IND vs AUS: ਸ਼ੇਨ ਵਾਰਨ ਦੀ ਅਪੀਲ, ਭਾਰਤ-ਆਸਟਰੇਲੀਆ ਬਾਕਸਿੰਗ-ਡੇ ਟੈਸਟ ਮੈਚ MCG ਵਿਖੇ ਹੀ ਖੇਡਿਆ ਜਾਵੇ
ਆਸਟਰੇਲੀਆ ਦੇ ਮਹਾਨ ਲੈੱਗ ਸਪਿਨਰ ਸ਼ੇਨ ਵਾਰਨ ਨੇ ਦੇਸ਼ ਦੇ ਕ੍ਰਿਕਟ ਬੋਰਡ ਨੂੰ ਅਪੀਲ ਕੀਤੀ ਹੈ ਕਿ ਉਹ ਭਾਰਤ ਖ਼ਿਲਾਫ਼ ਬਾਕਸਿੰਗ ਡੇ ਮੈਚ ਦਾ ਵੇਨਯੁ ਮੈਲਬੌਰਨ ਕ੍ਰਿਕਟ ਮੈਦਾਨ (ਐਮਸੀਜੀ) ਹੀ ਰੱਖਣ। ਵਿਕਟੋਰੀਆ ਰਾਜ ਵਿਚ ਕੋਵਿਡ -19 ਦੇ ਮਾਮਲਿਆਂ ਵਿਚ ਨਿਰੰਤਰ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ ਜਿਸ ਕਾਰਨ ਬਾਕਸਿੰਗ ਡੇ ਟੈਸਟ ਮੈਚ ਤੇ ਹਨੇਰੇ ਬੱਦਲ ਛਾਏ ਹੋਏ ਹਨ।
ਕ੍ਰਿਕਟ ਆਸਟਰੇਲੀਆ (ਸੀ. ਏ.) ਵੱਲੋਂ ਇਸ ਹਫਤੇ ਭਾਰਤ ਨਾਲ ਲੜੀ ਦਾ ਸ਼ੈਡਯੂਲ ਜਾਰੀ ਕੀਤੇ ਜਾਣ ਦੀ ਸੰਭਾਵਨਾ ਹੈ ਜਿਸ ਵਿਚ ਚਾਰ ਟੈਸਟ ਮੈਚ ਸ਼ਾਮਲ ਹਨ ਅਤੇ ਸੰਭਾਵਨਾ ਹੈ ਕਿ ਐਮਸੀਜੀ ਬਾਕਸਿੰਗ ਡੇ ਟੈਸਟ ਮੈਚ ਦੀ ਮੇਜ਼ਬਾਨੀ ਕਰ ਸਕਦਾ ਹੈ।
ਵਾਰਨ ਨੇ ਟਵੀਟ ਕਰਦਿਆਂ ਕਿਹਾ, "ਕ੍ਰਿਕਟ ਫੁਟਬਾਲ ਤੋਂ ਬਾਅਦ ਦੁਨੀਆ ਦਾ ਦੂਜਾ ਸਭ ਤੋਂ ਵੱਡਾ ਖੇਡ ਹੈ ਅਤੇ ਬਾਕਸਿੰਗ ਡੇ ਆਸਟਰੇਲੀਆ ਦੇ ਖੇਡ ਕੈਲੰਡਰ ਦਾ ਸਭ ਤੋਂ ਵੱਡਾ ਦਿਨ ਹੈ। ਸਾਨੂੰ ਐਮਸੀਜੀ ਵਿੱਚ ਬਾਕਸਿੰਗ ਡੇਅ ਟੈਸਟ ਮੈਚ ਕਰਵਾਉਣ ਦੀ ਪੂਰੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।"
ESPNcricinfo ਦੀ ਰਿਪੋਰਟ ਦੇ ਅਨੁਸਾਰ, ਐਡੀਲੇਡ ਓਵਲ ਨੂੰ ਲਗਾਤਾਰ ਦੋ ਟੈਸਟ, ਇੱਕ ਡੇ-ਨਾਈਟ ਟੈਸਟ ਮੈਚ ਅਤੇ ਇੱਕ ਬਾਕਸਿੰਗ ਡੇ ਟੈਸਟ ਮੈਚ ਦੀ ਮੇਜ਼ਬਾਨੀ ਕਰਨੀ ਸੀ.
