IPL 2020: ਆਂਦਰੇ ਰਸਲ ਦੀ ਪਤਨੀ ਨੂੰ ਯੂਜਰ ਨੇ ਕੀਤਾ ਟ੍ਰੋਲ, ਜੈਸਿਮ ਲੋਰਾ ਨੇ ਦਿੱਤਾ ਕਰਾਰਾ ਜਵਾਬ

ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ ਸੀਜ਼ਨ 13 ਵਿਚ ਕੋਲਕਾਤਾ ਨਾਈਟ ਰਾਈਡਰਜ਼ 5 ਮੈਚਾਂ ਵਿਚ 3 ਜਿੱਤਾਂ ਨਾਲ ਚੌਥੇ ਸਥਾਨ 'ਤੇ ਹੈ. ਇਸ ਸੀਜ਼ਨ ਵਿੱਚ, ਇਕ ਪਾਸੇ ਕੇਕੇਆਰ ਦੇ ਯੁਵਾ ਬੱਲੇਬਾਜ਼ ਸ਼ੁਭਮਨ ਗਿੱਲ ਅਤੇ ਰਾਹੁਲ ਤ੍ਰਿਪਾਠੀ ਜ਼ੋਰਦਾਰ ਬੱਲੇਬਾਜ਼ੀ ਕਰ ਰਹੇ ਹਨ, ਦੂਜੇ ਪਾਸੇ ਟੀਮ ਦੇ ਦਿੱਗਜ ਆਲਰਾਉਂਡਰ ਆਂਦਰੇ ਰਸਲ ਖਰਾਬ ਫੌਰਮ ਨਾਲ ਗੁਜਰ ਰਹੇ ਹਨ. ਪ੍ਰਸ਼ੰਸਕ ਰਸਲ ਦੇ ਖਰਾਬ ਫੌਰਮ ਦੇ ਚਲਦੇ ਰਸਲ ਦੀ ਪਤਨੀ ਨੂੰ ਸੋਸ਼ਲ ਮੀਡੀਆ 'ਤੇ ਟ੍ਰੋਲ ਕਰ ਰਹੇ ਹਨ.

ਆਂਦਰੇ ਰਸਲ ਦੀ ਪਤਨੀ ਜੈਸਿਮ ਲੋਰਾ ਨੇ ਸੋਸ਼ਲ ਮੀਡੀਆ 'ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਜਿਸ ਤੋਂ ਬਾਅਦ ਕੁਝ ਪ੍ਰਸ਼ੰਸਕ ਰਸਲ ਦੀ ਪਤਨੀ ਨੂੰ ਟਰੋਲ ਕਰਨ ਦੀ ਕੋਸ਼ਿਸ਼ ਕਰਦੇ ਦਿਖਾਈ ਦਿੱਤੇ. ਇਕ ਯੂਜਰ ਨੇ ਲਿਖਿਆ, "ਜੈਸੀਮ ਆੰਟੀ ਤੁਸੀਂ ਦੁਬਈ ਚਲੇ ਜਾਓ ਕਿਉਂਕਿ ਆਂਦਰੇ ਰਸਲ ਚੰਗੀ ਫੌਰਮ ਵਿਚ ਨਹੀਂ ਹੈ". 

ਯੂਜਰ ਦੇ ਇਸ ਟਵੀਟ 'ਤੇ ਪ੍ਰਤੀਕ੍ਰਿਆ ਦਿੰਦੇ ਹੋਏ, ਰਸਲ ਦੀ ਪਤਨੀ ਨੇ ਲਿਖਿਆ, "ਆਂਦਰੇ ਰਸਲ ਸ਼ਾਨਦਾਰ ਫੌਰਮ ਵਿਚ ਹੈ." 

ਇਸ ਦੇ ਨਾਲ ਹੀ ਕੁਝ ਹੋਰ ਯੂਜਰਸ ਨੇ ਵੀ ਕਮੈਂਟ ਰਾਹੀਂ ਜੈਸਿਮ ਲੋਰਾ ਨੂੰ ਦੁਬਈ ਜਾਣ ਦੀ ਸਲਾਹ ਦਿੱਤੀ ਹੈ.

ਆਈਪੀਐਲ ਦੇ ਇਸ ਸੀਜ਼ਨ ਦੀ ਗੱਲ ਕਰੀਏ ਤਾਂ ਰਸਲ ਨੇ ਮੁੰਬਈ ਇੰਡੀਅਨਜ਼ ਖਿਲਾਫ ਖੇਡੇ ਗਏ ਪਹਿਲੇ ਮੈਚ ਵਿਚ 11 ਗੇਂਦਾਂ ਵਿਚ 11 ਦੌੜਾਂ ਬਣਾਈਆਂ ਸੀ. ਉਹ ਸਨਰਾਈਜ਼ਰਜ਼ ਹੈਦਰਾਬਾਦ ਖਿਲਾਫ ਮੈਦਾਨ 'ਤੇ ਬੱਲੇਬਾਜ਼ੀ ਕਰਨ ਨਹੀਂ ਆਏ. ਰਸਲ ਨੇ ਰਾਜਸਥਾਨ ਰਾਇਲਜ਼ ਖ਼ਿਲਾਫ਼ 14 ਗੇਂਦਾਂ ਵਿੱਚ 24 ਦੌੜਾਂ ਬਣਾਈਆਂ. ਇਸ ਦੇ ਨਾਲ ਹੀ ਉਹ ਦਿੱਲੀ ਕੈਪਿਟਲਸ ਦੇ ਖਿਲਾਫ 8 ਗੇਂਦਾਂ 'ਤੇ 13 ਦੌੜਾਂ ਹੀ ਬਣਾ ਸਕੇ. ਆਂਦਰੇ ਰਸਲ ਦਾ ਫਲਾੱਪ ਸ਼ੋਅ ਸੀਐਸਕੇ ਖਿਲਾਫ ਵੀ ਜਾਰੀ ਰਿਹਾ ਅਤੇ ਉਹਨਾਂ ਨੇ 4 ਗੇਂਦਾਂ ਵਿੱਚ ਸਿਰਫ 2 ਦੌੜਾਂ ਬਣਾਈਆਂ ਸੀ.

ਆਂਦਰੇ ਰਸਲ ਨੇ ਕੇਕੇਆਰ ਲਈ ਖੇਡੇ ਗਏ 5 ਮੈਚਾਂ ਵਿਚ 12.50 ਦੀ ਔਸਤ ਨਾਲ ਸਿਰਫ 50 ਦੌੜਾਂ ਬਣਾਈਆਂ ਹਨ. ਹਾਲਾਂਕਿ, ਰਸਲ ਨੇ ਗੇਂਦਬਾਜ਼ੀ ਰਾਹੀਂ ਬਿਹਤਰ ਪ੍ਰਦਰਸ਼ਨ ਕੀਤਾ ਹੈ ਅਤੇ 5 ਮੈਚਾਂ ਵਿਚ 5 ਵਿਕਟਾਂ ਲਈਆਂ ਹਨ. ਕੋਲਕਾਤਾ ਨਾਈਟ ਰਾਈਡਰਜ਼ ਆਪਣਾ ਅਗਲਾ ਮੈਚ 10 ਅਕਤੂਬਰ ਨੂੰ ਪੰਜਾਬ ਵਿਰੁੱਧ ਖੇਡੇਗੀ.