IND A vs AUS A : ਆਸਟਰੇਲੀਆ ਏ ਖਿਲਾਫ ਦੋਵਾਂ ਪਾਰੀਆਂ ਵਿਚ ਫਲਾੱਪ ਹੋਏ ਸ਼ੁਭਮਨ ਗਿੱਲ, ਵੱਧ ਸਕਦੀ ਹੈ ਟੀਮ ਇੰਡੀਆ ਦੀ ਮੁਸ਼ਕਲ

ਯੁਵਾ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਆਸਟ੍ਰੇਲੀਆ ਏ ਦੇ ਖਿਲਾਫ ਸਿਡਨੀ ਦੇ ਡਰਾਮੋਨੇ ਓਵਲ ਵਿਖੇ ਖੇਡੇ ਜਾ ਰਹੇ ਪਹਿਲੇ ਅਭਿਆਸ ਮੈਚ ਦੀਆਂ ਦੋਵੇਂ ਪਾਰੀਆਂ ਵਿੱਚ ਫਲਾਪ ਹੋ ਗਏ। ਗਿੱਲ ਪਹਿਲੀ ਪਾਰੀ ਵਿਚ ਖਾਤਾ ਵੀ ਨਹੀਂ ਖੋਲ੍ਹ ਸਕੇ ਅਤੇ ਦੂਸਰੀ ਪਾਰੀ ਵਿਚ ਸਿਰਫ 29 ਦੌੜਾਂ ਹੀ ਬਣਾ ਸਕੇ। ਦੂਜੀ ਪਾਰੀ ਵਿਚ ਚੰਗੀ ਸ਼ੁਰੂਆਤ ਕਰਨ ਤੋਂ ਬਾਅਦ ਉਹ ਮਾੜਾ ਸ਼ਾਟ ਖੇਡ ਕੇ ਆਉਟ ਹੋ ਗਏ।

ਇਹ ਸ਼ੁਭਮਨ ਗਿੱਲ ਦੁਆਰਾ ਫਰਸਟ ਕਲਾਸ ਮੈਚ ਵਿਚ ਇੰਡੀਆ ਏ ਲਈ ਬਣਾਇਆ ਗਿਆ ਸਭ ਤੋਂ ਘੱਟ ਸਕੋਰ ਹੈ। ਗਿੱਲ ਨੇ ਪਿਛਲੇ 8 ਮੈਚਾਂ ਵਿੱਚੋਂ 7 ਵਿੱਚ 50+ ਦੀ ਪਾਰੀ ਖੇਡੀ ਹੈ।

ਸ਼ੁਭਮਨ ਗਿੱਲ ਨੇ ਭਾਰਤ ਏ ਲਈ ਖੇਡਦੇ ਹੋਏ 76,85 ਦੀ ਔਸਤ ਨਾਲ 999 ਦੌੜਾਂ ਬਣਾਈਆਂ ਹਨ। ਇੰਡੀਆ ਏ ਦੇ ਲਈ ਖੇਡਦੇ ਹੋਏ ਫਰਸਟ ਕਲਾਸ ਕ੍ਰਿਕਟ ਵਿਚ ਸਭ ਤੋਂ ਵਧੀਆ ਔਸਤ ਦੇ ਮਾਮਲੇ ਵਿਚ ਉਹਨਾਂ ਤੋਂ ਅੱਗੇ ਸਿਰਫ ਐਸ ਬਦਰੀਨਾਥ ਹਨ, ਜਿਹਨਾਂ ਨੇ ਭਾਰਤ ਏ ਲਈ 213 ਦੀ ਔਸਤ ਨਾਲ 852 ਦੌੜਾਂ ਬਣਾਈਆਂ ਹਨ।

ਗਿੱਲ ਦਾ ਫੌਰਮ ਭਾਰਤੀ ਟੀਮ ਲਈ ਚਿੰਤਾ ਦਾ ਕਾਰਨ ਬਣ ਸਕਦਾ ਹੈ। ਉਹ 17 ਦਸੰਬਰ ਤੋਂ ਆਸਟਰੇਲੀਆ ਖ਼ਿਲਾਫ਼ ਸ਼ੁਰੂ ਹੋਣ ਜਾ ਰਹੀ ਚਾਰ ਮੈਚਾਂ ਦੀ ਟੈਸਟ ਸੀਰੀਜ਼ ਵਿਚ ਓਪਨਿੰਗ ਕਰਨ ਦਾ ਮੁੱਖ ਦਾਅਵੇਦਾਰ ਹੈ। ਰੋਹਿਤ ਸ਼ਰਮਾ ਪਹਿਲੇ ਦੋ ਟੈਸਟ ਮੈਚਾਂ ਵਿਚ ਨਹੀਂ ਖੇਡਣਗੇ। ਅਜਿਹੀ ਸਥਿਤੀ ਵਿੱਚ ਸ਼ੁਭਮਨ ਗਿੱਲ ਜਾਂ ਪ੍ਰਿਥਵੀ ਸ਼ਾਅ ਮਯੰਕ ਅਗਰਵਾਲ ਨਾਲ ਪਾਰੀ ਦੀ ਸ਼ੁਰੂਆਤ ਕਰ ਸਕਦੇ ਹਨ।

ਹਾਲਾਂਕਿ, ਪ੍ਰਿਥਵੀ ਵੀ ਅਭਿਆਸ ਮੈਚ ਦੀਆਂ ਦੋਵੇਂ ਪਾਰੀਆਂ ਵਿੱਚ ਫਲਾਪ ਹੋ ਗਏ। ਸ਼ਾਅ ਨੇ ਪਹਿਲੀ ਪਾਰੀ 'ਚ 0 ਅਤੇ ਦੂਜੀ ਪਾਰੀ' ਚ ਸਿਰਫ 19 ਦੌੜਾਂ ਬਣਾਈਆੰ।