ਕੇਐਲ ਰਾਹੁਲ ਰੋਹਿਤ ਸ਼ਰਮਾ ਦੀ ਸੋਚ ਦਾ ਕਰ ਰਿਹਾ ਹੈ ਬੰਟਾਧਾਰ

ਏਸ਼ੀਆ ਕੱਪ 2022 ਦੇ ਚੌਥੇ ਮੈਚ 'ਚ ਵਿਰਾਟ ਕੋਹਲੀ ਅਤੇ ਸੂਰਿਆਕੁਮਾਰ ਯਾਦਵ ਨੇ ਚੌਕੇ-ਛੱਕਿਆਂ ਦੀ ਜ਼ਬਰਦਸਤ ਬਰਸਾਤ ਕਰਦੇ ਹੋਏ ਹਾਂਗਕਾਂਗ ਦੇ ਗੇਂਦਬਾਜ਼ਾਂ ਦੀ ਕਾਫੀ ਕੁਟਾਈ ਕੀਤੀ। ਇਨ੍ਹਾਂ ਦੋਵਾਂ ਦੀ ਪਾਰੀ ਦੀ ਬਦੌਲਤ ਭਾਰਤੀ ਟੀਮ ਹੌਲੀ ਸ਼ੁਰੂਆਤ ਦੇ ਬਾਵਜੂਦ 192 ਦੇ ਸਕੋਰ ਤੱਕ ਪਹੁੰਚ ਸਕੀ। ਦੋਵਾਂ ਨੇ ਅਜੇਤੂ ਅਰਧ ਸੈਂਕੜੇ ਬਣਾਏ ਪਰ ਉਨ੍ਹਾਂ ਤੋਂ ਪਹਿਲਾਂ ਬੱਲੇਬਾਜ਼ੀ ਕਰਨ ਆਏ ਸਲਾਮੀ ਬੱਲੇਬਾਜ਼ ਕੇਐਲ ਰਾਹੁਲ ਇਸ ਪਿੱਚ 'ਤੇ ਇਸ ਤਰ੍ਹਾਂ ਖੇਡੇ ਜਿਵੇਂ ਉਹ ਕੋਈ ਟੈਸਟ ਮੈਚ ਖੇਡ ਰਹੇ ਹੋਣ।

ਰਾਹੁਲ ਪਾਕਿਸਤਾਨ ਦੇ ਖਿਲਾਫ ਗੋਲਡਨ ਡਕ 'ਤੇ ਆਊਟ ਹੋਏ ਸਨ, ਇਸ ਲਈ ਪ੍ਰਸ਼ੰਸਕਾਂ ਨੂੰ ਉਮੀਦ ਸੀ ਕਿ ਉਹ ਹਾਂਗਕਾਂਗ ਖਿਲਾਫ ਚੰਗੀ ਪਾਰੀ ਖੇਡਣਗੇ ਪਰ ਇੱਥੇ ਵੀ ਪ੍ਰਸ਼ੰਸਕਾਂ ਨੂੰ ਧੋਖਾ ਮਿਲਿਆ। ਕੇਐਲ ਰਾਹੁਲ ਨੇ ਹਾਂਗਕਾਂਗ ਦੇ ਕਮਜ਼ੋਰ ਗੇਂਦਬਾਜ਼ੀ ਹਮਲੇ ਦੇ ਸਾਹਮਣੇ 39 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 92.31 ਦੀ ਹੌਲੀ ਸਟ੍ਰਾਈਕ ਰੇਟ ਨਾਲ ਸਿਰਫ 36 ਦੌੜਾਂ ਬਣਾਈਆਂ। ਉਸ ਦੀ ਪਾਰੀ ਦੀ ਨਾ ਸਿਰਫ ਦਿੱਗਜ ਆਲੋਚਨਾ ਕਰ ਰਹੇ ਹਨ, ਸਗੋਂ ਪ੍ਰਸ਼ੰਸਕ ਵੀ ਉਸ ਦੀ ਕਾਫੀ ਆਲੋਚਨਾ ਕਰ ਰਹੇ ਹਨ।

