Syed Mushtaq Ali Trophy: ਇਕ ਵਾਰ ਫਿਰ ਕ੍ਰਿਕਟ ਦੇ ਮੈਦਾਨ 'ਤੇ ਦੌੜੇਗੀ 'ਕੇਰਲ ਐਕਸਪ੍ਰੈਸ', ਸੰਜੂ ਸੈਮਸਨ ਦੀ ਕਪਤਾਨੀ' ਚ ਖੇਡਣਗੇ ਸ਼੍ਰੀਸੰਤ
ਭਾਰਤ ਦੇ ਤੇਜ਼ ਗੇਂਦਬਾਜ਼ ਐੱਸ. ਸ਼੍ਰੀਸੰਤ ਆਉਣ ਵਾਲੀ ਸਯਦ ਮੁਸ਼ਤਾਕ ਅਲੀ ਟੀ 20 ਟਰਾਫੀ ਵਿੱਚ ਕੇਰਲਾ ਟੀਮ ਦਾ ਹਿੱਸਾ ਹਨ। ਸ੍ਰੀਸੰਤ ਲਗਭਗ ਅੱਠ ਸਾਲਾਂ ਦੇ ਅੰਤਰਾਲ ਤੋਂ ਬਾਅਦ ਕ੍ਰਿਕਟ ਦੇ ਮੈਦਾਨ ਵਿੱਚ ਪਰਤਣਗੇ। ਕੇਰਲ ਦੀ ਟੀਮ ਨੇ 10 ਜਨਵਰੀ ਤੋਂ ਸ਼ੁਰੂ ਹੋਣ ਵਾਲੀ ਟੀ -20 ਲੜੀ ਲਈ 15 ਮੈਂਬਰੀ ਟੀਮ ਦਾ ਐਲਾਨ ਕੀਤਾ ਹੈ।
ਸੰਜੂ ਸੈਮਸਨ ਕੇਰਲ ਦੀ ਟੀਮ ਦੀ ਅਗਵਾਈ ਕਰਨਗੇ, ਜਦਕਿ ਸਚਿਨ ਬੇਬੀ ਨੂੰ ਉਪ ਕਪਤਾਨ ਬਣਾਇਆ ਗਿਆ ਹੈ। ਸ਼੍ਰੀਸੰਤ, ਸੈਮਸਨ ਅਤੇ ਬੇਬੀ ਤੋਂ ਇਲਾਵਾ ਕੇਰਲ ਦੀ ਟੀਮ ਵਿੱਚ ਬੇਸਿਲ ਥੰਪੀ, ਜਲਜ ਸਕਸੈਨਾ, ਰੋਬਿਨ ਉਥੱਪਾ, ਵਿਸ਼ਨੂੰ ਵਿਨੋਦ, ਸਲਮਾਨ ਨਿਜ਼ਰ, ਨਿਦੇਸ਼ ਐਮਡੀ ਅਤੇ ਕੇ ਐਮ ਆਸਿਫ ਸ਼ਾਮਲ ਹਨ।
ਐਸ ਸ਼੍ਰੀਸੰਤ ਨੇ ਆਪਣੀ ਵਾਪਸੀ ਤੇ ਖੁਸ਼ੀ ਜ਼ਾਹਰ ਕੀਤੀ ਅਤੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ, 'ਇਕ ਟੁੱਟੇ ਆਦਮੀ ਤੋਂ ਜਿਆਦਾ ਮਜ਼ਬੂਤ ਹੋਰ ਕੋਈ ਨਹੀਂ ਹੁੰਦਾ, ਇਕ ਆਦਮੀ ਜਿਸਨੇ ਆਪਣੇ ਆਪ ਨੂੰ ਦੁਬਾਰਾ ਬਣਾਇਆ ਹੈ। ਸਾਰਿਆਂ ਦਾ ਸਮਰਥਨ ਅਤੇ ਪਿਆਰ ਲਈ ਤਹਿ ਦਿਲੋਂ ਧੰਨਵਾਦ।'
ਦੱਸ ਦੇਈਏ ਕਿ ਸ਼੍ਰੀਸੰਥ ਨੇ ਆਖਰੀ ਮੈਚ 9 ਮਈ, 2013 ਨੂੰ ਕਿੰਗਜ਼ ਇਲੈਵਨ ਪੰਜਾਬ ਖਿਲਾਫ ਖੇਡਿਆ ਸੀ।
ਐੱਸ. ਸ਼੍ਰੀਸੰਤ ਉਸ ਸਮੇਂ ਤੋਂ ਬਾਅਦ ਕਿਸੇ ਮੁਕਾਬਲੇ ਵਾਲੇ ਮੈਚ ਵਿੱਚ ਗੇਂਦਬਾਜ਼ੀ ਕਰਦੇ ਨਹੀਂ ਵੇਖੇ ਗਏ ਹਨ। ਐੱਸ. ਸ਼੍ਰੀਸੰਤ 'ਤੇ ਆਈਪੀਐਲ ਦੌਰਾਨ ਪਾਬੰਦੀ ਲਗਾਈ ਗਈ ਸੀ।ਇਸ ਸਮੇਂ, ਪਾਬੰਦੀ ਹਟਾਏ ਜਾਣ ਤੋਂ ਬਾਅਦ ਉਹ ਪ੍ਰਤੀਯੋਗੀ ਕ੍ਰਿਕਟ ਵਿਚ ਵਾਪਸੀ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਅਜਿਹੀ ਸਥਿਤੀ ਵਿਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕੀ ਉਹ ਕ੍ਰਿਕਟ ਦੀ ਦੁਨੀਆ ਵਿਚ ਫਿਰ ਆਪਣੀ ਛਾਪ ਛੱਡ ਪਾਂਦਾ ਹੈ ਜਾਂ ਨਹੀਂ।