ਡਿਫੈਂਡਿੰਗ ਚੈਂਪੀਅਨ ਮੁੰਬਈ ਇੰਡੀਅਨਜ਼ ਨੇ ਸ਼ਾਨਦਾਰ ਖੇਡ ਦਿਖਾਉਂਦੇ ਹੋਏ ਕਿੰਗਜ਼ ਇਲੈਵਨ ਪੰਜਾਬ ਨੂੰ 48 ਦੌੜਾਂ ਨਾਲ ਹਰਾ ਦਿੱਤਾ. ਮੁੰਬਈ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਰੋਹਿਤ ਸ਼ਰਮਾ (70 ਦੌੜਾਂ, 45 ਗੇਂਦਾਂ, 8 ਚੌਕੇ, 3 ਛੱਕੇ), ਕੀਰੋਨ ਪੋਲਾਰਡ (47 ਦੌੜਾਂ, 20 ਗੇਂਦਾਂ, 3 ਚੌਕੇ, ਚਾਰ ਛੱਕੇ), ਹਾਰਦਿਕ ਪਾਂਡਿਆ (30 ਦੌੜਾਂ, 11 ਗੇਂਦਾਂ) ਦੀ ਤੂਫਾਨੀ ਪਾਰੀ ਬਦੌਲਤ 20 ਓਵਰਾਂ ਵਿਚ ਚਾਰ ਵਿਕਟਾਂ ਗੁਆ ਕੇ 191 ਦੌੜਾਂ ਬਣਾਈਆਂ. 192 ਦੌੜਾਂ ਦੇ ਟੀਚੇ ਦੇ ਸਾਹਮਣੇ, ਪੰਜਾਬ ਅੱਠ ਵਿਕਟਾਂ ਗੁਆਉਣ ਤੋਂ ਬਾਅਦ 143 ਦੌੜਾਂ ਹੀ ਬਣਾ ਸਕਿਆ.
ਪੋਲਾਰਡ ਨੂੰ ਉਹਨਾਂ ਦੀ ਤੂਫਾਨੀ ਪਾਰੀ ਲਈ ਮੈਨ ਆਫ ਦਿ ਮੈਚ ਚੁਣਿਆ ਗਿਆ.
ਪੰਜਾਬ ਨੇ ਮੁੰਬਈ ਵੱਲੋਂ ਦਿੱਤੇ ਮਜ਼ਬੂਤ ਟੀਚੇ ਖਿਲਾਫ ਚੰਗੀ ਸ਼ੁਰੂਆਤ ਕੀਤੀ. ਲੋਕੇਸ਼ ਰਾਹੁਲ ਅਤੇ ਮਯੰਕ ਅਗਰਵਾਲ ਤਕਰੀਬਨ 10 ਦੇ ਰਨਰੇਟ ਨਾਲ ਸਕੋਰ ਬਣਾ ਰਹੇ ਸਨ. ਟ੍ਰੇਂਟ ਬੋਲਟ, ਜੇਮਸ ਪੈਟੀਨਸਨ ਅਤੇ ਕ੍ਰੂਨਲ ਪਾਂਡਿਆ ਚਾਰ ਓਵਰਾਂ ਦੀ ਗੇਂਦਬਾਜ਼ੀ ਕਰਨ ਤੋਂ ਬਾਅਦ ਵਿਕਟ ਨਹੀਂ ਲੈ ਸਕੇ, ਇਸ ਲਈ ਰੋਹਿਤ ਸ਼ਰਮਾ ਨੂੰ ਜਸਪ੍ਰੀਤ ਬੁਮਰਾਹ ਨੂੰ ਗੇਂਦਬਾਜ਼ੀ ਤੇ ਲਿਆਉਣਾ ਪਿਆ.
ਬੁਮਰਾਹ ਨੇ ਆਪਣੇ ਪਹਿਲੇ ਹੀ ਓਵਰ ਵਿਚ ਮਯੰਕ ਨੂੰ ਬੋਲਡ ਕਰਕੇ ਪੰਜਾਬ ਨੂੰ ਪਹਿਲਾ ਝਟਕਾ ਦਿੱਤਾ ਅਤੇ ਮੁੰਬਈ ਨੂੰ ਜ਼ਰੂਰੀ ਅਤੇ ਵੱਡੀ ਸਫਲਤਾ ਦਿਵਾਈ. ਕਰੁਣ ਨਾਇਰ (0) ਦਾ ਨਿਰਾਸ਼ਾਜਨਕ ਪ੍ਰਦਰਸ਼ਨ ਜਾਰੀ ਰਿਹਾ. ਉਹਨਾਂ ਨੂੰ ਕ੍ਰੂਨਲ ਨੇ ਬੋਲਡ ਕੀਤਾ.
