ਸਲਮਾਨ ਬੱਟ ਨੇ ਲਾਈ ਰਿੱਕੀ ਪੋਂਟਿੰਗ ਦੀ ਕਲਾਸ, ਕਿਹਾ- 'ਪੋਂਟਿੰਗ ਨੂੰ 'Jet Lag' ਹੋ ਗਿਆ ਹੋਣਾ'
ਰਿਕੀ ਪੋਂਟਿੰਗ ਨੇ ਹਾਲ ਹੀ 'ਚ ਇਕ ਬਿਆਨ ਦਿੱਤਾ ਸੀ, ਜਿਸ 'ਚ ਉਨ੍ਹਾਂ ਨੇ ਭਾਰਤੀ ਬੱਲੇਬਾਜ਼ ਸੂਰਿਆਕੁਮਾਰ ਯਾਦਵ ਦੀ ਤੁਲਨਾ ਏਬੀ ਡਿਵਿਲੀਅਰਸ ਨਾਲ ਕੀਤੀ ਸੀ ਪਰ ਹੁਣ ਪਾਕਿਸਤਾਨ ਦੇ ਸਾਬਕਾ ਕਪਤਾਨ ਸਲਮਾਨ ਬੱਟ ਨੇ ਇਸ ਬਿਆਨ ਨਾਲ ਅਸਹਿਮਤ ਹੋ ਗਏ ਹਨ। ਬੱਟ ਨੂੰ ਲੱਗਦਾ ਹੈ ਕਿ ਪੋਂਟਿੰਗ ਦੁਆਰਾ ਕੀਤੀ ਗਈ ਇਹ ਤੁਲਨਾ ਗਲਤ ਹੈ। ਯਾਦਵ, ਵਰਤਮਾਨ ਵਿੱਚ ਆਈਸੀਸੀ ਟੀ-20ਆਈ ਰੈਂਕਿੰਗ ਵਿੱਚ ਬੱਲੇਬਾਜ਼ਾਂ ਦੀ ਸੂਚੀ ਵਿੱਚ ਦੂਜੇ ਸਥਾਨ 'ਤੇ ਹਨ, ਅਤੇ ਕਈ ਦਿੱਗਜਾਂ ਨੇ ਉਹਨਾਂ ਨੂੰ 360 ਡਿਗਰੀ ਦੱਸਿਆ ਹੈ।
ਪੋਂਟਿੰਗ ਨੇ ਸੂਰਿਆਕੁਮਾਰ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਸੂਰਿਆਕੁਮਾਰ ਯਾਦਵ ਦਾ 360 ਡਿਗਰੀ ਬੱਲੇਬਾਜ਼ੀ ਸਟਾਈਲ ਡਿਵਿਲੀਅਰਸ ਦੀ ਯਾਦ ਦਿਵਾਉਂਦਾ ਹੈ। ਜਿਵੇਂ ਹੀ ਪੋਂਟਿੰਗ ਦਾ ਇਹ ਬਿਆਨ ਸਲਮਾਨ ਬੱਟ ਤੱਕ ਪਹੁੰਚਿਆ ਤਾਂ ਉਸ ਨੇ ਆਪਣੀ ਅਸਹਿਮਤੀ ਜਤਾਈ ਅਤੇ ਕਿਹਾ ਕਿ ਡਿਵਿਲੀਅਰਸ ਦੀ ਪ੍ਰਤਿਭਾ ਦਾ ਮੁਕਾਬਲਾ ਕੋਈ ਹੋਰ ਬੱਲੇਬਾਜ਼ ਨਹੀਂ ਕਰ ਸਕਦਾ।
