IPL 2020: KKR ਨੇ SRH ਨੂੰ 7 ਵਿਕਟਾਂ ਨਾਲ ਹਰਾ ਕੇ ਖੋਲ੍ਹਿਆ ਜਿੱਤ ਦਾ ਖਾਤਾ, ਸ਼ੁਭਮਨ ਗਿੱਲ ਬਣੇ ਜਿੱਤ ਦੇ ਹੀਰੋ

ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਸ਼ਨੀਵਾਰ ਨੂੰ ਸ਼ੇਖ ਜ਼ਾਯਦ ਸਟੇਡੀਅਮ ਵਿੱਚ ਖੇਡੇ ਗਏ ਮੈਚ ਵਿੱਚ ਸਨਰਾਈਜ਼ਰਸ ਹੈਦਰਾਬਾਦ ਨੂੰ ਸੱਤ ਵਿਕਟਾਂ ਨਾਲ ਹਰਾ ਕੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ 13 ਵੇਂ ਸੰਸਕਰਣ ਵਿੱਚ ਆਪਣੀ ਪਹਿਲੀ ਜਿੱਤ ਦਰਜ ਕਰ ਲਈ ਹੈ. ਹੈਦਰਾਬਾਦ ਦੇ ਕਪਤਾਨ ਡੇਵਿਡ ਵਾਰਨਰ ਨੇ ਟਾੱਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ. ਕੋਲਕਾਤਾ ਨੇ ਹੈਦਰਾਬਾਦ ਨੂੰ 20 ਓਵਰਾਂ ਵਿਚ 4 ਵਿਕਟਾਂ ਦੇ ਨੁਕਸਾਨ 'ਤੇ ਸਿਰਫ 142 ਦੌੜਾਂ ਤੇ ਰੋਕ ਦਿੱਤਾ. ਫਿਰ ਉਹਨਾਂ ਨੇ ਇਹ ਟੀਚਾ 18 ਵੇਂ ਓਵਰ ਵਿੱਚ ਹੀ ਪੂਰਾ ਕਰ ਲਿਆ.

ਕੋਲਕਾਤਾ ਦੀ ਪਹਿਲੀ ਵਿਕਟ ਦੂਜੇ ਹੀ ਓਵਰ ਵਿੱਚ ਡਿੱਗ ਗਈ ਸੀ. ਸੁਨੀਲ ਨਾਰਾਇਣ ਇੱਕ ਵਾਰ ਹੋਰ ਆਪਣੀ ਟੀਮ ਨੂੰ ਚੰਗੀ ਸ਼ੁਰੂਆਤ ਦੇਣ ਵਿਚ ਅਸਫਲ ਰਹੇ. ਖਲੀਲ ਅਹਿਮਦ ਨੇ ਉਹਨਾਂ ਨੂੰ ਵਾਰਨਰ ਦੇ ਹੱਥੋਂ ਕੈਚ ਕਰਵਾਇਆ. ਸੁਨੀਲ ਆਪਣੀ ਪਾਰੀ ਵਿਚ ਖਾਤਾ ਵੀ ਨਹੀਂ ਖੋਲ੍ਹ ਸਕੇ.

ਇਸ ਤੋਂ ਬਾਅਦ ਸ਼ੁਭਮਨ ਗਿੱਲ (ਅਜੇਤੂ 70 ਦੌੜਾਂ, 42 ਗੇਂਦਾਂ, 5 ਚੌਕੇ, 2 ਛੱਕੇ) ਅਤੇ ਨਿਤੀਸ਼ ਰਾਣਾ ਨੇ ਸਕੋਰ ਬੋਰਡ ਨੂੰ ਤੇਜ਼ੀ ਨਾਲ ਅੱਗੇ ਵਧਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਇਹ ਜੋੜੀ ਵੀ ਜ਼ਿਆਦਾ ਦੇਰ ਨਾ ਟਿਕ ਸਕੀ. ਟੀ. ਨਟਰਾਜਨ ਨੇ ਆਪਣੇ ਪਹਿਲੇ ਓਵਰ ਵਿਚ ਰਾਣਾ (26 ਦੌੜਾਂ, 13 ਗੇਂਦਾਂ) ਨੂੰ ਆਉਟ ਕਰਕੇ ਕੇਕੇਆਰ ਨੂੰ ਪਵੇਲਿਅਨ ਭੇਜਿਆ.

ਦਿਨੇਸ਼ ਕਾਰਤਿਕ (0) ਨੂੰ ਰਾਸ਼ਿਦ ਖਾਨ ਨੇ ਆਪਣੀ ਗੁਗਲੀ ਵਿਚ ਫਸਾ ਕੇ ਆਉਟ ਕੀਤਾ. ਕਾਰਤਿਕ ਦੇ ਆਉਟ ਹੋਣ ਤੋਂ ਬਾਅਦ ਕੋਲਕਾਤਾ ਦਾ ਸਕੋਰ 52 ਦੌੜਾਂ 'ਤੇ ਤਿੰਨ ਵਿਕਟਾਂ ਹੋ ਗਿਆ. ਇਸ ਸਮੇਂ ਕੇਕੇਆਰ ਦੀ ਟੀਮ ਮੁਸੀਬਤ ਵਿਚ ਨਜ਼ਰ ਆ ਰਹੀ ਸੀ, ਪਰ ਈਯਨ ਮੋਰਗਨ (ਨਾਬਾਦ 42, 29 ਗੇਂਦਾਂ, 3 ਚੌਕੇ, 2 ਛੱਕੇ) ਨੇ ਗਿੱਲ ਨਾਲ 92 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਅਤੇ ਟੀਮ ਦੀ ਜਿੱਤ ਪੱਕੀ ਕੀਤੀ.