ਡਬਲਯੂਏ ਦੇ ਸਰਕਾਰੀ ਪ੍ਰੀਮੀਅਰ ਮਾਰਕ ਮੈਕਗੌਨ ਨੇ ਕਿਹਾ, "ਸਾਨੂੰ ਨਹੀਂ ਲਗਦਾ ਕਿ ਇਕ ਟੀਮ ਇਕ ਜੋਖਮ ਭਰੀ ਜਗ੍ਹਾ ਤੋਂ ਆਵੇ ਅਤੇ ਫਿਰ ਕੁਆਰੰਟੀਨ ਤੋਂ ਬਾਹਰ ਜਾਕੇ ਆਮ ਸਥਿਤੀ ਵਾਂਗ ਟ੍ਰੇਨਿੰਗ ਵਿਚ ਹਿੱਸਾ ਲਵੇ ਅਤੇ ਫਿਰ ਮੈਚ ਖੇਡਣ ਲਈ ਕਿਸੇ ਹੋਰ ਰਾਜ ਵਿਚ ਜਾਵੇ. ਇਹ ਸਹੀ ਨਹੀਂ ਹੋਵੇਗਾ।"
ਉਨ੍ਹਾਂ ਕਿਹਾ, “ਕ੍ਰਿਕਟ ਆਸਟਰੇਲੀਆ ਨੇ ਜੋ ਮਾਡਲ ਬਣਾਇਆ ਹੈ ਉਸ ਵਿੱਚ ਬਹੁਤ ਜ਼ਿਆਦਾ ਜੋਖਮ ਹੈ। ਸਾਨੂੰ ਚੌਕਸ ਰਹਿਣਾ ਚਾਹੀਦਾ ਹੈ ਅਤੇ ਸਹੀ ਕੰਮ ਕਰਨੇ ਚਾਹੀਦੇ ਹਨ ਅਤੇ ਗੈਰ-ਜ਼ਰੂਰੀ ਜੋਖਮ ਨਹੀਂ ਲੈਣੇ ਚਾਹੀਦਾ।”
ਬੀਸੀਸੀਆਈ ਨੇ ਕ੍ਰਿਕਟ ਆਸਟਰੇਲੀਆ ਨੂੰ ਅਪੀਲ ਕੀਤੀ ਕਿ ਉਹ ਭਾਰਤੀ ਖਿਡਾਰੀਆਂ ਨੂੰ ਬਾਇਓ ਬੱਬਲ ਵਿੱਚ ਟ੍ਰੇਨਿੰਗ ਦੇਣ ਦੀ ਆਗਿਆ ਦੇਣ, ਪਰ ਪਰਥ ਵਿੱਚ ਇਹ ਸੰਭਵ ਨਹੀਂ ਹੈ।
ਸੀਏ ਦੇ ਪ੍ਰਵਕਤਾ ਨੇ ਕਿਹਾ, "ਸਾਨੂੰ ਡਬਲਯੂਏ ਸਰਕਾਰ ਦੀ ਸਖਤ ਕਵਾਰੰਟੀਨ ਸਥਿਤੀ ਅਤੇ ਸੀਮਾਵਾਂ ਉੱਤੇ ਕੀਤੇ ਪ੍ਰਬੰਧਾਂ ਉੱਤੇ ਧਿਆਨ ਦੇਣ ਦੀ ਲੋੜ ਹੈ।"
ਉਹਨਾਂ ਕਿਹਾ, “ਆਸਟਰੇਲੀਆ ਦੇ ਖਿਡਾਰੀ ਇੰਗਲੈਂਡ ਤੋਂ ਵਾਪਸੀ ਤੋਂ ਬਾਅਦ ਪਰਥ ਵਿਚ ਕਵਾਰੰਟੀਨ ਨਹੀਂ ਹੋਣਗੇ।”
ਆਸਟਰੇਲੀਆਈ ਟੀਮ ਇਸ ਸਮੇਂ ਇੰਗਲੈਂਡ ਵਿਚ ਹੈ ਜਿਥੇ ਉਹ ਤਿੰਨ ਮੈਚਾਂ ਦੀ ਟੀ -20 ਸੀਰੀਜ਼ ਅਤੇ ਵਨਡੇ ਸੀਰੀਜ਼ ਖੇਡ ਰਹੀ ਹੈ।