ਆਪਣੇ ਯੂਟਿਊਬ ਚੈਨਲ 'ਤੇ ਬੋਲਦੇ ਹੋਏ ਸਲਮਾਨ ਬੱਟ ਨੇ ਕਿਹਾ, ''ਏਬੀ ਡਿਵਿਲੀਅਰਸ ਨੇ ਜਿਸ ਤਰ੍ਹਾਂ ਦੀ ਕ੍ਰਿਕਟ ਖੇਡੀ, ਮੈਨੂੰ ਲੱਗਦਾ ਹੈ ਕਿ ਹਾਲ ਹੀ ਦੇ ਇਤਿਹਾਸ 'ਚ ਉਨ੍ਹਾਂ ਵਰਗਾ ਕ੍ਰਿਕਟ ਕਿਸੇ ਨੇ ਨਹੀਂ ਖੇਡਿਆ ਹੈ। ਉਸ ਦਾ ਜਿਸ ਤਰ੍ਹਾਂ ਦਾ ਪ੍ਰਭਾਵ ਸੀ, ਵਿਰੋਧੀ ਟੀਮਾਂ ਨੂੰ ਪਤਾ ਸੀ ਕਿ ਜੇਕਰ ਤੁਸੀਂ ਉਸ ਨੂੰ ਆਉਟ ਨਹੀਂ ਕਰ ਸਕਦੇ, ਤਾਂ ਤੁਸੀਂ ਮੈਚ ਨਹੀਂ ਜਿੱਤ ਸਕਦੇ। ਰੂਟ, ਵਿਲੀਅਮਸਨ, ਕੋਹਲੀ ਵੀ ਹਨ ਜੋ ਦੁਨੀਆ ਦੇ ਨੰਬਰ 1 ਬੱਲੇਬਾਜ਼ ਰਹੇ ਹਨ ਅਤੇ ਸ਼ਾਨਦਾਰ ਸੈਂਕੜੇ ਜੜੇ ਹਨ। ਰੋਹਿਤ ਸ਼ਰਮਾ ਨੇ ਆਪਣੇ ਦਿਨ ਵਨਡੇ 'ਚ 250 ਦੌੜਾਂ ਬਣਾਈਆਂ ਹਨ। ਇਸ ਲਈ, ਪੋਂਟਿੰਗ ਨੂੰ ਜੈਟ ਲੈਗ ਹੋਇਆ ਹੋ ਸਕਦਾ ਹੈ।
ਅੱਗੇ ਬੋਲਦੇ ਹੋਏ, ਉਸਨੇ ਕਿਹਾ, 'ਉਸ ਨੇ ਹੁਣੇ ਹੀ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡਣਾ ਸ਼ੁਰੂ ਕੀਤਾ ਹੈ। ਉਸ ਕੋਲ ਪ੍ਰਤਿਭਾ ਹੈ ਅਤੇ ਉਸ ਨੇ ਚੰਗਾ ਖੇਡਿਆ ਹੈ। ਪਰ ਉਸਦੀ ਤੁਲਨਾ ਸਿੱਧੇ ਤੌਰ 'ਤੇ ਏਬੀ ਡੀਵਿਲੀਅਰਜ਼ ਨਾਲ ਕਰਨੀ ਸਹੀ ਨਹੀਂ ਹੈ? ਪੌਂਟਿੰਗ ਨੂੰ ਥੋੜਾ ਹੋਰ ਇੰਤਜ਼ਾਰ ਕਰਨਾ ਚਾਹੀਦਾ ਸੀ। ਉਸ ਨੇ ਅਜੇ ਕਿਸੇ ਵੱਡੇ ਟੂਰਨਾਮੈਂਟ 'ਚ ਖੇਡਣਾ ਹੈ। ਸੱਚ ਤਾਂ ਇਹ ਹੈ ਕਿ ਏਬੀ ਡਿਵਿਲੀਅਰਸ ਵਰਗਾ ਖਿਡਾਰੀ ਕਦੇ ਨਹੀਂ ਆਇਆ। ਤੁਸੀਂ ਸ਼ਾਇਦ ਉਸਦੀ ਤੁਲਨਾ ਵਿਵ ਰਿਚਰਡਸ ਨਾਲ ਕਰ ਸਕਦੇ ਹੋ।'