ਗਿੱਲ ਨੇ ਸਮਝਦਾਰੀ ਭਰੀ ਪਾਰੀ ਖੇਡਦੇ ਹੋਏ ਕੋਲਕਾਤਾ ਦੀ ਪਾਰੀ ਨੂੰ ਸੰਭਾਲਿਆ ਅਤੇ ਇਸ ਸੀਜ਼ਨ ਦਾ ਆਪਣਾ ਪਹਿਲਾ ਅਰਧ ਸੈਂਕੜਾ ਪੂਰਾ ਕੀਤਾ. ਇਸ ਸ਼ਾਨਦਾਰ ਪਾਰੀ ਲਈ ਉਹਨਾਂ ਨੂੰ ਮੈਨ ਆਫ ਦਿ ਮੈਚ ਚੁਣਿਆ ਗਿਆ.

ਕੋਲਕਾਤਾ ਦੇ ਗੇਂਦਬਾਜ਼ਾਂ ਨੇ ਬੱਲੇਬਾਜ਼ਾਂ ਤੋਂ ਪਹਿਲਾਂ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ. ਪੈਟ ਕਮਿੰਸ ਪਿਛਲੇ ਮੈਚ ਵਿਚ ਬਹੁਤ ਮਹਿੰਗੇ ਸਾਬਤ ਹੋਏ ਸੀ ਅਤੇ ਉਹਨਾਂ ਦੀ ਅਲੋਚਨਾ ਵੀ ਕੀਤੀ ਜਾ ਰਹੀ ਸੀ. ਇਸ ਮੈਚ ਵਿੱਚ ਉਹਨਾਂ ਨੇ ਹੈਦਰਾਬਾਦ ਦੇ ਵੱਡੇ ਖਿਡਾਰੀ ਜੋਨੀ ਬੇਅਰਸਟੋ (5) ਨੂੰ ਬੋਲਡ ਕੀਤਾ ਅਤੇ ਕੋਲਕਾਤਾ ਨੂੰ ਸ਼ੁਰੂਆਤੀ ਸਫਲਤਾ ਦਿਲਵਾਈ. 

ਕੋਲਕਾਤਾ ਦੇ ਗੇਂਦਬਾਜ਼ਾਂ ਨੇ ਬੇਅਰਸਟੋ ਦੇ ਆਉਟ ਹੋਣ ਤੋਂ ਬਾਅਦ ਹੈਦਰਾਬਾਦ 'ਤੇ ਦਬਾਅ ਬਣਾਇਆ. ਸਟ੍ਰੈਟੇਜ਼ਿਕ ਟਾਈਮ ਆਉਟ ਖਤਮ ਹੋਣ ਤੱਕ ਟੀਮ ਨੌਂ ਓਵਰਾਂ ਵਿਚ ਸਿਰਫ 59 ਦੌੜਾਂ ਹੀ ਬਣਾ ਸਕੀ ਅਤੇ ਬ੍ਰੇਕ ਤੋਂ ਬਾਅਦ ਵਰੁਣ ਚੱਕਰਵਰਤੀ ਨੇ ਡੇਵਿਡ ਵਾਰਨਰ (36 ਦੌੜਾਂ, 29 ਗੇਂਦਾਂ) ਨੂੰ ਪਹਿਲੀ ਗੇਂਦ 'ਤੇ ਆਉਟ ਕਰ ਦਿੱਤਾ. ਹੈਦਰਾਬਾਦ ਦਾ ਸਕੋਰ 10 ਓਵਰਾਂ ਦੇ ਬਾਅਦ ਦੋ ਵਿਕਟਾਂ 'ਤੇ 60 ਸੀ.

ਇਸ ਮੈਚ ਵਿਚ ਟੀਮ ਵਿਚ ਸ਼ਾਮਲ ਤਜਰਬੇਕਾਰ ਬੱਲੇਬਾਜ਼ ਮਨੀਸ਼ ਪਾਂਡੇ ਅਤੇ ਰਿਧੀਮਾਨ ਸਾਹਾ ਨੇ ਜ਼ਿੰਮੇਵਾਰੀ ਲਈ ਅਤੇ ਤੀਜੇ ਵਿਕਟ ਲਈ 62 ਦੌੜਾਂ ਜੋੜੀਆਂ. ਸ਼ੁਰੂਆਤ ਵਿੱਚ ਦੋਵੇਂ ਆਰਾਮ ਨਾਲ ਖੇਡੇ, ਪਰ ਜਦੋਂ ਤੇਜ਼ ਦੌੜ੍ਹਾਂ ਬਣਾਉਣ ਦਾ ਸਮਾਂ ਆਇਆ ਤਾਂ ਇਹ ਦੋਵੇਂ ਅਸਫਲ ਰਹੇ.

ਆਂਦਰੇ ਰਸਲ ਨੇ ਮਨੀਸ਼ ਪਾਂਡੇ ਨੂੰ ਆਪਣੀ ਗੇਂਦ ਤੇ 18 ਵੇਂ ਓਵਰ ਵਿਚ ਆਉਟ ਕੀਤਾ. ਸਾਹਾ ਵੀ ਆਖਰੀ ਓਵਰ ਵਿਚ ਪਵੇਲੀਅਨ ਪਰਤ ਗਏ. ਮਨੀਸ਼ ਨੇ 38 ਗੇਂਦਾਂ 'ਤੇ ਤਿੰਨ ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ 51 ਦੌੜਾਂ ਬਣਾਈਆਂ। ਸਾਹਾ ਨੇ 31 ਗੇਂਦਾਂ ਵਿੱਚ 30 ਦੌੜਾਂ ਬਣਾਈਆਂ.