IPL 2020: ਦਿੱਲੀ ਕੈਪਿਟਲਸ ਦੇ ਕਾਗੀਸੋ ਰਬਾਡਾ ਨੇ ਕਿਹਾ, ਪਹਿਲੇ ਮੈਚ ਵਿੱਚ ਦਬਾਅ ‘ਚ ਰਹਿਣਾ ਚੰਗਾ ਸੀ
ਦੱਖਣੀ ਅਫਰੀਕਾ ਦੇ ਤੇਜ਼ ਗੇਂਦਬਾਜ਼ ਕਗੀਸੋ ਰਬਾਡਾ ਨੇ ਪੰਜਾਬ ਦੇ ਖਿਲਾਫ ਜਿੱਤ ਤੋਂ ਬਾਅਦ ਕਿਹਾ ਹੈ ਕਿ ਪਹਿਲੇ ਮੈਚ ਵਿਚ ਦਬਾਅ ਵਿਚ ਰਹਿਣਾ ਉਹਨਾਂ ਲਈ ਚੰਗਾ ਸੀ. ਆਈਪੀਐਲ ਵਿਚ ਖੇਡ ਰਹੇ ਰਬਾਡਾ ਨੇ ਕਿੰਗਸ ਇਲੈਵਨ ਪੰਜਾਬ ਦੇ ਖਿਲਾਫ ਖੇਡੇ ਗਏ ਮੈਚ ਵਿਚ ਸੁਪਰ ਓਵਰ ਕਰਾਇਆ ਸੀ ਅਤੇ ਸਿਰਫ 2 ਦੌੜ੍ਹਾਂ ਦਿੱਤੀਆਂ ਸੀ.
ਰਬਾਡਾ ਨੇ ਕਿਹਾ, ਸਟੋਇਨੀਸ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ. ਮੈਚ ਦੇ ਅੰਤ ਵਿਚ ਉਹਨਾਂ ਨੇ ਅਦਭੁੱਤ ਪਾਰੀ ਖੇਡੀ ਅਤੇ ਸਾਨੂੰ ਇਕ ਚੰਗੇ ਸਕੋਰ ਤੱਕ ਪਹੁੰਚਾਇਆ. ਸਟੋਇਨੀਸ ਤੋਂ ਪਹਿਲਾਂ ਸ਼ਰੇਅਸ ਅਈਅਰ ਅਤੇ ਰਿਸ਼ਭ ਪੰਤ ਨੇ ਵੀ ਚੰਗੀ ਬੱਲੇਬਾਜ਼ੀ ਕੀਤੀ.
ਉਹਨਾਂ ਨੇ ਕਿਹਾ, "ਸਟੋਇਨੀਸ ਦਾ ਦਿਨ ਬੇਹੱਦ ਹੀ ਸ਼ਾਨਦਾਰ ਰਿਹਾ. ਉਹਨਾਂ ਨੇ ਦੋ ਫੁੱਲਟਾਸ ਕਰਾਈਆਂ ਅਤੇ 2 ਵਿਕਟਾਂ ਲਈਆਂ ਅਤੇ ਉੱਥੋਂ ਅਸੀਂ ਮੈਚ ਆਪਣੇ ਹੱਥ ਵਿੱਚ ਲੈ ਲਿਆ.”
ਰਬਾਡਾ ਨੇ ਸੁਪਰ ਓਵਰ ਵਿੱਚ ਸਿਰਫ ਦੋ ਦੌੜਾਂ ਦਿੱਤੀਆਂ ਅਤੇ ਦੋ ਵਿਕਟਾਂ ਵੀ ਲਈਆਂ.
ਉਹਨੇ ਕਿਹਾ, "ਤੁਸੀਂ ਚੀਜ਼ਾਂ ਦੀ ਯੋਜਨਾ ਨਹੀਂ ਬਣਾਉਂਦੇ। ਮੈਂ ਜਿੱਤਣ ਦੀ ਯੋਜਨਾ ਨਹੀਂ ਬਣਾਈ ਸੀ, ਪਰ ਆਪਣੀ ਯੋਜਨਾ ਨੂੰ ਲਾਗੂ ਇਸ ਲਈ ਕੀਤਾ ਤਾਂ ਜੋ ਮੈਂ ਜਿੱਤ ਸਕਾਂ। ਮੈਨੂੰ ਲੱਗਦਾ ਹੈ ਕਿ ਮੈਂ ਇਹ ਸੁਪਰ ਓਵਰ ਵਿੱਚ ਕਰ ਸਕਿਆ. ਕ੍ਰਿਕਟ ਅਜਿਹਾ ਹੀ ਹੁੰਦਾ ਹੈ। ਇਮਾਨਦਾਰੀ ਨਾਲ, ਇਹ ਇੱਕ ਵੱਡੀ ਰਾਹਤ ਸੀ ਕਿਉਂਕਿ ਮੈਂ ਜਾਣਦਾ ਸੀ ਕਿ ਜੇ ਮੈਂ ਇਹ ਕਰ ਸਕਿਆ ਅਤੇ ਜਿਸ ਤਰ੍ਹਾਂ ਦੇ ਬੱਲੇਬਾਜ਼ ਸਾਡੇ ਕੋਲ ਹਨ ਤਾਂ ਅਸੀਂ ਮੈਚ ਜਿੱਤ ਸਕਦੇ ਹਾਂ. ਮੈਂ ਖੁਸ਼ ਸੀ ਕਿ ਮੈਂ ਵਿਕਟ ਲੈ ਸਕਿਆ ਅਤੇ ਟੀਮ ਦੀ ਜਿੱਤਣ ਵਿਚ ਸਹਾਇਤਾ ਕਰ ਸਕਿਆ."