ਚੇਨੱਈ ਸੁਪਰ ਕਿੰਗਜ਼ ਦੇ ਸਲਾਮੀ ਬੱਲੇਬਾਜ਼ ਰੁਤੁਰਾਜ ਗਾਇਕਵਾੜ ਪਿਛਲੇ ਤਿੰਨ ਮੈਚਾਂ ਵਿਚ ਫਲਾਪ ਸਾਬਤ ਹੋਏ ਸਨ, ਇਸ ਲਈ ਉਨ੍ਹਾਂ ਦੀ ਟੀਮ ਵਿਚ ਜਗ੍ਹਾ ਨੂੰ ਲੈ ਕੇ ਵੀ ਪ੍ਰਸ਼ਨ ਉਠਣੇ ਸ਼ੁਰੂ ਹੋ ਗਏ ਸਨ ਪਰ ਉਸਨੇ ਕੋਲਕਾਤਾ ਨਾਈਟ ਰਾਈਡਰਜ਼ ਖ਼ਿਲਾਫ਼ ਸ਼ਾਨਦਾਰ ਅਰਧ ਸੈਂਕੜਾ ਜੜ ਕੇ ਇਹ ਸਾਰੇ ਪ੍ਰਸ਼ਨ ਰੋਕ ਦਿੱਤੇ ਹਨ।
ਗਾਇਕਵਾੜ ਨੇ ਕੇਕੇਆਰ ਖਿਲਾਫ 42 ਗੇਂਦਾਂ ਵਿਚ 64 ਦੌੜਾਂ ਦੀ ਪਾਰੀ ਖੇਡੀ ਅਤੇ ਇਸ ਦੌਰਾਨ ਉਸ ਨੇ ਆਪਣੇ ਬੱਲੇ ਨਾਲ 6 ਚੌਕੇ ਅਤੇ ਚਾਰ ਛੱਕੇ ਵੀ ਲਗਾਏ। ਗਾਇਕਵਾੜ ਨੇ ਮੈਦਾਨ ਦੇ ਆਲੇ-ਦੁਆਲੇ ਸ਼ਾਟ ਮਾਰੇ ਅਤੇ ਆਪਣੇ ਆਲੋਚਕਾਂ ਨੂੰ ਢੁਕਵਾਂ ਜਵਾਬ ਵੀ ਦੇ ਦਿੱਤਾ।
ਗਾਇਕਵਾੜ ਦੀ ਪਾਰੀ ਨੇ ਇਹ ਵੀ ਦੱਸਿਆ ਕਿ ਚੇਨਈ ਸੁਪਰ ਕਿੰਗਜ਼ ਆਖਰਕਾਰ ਸਟਾਰ ਖਿਡਾਰੀ ਕਿਉਂ ਪੈਦਾ ਕਰਦੀ ਹੈ। ਚੇਨਈ ਦੇ ਕੋਚ ਸਟੀਫਨ ਫਲੇਮਿੰਗ ਨੇ ਲਗਾਤਾਰ ਤਿੰਨ ਮੈਚਾਂ ਵਿਚ ਗਾਈਕਵਾੜ ਦੇ ਅਸਫਲ ਹੋਣ ਤੋਂ ਬਾਅਦ ਕਿਹਾ ਕਿ ਇਸ ਨੌਜਵਾਨ ਖਿਡਾਰੀ ਪ੍ਰਤੀ ਉਸ ਦਾ ਵਿਸ਼ਵਾਸ ਥੋੜ੍ਹਾ ਜਿਹਾ ਵੀ ਨਹੀਂ ਹਿੱਲਿਆ ਹੈ ਅਤੇ ਉਹ ਜਾਣਦਾ ਹੈ ਕਿ ਖਿਡਾਰੀ ਕਿਵੇਂ ਬਣਦੇ ਹਨ ਅਤੇ ਇਸ ਲਈ ਗਾਇਕਵਾੜ ਆਉਣ ਵਾਲੇ ਮੈਚਾਂ ਵਿਚ ਵੀ ਖੇਡਦੇ ਰਹਿਣਗੇ।
ਗਾਇਕਵਾੜ ਦੀ ਫਾਫ ਡੂ ਪਲੇਸਿਸ ਨਾਲ 115 ਦੌੜਾਂ ਦੀ ਸਾਂਝੇਦਾਰੀ ਨਾਲ ਫੌਰਮ ਵਿਚ ਵਾਪਸੀ ਵਿਰੋਧੀ ਟੀਮਾਂ ਲਈ ਖ਼ਤਰੇ ਦੀ ਘੰਟੀ ਹੈ, ਜਦੋਂਕਿ ਉਸ ਦੀ ਪਾਰੀ ਆਲੋਚਕਾਂ ਲਈ ਵੀ ਚੰਗਾ ਜਵਾਬ ਹੈ। ਹਾਲਾਂਕਿ, ਸੀਐਸਕੇ ਹੁਣ ਚਾਹੇਗੀ ਕਿ ਗਾਇਕਵਾੜ ਆਉਣ ਵਾਲੇ ਮੈਚਾਂ ਵਿੱਚ ਵੀ ਇਸ ਫੌਰਮ ਨੂੰ ਜਾਰੀ ਰੱਖੇ।