IPL 2020: ਅਮਿਤ ਮਿਸ਼ਰਾ ਦੀ ਜਗ੍ਹਾ ਦਿੱਲੀ ਕੈਪਿਟਲਸ ਨੇ ਇਸ ਖਿਡਾਰੀ ਨੂੰ ਕੀਤਾ ਸ਼ਾਮਲ, RCB ਦੀ ਟੀਮ ਵਿਚ ਸ਼ਾਮਲ ਸੀ ਇਹ ਖਿਡਾਰੀ
ਦਿੱਲੀ ਕੈਪਿਟਲਸ ਨੇ ਪ੍ਰਵੀਨ ਦੂਬੇ ਨੂੰ ਉਨ੍ਹਾਂ ਦੇ ਜ਼ਖ਼ਮੀ ਲੈੱਗ ਸਪਿਨ ਗੇਂਦਬਾਜ਼ ਅਮਿਤ ਮਿਸ਼ਰਾ ਦੀ ਜਗ੍ਹਾ ਟੀਮ ਵਿਚ ਸ਼ਾਮਲ ਕਰ ਲਿਆ ਹੈ, ਮਿਸ਼ਰਾ ਆਈਪੀਐਲ ਤੋਂ ਪਹਿਲਾਂ ਹੀ ਬਾਹਰ ਹੋ ਚੁੱਕੇ ਹਨ. ਦੱਸ ਦੇਈਏ ਕਿ ਅਮਿਤ ਮਿਸ਼ਰਾ ਸ਼ਾਰਜਾਹ ਮੈਦਾਨ ਵਿਚ ਕੋਲਕਾਤਾ ਨਾਈਟ ਰਾਈਡਰਜ਼ ਖ਼ਿਲਾਫ਼ ਮੈਚ ਵਿਚ ਗੇਂਦਬਾਜ਼ੀ ਕਰਦੇ ਸਮੇਂ ਜ਼ਖਮੀ ਹੋਏ ਸਨ ਅਤੇ ਜਿਸ ਕਾਰਨ ਉਹ ਆਈਪੀਐਲ ਤੋਂ ਬਾਹਰ ਹੋ ਗਏ ਸੀ.
ਉਹਨਾਂ ਦੀ ਜਗ੍ਹਾ 'ਤੇ ਟੀਮ ਵਿਚ ਸ਼ਾਮਲ ਪ੍ਰਵੀਨ ਦੂਬੇ
ਕਰਨਾਟਕ ਲਈ ਆਪਣੀ ਘਰੇਲੂ ਕ੍ਰਿਕਟ ਖੇਡਦੇ ਹਨ ਅਤੇ ਹੁਣ ਤਕ ਉਹ 14 ਘਰੇਲੂ ਟੀ -20 ਮੈਚਾਂ ਵਿਚ ਕੁਲ 16 ਵਿਕਟਾਂ ਲੈ ਚੁੱਕੇ ਹਨ. ਇਸ ਦੌਰਾਨ ਉਹਨਾਂ ਦਾ ਇਕੌਨਮੀ ਰੇਟ ਵੀ 6.87 ਦੇ ਨੇੜੇ ਰਿਹਾ ਹੈ. 3 ਅਕਤੂਬਰ ਨੂੰ ਸ਼ਾਰਜਾਹ ਦੇ ਮੈਦਾਨ ਵਿਚ ਕੇਕੇਆਰ ਖਿਲਾਫ ਮੈਚ ਵਿਚ ਅਮਿਤ ਮਿਸ਼ਰਾ ਨੇ ਆਪਣੀ ਹੀ ਗੇਂਦ 'ਤੇ ਨਿਤੀਸ਼ ਰਾਣਾ ਦੇ ਇਕ ਸ਼ਾਟ' ਤੇ ਕੈਚ ਲੈਣ ਦੀ ਕੋਸ਼ਿਸ਼ ਵਿਚ ਆਪਣੀਆਂ ਉਂਗਲੀਆਂ ਨੂੰ ਜ਼ਖ਼ਮੀ ਕਰਵਾ ਲਿਆ ਸੀ, ਜਿਸ ਤੋਂ ਬਾਅਦ ਉਹਨਾਂ ਨੂੰ ਟੀਮ ਤੋਂ ਬਾਹਰ ਹੋਣਾ ਪਿਆ ਸੀ.
ਦਿੱਲੀ ਦੀ ਟੀਮ ਨੇ ਪੁਆਇੰਟ ਟੇਬਲ ਵਿਚ ਪਹਿਲੇ ਸਥਾਨ 'ਤੇ ਕਬਜ਼ਾ ਕੀਤਾ ਹੋਇਆ ਹੈ ਅਤੇ ਆਪਣੇ ਆਖਰੀ ਮੈਚ ਵਿਚ ਧੋਨੀ ਦੀ ਕਪਤਾਨੀ ਵਾਲੀ ਚੇਨਈ ਸੁਪਰ ਕਿੰਗਜ਼ ਨੂੰ ਵੀ ਹਰਾਇਆ ਸੀ.
27 ਸਾਲਾ ਪ੍ਰਵੀਨ ਇਸ ਸਮੇਂ ਯੂਏਈ ਵਿੱਚ ਹੀ ਹਨ ਅਤੇ ਆਰੀਸੀਬੀ ਲਈ ਇਕ ਨੈਟ ਗੇਂਦਬਾਜ਼ ਦੀ ਭੂਮਿਕਾ ਨਿਭਾ ਰਹੇ ਸੀ. ਆਰਸੀਬੀ ਨੇ ਉਹਨਾਂ ਨੂੰ 2016 ਦੀ ਆਈਪੀਐਲ ਦੀ ਨਿਲਾਮੀ ਵਿੱਚ 35 ਲੱਖ ਰੁਪਏ ਵਿੱਚ ਖਰੀਦਿਆ ਸੀ, ਹਾਲਾਂਕਿ ਉਹਨਾਂ ਨੂੰ ਇੱਕ ਵੀ ਮੈਚ ਖੇਡਣ ਦਾ ਮੌਕਾ ਨਹੀਂ ਮਿਲਿਆ ਸੀ.