਲਾਂ ਵੀ ਉਹ ਆਪਣਾ ਫੌਰਮ ਦਿਖਾ ਚੁੱਕੇ ਹਨ. ਕਪਤਾਨ ਲੋਕੇਸ਼ ਰਾਹੁਲ ਸ਼ੁਰੂ ਤੋਂ ਹੀ ਫੌਰਮ ਵਿਚ ਹਨ. ਕੀ ਮਯੰਕ ਅਗਰਵਾਲ ਚੇਨਈ ਦੇ ਖਿਲਾਫ ਖੇਡਣਗੇ, ਇਹ ਕੱਲ ਹੀ ਸਾਫ ਹੋ ਪਾਵੇਗਾ.
ਇਨ੍ਹਾਂ ਸਾਰਿਆਂ ਤੋਂ ਇਲਾਵਾ ਨਿਕੋਲਸ ਪੂਰਨ ਟੀਮ ਦੇ ਇਕ ਹੋਰ ਬੱਲੇਬਾਜ਼ ਹਨ ਜੋ ਮੈਚ ਦੀ ਜ਼ਰੂਰਤ ਅਨੁਸਾਰ ਦੌੜਾਂ ਬਣਾ ਸਕਦਾ ਹੈ.
ਗੇਂਦਬਾਜ਼ੀ ਵਿਚ ਮੁਹੰਮਦ ਸ਼ਮੀ, ਅਰਸ਼ਦੀਪ ਸਿੰਘ ਅਤੇ ਕ੍ਰਿਸ ਜੌਰਡਨ ਨੂੰ ਹੁਣ ਹੋਰ ਜ਼ਿੰਮੇਵਾਰੀ ਨਾਲ ਖੇਡਣਾ ਹੋਵੇਗਾ. ਰਵੀ ਬਿਸ਼ਨੋਈ ਅਤੇ ਮੁਰੂਗਨ ਅਸ਼ਵਿਨ ਦੀ ਜੋੜੀ ਵੀ ਸ਼ਾਨਦਾਰ ਫੌਰਮ ਵਿਚ ਨਜਰ ਆ ਰਹੀ ਹੈ. ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਪੰਜਾਬ ਦੀ ਟੀਮ ਇਸ ਮੈਚ ਵਿਚ ਕਿਸ ਤਰ੍ਹਾਂ ਦਾ ਪ੍ਰਦਰਸ਼ਨ ਕਰਦੀ ਹੈ.
ਕਿੰਗਜ਼ ਇਲੈਵਨ ਪੰਜਾਬ - ਕੇ ਐਲ ਰਾਹੁਲ (ਕਪਤਾਨ ਅਤੇ ਵਿਕਟਕੀਪਰ), ਮਨਦੀਪ ਸਿੰਘ, ਕ੍ਰਿਸ ਗੇਲ, ਨਿਕੋਲਸ ਪੂਰਨ, ਗਲੇਨ ਮੈਕਸਵੈਲ, ਦੀਪਕ ਹੁੱਡਾ / ਮਯੰਕ ਅਗਰਵਾਲ, ਕ੍ਰਿਸ ਜੌਰਡਨ, ਮੁਰੂਗਨ ਅਸ਼ਵਿਨ, ਰਵੀ ਬਿਸ਼ਨੋਈ, ਮੁਹੰਮਦ ਸ਼ਮੀ, ਅਰਸ਼ਦੀਪ ਸਿੰਘ.