ਕੁਝ ਸਮਾਂ ਪਹਿਲਾਂ ਕਪਤਾਨ ਰੋਹਿਤ ਸ਼ਰਮਾ ਨੇ ਇਹ ਬਿਆਨ ਦਿੱਤਾ ਸੀ ਕਿ ਉਨ੍ਹਾਂ ਦੀ ਟੀਮ ਸ਼ੁਰੂ ਤੋਂ ਹੀ ਹਮਲਾਵਰ ਰੁਖ ਨਾਲ ਖੇਡਦੀ ਨਜ਼ਰ ਆਵੇਗੀ ਅਤੇ ਜਦੋਂ ਰਾਹੁਲ ਟੀਮ ਦਾ ਹਿੱਸਾ ਨਹੀਂ ਸਨ ਤਾਂ ਇਹ ਵੀ ਨਜ਼ਰ ਆ ਰਿਹਾ ਸੀ ਪਰ ਜਿਵੇਂ ਹੀ ਰਾਹੁਲ ਦੀ ਟੀਮ ਵਿੱਚ ਵਾਪਸੀ ਹੋਈ ਹੈ। ਉਸ ਨੇ ਰੋਹਿਤ ਦੇ ਹਮਲਾਵਰ ਰੁਖ ਦੀ ਗੱਲਾਂ ਨੂੰ ਗਲਤ ਸਾਬਤ ਕਰ ਦਿੱਤਾ ਹੈ। ਹਮਲਾਵਰ ਤੇ ਕੀ ਖੇਡਣਾ ਸੀ, ਰਾਹੁਲ ਨੇ ਟੀ-20 ਵਿਚ ਟੈਸਟ ਖੇਡਣਾ ਸ਼ੁਰੂ ਕਰ ਦਿੱਤਾ ਹੈ।

ਰਾਹੁਲ ਦੀ ਇਸ ਪਾਰੀ ਤੋਂ ਸਾਫ਼ ਹੈ ਕਿ ਉਹ ਸੱਟ ਤੋਂ ਬਾਅਦ ਪੂਰੀ ਤਰ੍ਹਾਂ ਆਉਟ ਆਫ ਫੋਰਮ ਹਨ। ਅਜਿਹੇ 'ਚ ਹੁਣ ਇਹ ਕਹਿਣਾ ਗਲਤ ਹੋਵੇਗਾ ਕਿ ਉਸ ਦੀ ਟੀ-20 ਵਿਸ਼ਵ ਕੱਪ ਦੀ ਟਿਕਟ ਪੱਕੀ ਨਹੀਂ ਹੋਈ ਹੈ। ਏਸ਼ੀਆ ਕੱਪ 'ਚ ਅਜੇ ਕਾਫੀ ਮੈਚ ਖੇਡੇ ਜਾਣੇ ਹਨ ਅਤੇ ਇਸ ਤੋਂ ਬਾਅਦ ਭਾਰਤ ਨੂੰ ਘਰੇਲੂ ਟੀ-20 ਸੀਰੀਜ਼ ਵੀ ਖੇਡਣੀ ਹੈ ਅਤੇ ਜੇਕਰ ਰਾਹੁਲ ਦਾ ਬੱਲਾ ਇਸ ਤਰ੍ਹਾਂ ਹੀ ਸ਼ਾਂਤ ਰਹਿੰਦਾ ਹੈ ਤਾਂ ਇਸ ਸਮੇਂ ਭਾਰਤੀ ਟੀਮ 'ਚ ਮੁਕਾਬਲੇ ਨੂੰ ਦੇਖਦੋ ਹੋਏ ਇਹ ਕਹਿਣਾ ਮੁਸ਼ਕਲ ਹੋਵੇਗਾ ਕਿ ਉਸ ਦੀ ਟੀਮ 'ਚ ਜਗ੍ਹਾ ਬਣੇਗੀ ਜਾਂ ਨਹੀਂ।