ਇਨ੍ਹਾਂ ਦੋ ਵਿਕਟਾਂ ਦੇ ਨੁਕਸਾਨ ਤੋਂ ਬਾਅਦ, ਪੰਜਾਬ ਦਾ ਰਨ ਰੇਟ ਹੌਲੀ ਹੋ ਗਿਆ ਅਤੇ ਟੀਮ ਪਾਵਰਪਲੇ ਵਿਚ 41 ਦੌੜਾਂ ਹੀ ਬਣਾ ਸਕੀ. ਇਸ ਤੋਂ ਬਾਅਦ ਲੈੱਗ ਸਪਿਨਰ ਰਾਹੁਲ ਚਾਹਰ ਨੂੰ ਪੈਡਲ ਸਵੀਪ ਖੇਡਣ ਦੇ ਚੱਕਰ ਵਿਚ ਪੰਜਾਬ ਦੀ ਟੀਮ ਦੇ ਕਪਤਾਨ ਕੇ ਐਲ ਰਾਹੁਲ (17) ਵੀ ਆਉਟ ਹੋ ਗਏ.
ਇਸ ਤੋਂ ਬਾਅਦ ਗਲੇਨ ਮੈਕਸਵੈਲ ਅਤੇ ਨਿਕੋਲਸ ਪੂਰਨ ਦੋਵੇਂ ਕ੍ਰੀਜ਼ 'ਤੇ ਆਏ ਅਤੇ ਦੋਵਾਂ' ਨੇ ਤੇਜ਼ੀ ਨਾਲ ਬੱਲੇਬਾਜ਼ੀ ਕਰਨੀ ਸ਼ੁਰੂ ਕੀਤੀ, ਪਰ ਮੁੰਬਈ ਦੇ ਗੇਂਦਬਾਜ਼ਾਂ ਨੇ ਉਨ੍ਹਾਂ ਦਾ ਰਾਹ ਮੁਸ਼ਕਲ ਕਰ ਦਿੱਤਾ. ਰੋਹਿਤ ਨੇ ਇਸ ਪਾਰਟਨਰਸ਼ਿਪ ਨੂੰ ਤੋੜ੍ਹਨ ਲਈ ਪੈਟਿਨਸਨ ਬੁਲਾਇਆ ਅਤੇ ਉਹਨਾਂ ਨੇ ਪੂਰਨ (44 ਦੌੜਾਂ, 27 ਗੇਂਦਾਂ, 3 ਚੌਕੇ ਅਤੇ 2 ਛੱਕਿਆਂ) ਨੂੰ ਆਉਟ ਕਰਕੇ ਟੀਮ ਨੂੰ ਚੌਥੀ ਸਫਲਤਾ ਦਿਲਵਾਈ.
ਮੈਕਸਵੈੱਲ (11) ਨੇ ਵੱਡੇ ਸ਼ਾੱਟ ਖੇਡਣ ਦੀ ਕਾਫੀ ਕੋਸ਼ਿਸ਼ ਕੀਤੀ ਪਰ ਚਾਹਰ ਦੀ ਗੇਂਦ ਤੇ ਉਹ ਬੋਲਟ ਨੂੰ ਕੈਚ ਥਮਾ ਬੈਠੇ. ਉਹਨਾਂ ਦੇ ਆਉਟ ਹੁੰਦੇ ਹੀ ਪੰਜਾਬ ਦੀ ਹਾਰ ਪੱਕੀ ਹੋ ਗਈ.
ਜਿੰਮੀ ਨੀਸ਼ਮ (7), ਸਰਫਰਾਜ਼ (7) ਵੀ ਕੁਝ ਖਾਸ ਨਹੀਂ ਕਰ ਪਾਏ. ਕ੍ਰਿਸ਼ਨੱਪਾ ਗੌਤਮ 22 ਦੌੜਾਂ ਬਣਾ ਕੇ ਅਜੇਤੂ ਰਹੇ