ਇਹ ਹਨ 17 ਦਸੰਬਰ ਦੀਆਂ ਟਾੱਪ-5 ਕ੍ਰਿਕਟ ਖਬਰਾਂ, ਭਾਰਤ ਨੇ ਜਿੱਤਿਆ ਨੇਤਰਹੀਣ ਵਿਸ਼ਵ ਕੱਪ
Top-5 Cricket News of the Day : 17 ਦਸੰਬਰ ਦੇ ਦਿਨ ਕ੍ਰਿਕਟ ਦੇ ਮੈਦਾਨ ਦੇ ਅੰਦਰ ਅਤੇ ਬਾਹਰ ਕੀ ਕੀ ਹੋਇਆ? ਤੁਸੀਂ ਦਿਨ ਦੀਆਂ ਸਾਰੀਆਂ ਖਬਰਾਂ ਜਾਣਨ ਲਈ ਬੇਤਾਬ ਹੋਵੋਗੇ ਤਾਂ ਇਸ ਲਈ ਅਸੀਂ ਲੈ ਕੇ ਆਏ ਹਾਂ ਕ੍ਰਿਕਟ ਦੀਆਂ ਟਾੱਪ 5 ਖਬਰਾਂ।
1. ਜੇਕਰ ਤੁਸੀਂ ਭਾਰਤੀ ਕ੍ਰਿਕਟ ਪ੍ਰੇਮੀ ਹੋ ਤਾਂ ਤੁਹਾਡੇ ਲਈ ਇੱਕ ਵੱਡੀ ਖੁਸ਼ਖਬਰੀ ਹੈ। ਭਾਰਤ ਨੇ ਨੇਤਰਹੀਣ ਟੀ-20 ਵਿਸ਼ਵ ਕੱਪ 2022 ਜਿੱਤ ਲਿਆ ਹੈ। ਟੀਮ ਇੰਡਿਆ ਨੇ ਤੀਜੀ ਵਾਰ ਇਹ ਖਿਤਾਬ ਜਿੱਤ ਕੇ ਇਤਿਹਾਸ ਰੱਚਿਆ ਹੈ।
2. ਆਸਟਰੇਲੀਆ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਸ਼ਨੀਵਾਰ ਨੂੰ ਪਹਿਲੇ ਟੈਸਟ ਦੇ ਪਹਿਲੇ ਦਿਨ ਗੇਂਦਬਾਜ਼ਾਂ ਦਾ ਦਬਦਬਾ ਰਿਹਾ। ਦੱਖਣੀ ਅਫਰੀਕਾ ਦੀ ਟੀਮ 152 ਦੌੜਾਂ 'ਤੇ ਆਊਟ ਹੋ ਗਈ, ਜਦਕਿ ਆਸਟ੍ਰੇਲੀਆ ਨੇ ਸਟੰਪ ਤੱਕ 145 ਦੌੜਾਂ 'ਤੇ ਆਪਣੀਆਂ ਪੰਜ ਵਿਕਟਾਂ ਗੁਆ ਦਿੱਤੀਆਂ। ਆਸਟਰੇਲੀਆ ਅਜੇ ਵੀ ਪਹਿਲੀ ਪਾਰੀ ਵਿੱਚ ਸੱਤ ਦੌੜਾਂ ਪਿੱਛੇ ਹੈ। ਆਸਟ੍ਰੇਲੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਫੀਲਡਿੰਗ ਕਰਨ ਦਾ ਫੈਸਲਾ ਕੀਤਾ। ਤੇਜ਼ ਗੇਂਦਬਾਜ਼ ਮਿਸ਼ੇਲ ਸਟਾਰਕ ਅਤੇ ਆਫ ਸਪਿਨਰ ਨਾਥਨ ਲਿਓਨ ਨੇ ਤਿੰਨ-ਤਿੰਨ ਵਿਕਟਾਂ ਲੈ ਕੇ ਦੱਖਣੀ ਅਫਰੀਕਾ ਨੂੰ 48.2 ਓਵਰਾਂ 'ਚ 152 ਦੌੜਾਂ 'ਤੇ ਢੇਰ ਕਰ ਦਿੱਤਾ। ਦੱਖਣੀ ਅਫਰੀਕਾ ਲਈ ਕਾਇਲ ਵੇਰੇਨ ਨੇ 96 ਗੇਂਦਾਂ 'ਚ ਅੱਠ ਚੌਕਿਆਂ ਅਤੇ ਇਕ ਛੱਕੇ ਦੀ ਮਦਦ ਨਾਲ 64 ਦੌੜਾਂ ਬਣਾਈਆਂ ਜਦਕਿ ਟੇਂਬਾ ਬਾਵੁਮਾ ਨੇ 70 ਗੇਂਦਾਂ 'ਚ 38 ਦੌੜਾਂ ਦਾ ਯੋਗਦਾਨ ਦਿੱਤਾ।
3. ਬਾੰਗਲਾਦੇਸ਼ ਦੇ ਓਪਨਰ ਜ਼ਾਕਿਰ ਹਸਨ ਨੇ ਭਾਰਤ ਖਿਲਾਫ ਆਪਣੇ ਡੈਬਿਯੂ ਮੈਚ ਵਿਚ ਸੇਂਚੁਰੀ ਲਗਾ ਕੇ ਇਤਿਹਾਸ ਰਚ ਦਿੱਤਾ ਹੈ। ਉਹ ਬੰਗਲਾਦੇਸ਼ ਦੇ ਸਿਰਫ ਚੌਥੇ ਬੱਲੇਬਾਜ਼ ਹਨ ਜਿਨ੍ਹਾਂ ਨੇ ਆਪਣੇ ਪਹਿਲੇ ਟੈਸਟ 'ਚ ਸੈਂਕੜਾ ਲਗਾਇਆ ਹੈ। ਜ਼ਾਕਿਰ ਤੋਂ ਪਹਿਲਾਂ ਸਿਰਫ ਤਿੰਨ ਬੰਗਲਾਦੇਸ਼ੀ ਬੱਲੇਬਾਜ਼ ਇਹ ਕਾਰਨਾਮਾ ਕਰ ਸਕੇ ਸਨ ਅਤੇ ਉਨ੍ਹਾਂ ਤਿੰਨ ਖਿਡਾਰੀਆਂ ਦੇ ਨਾਂ ਹਨ ਅਨੀਮੁਲ ਇਸਲਾਮ, ਮੁਹੰਮਦ ਅਸ਼ਰਫੁਲ ਅਤੇ ਅਬੁਲ ਹਸਨ। ਇਸ ਤੋਂ ਇਲਾਵਾ ਜ਼ਾਕਿਰ ਬੰਗਲਾਦੇਸ਼ ਲਈ ਡੈਬਿਊ ਟੈਸਟ ਮੈਚ 'ਚ ਸੈਂਕੜਾ ਲਗਾਉਣ ਵਾਲੇ ਪਹਿਲੇ ਸਲਾਮੀ ਬੱਲੇਬਾਜ਼ ਵੀ ਹਨ।
4. PSL 2023 ਦੇ ਲਾਈਵ ਡਰਾਫਟ ਈਵੈਂਟ ਵਿੱਚ ਪਹਿਲਾਂ ਲਾਈਟਾਂ ਬੰਦ ਹੋ ਗਈਆਂ ਅਤੇ ਉਸੇ ਸਮੇਂ ਐਂਕਰ ਦਾ ਮਾਈਕ ਵੀ ਬੰਦ ਹੋ ਗਿਆ। ਪ੍ਰੋਡਕਸ਼ਨ ਟੀਮ ਦੀ ਇਸ ਵੱਡੀ ਗਲਤੀ ਕਾਰਨ ਇਸ ਸਮਾਗਮ ਦੇ ਪ੍ਰਬੰਧਾਂ 'ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ। ਇਸ ਦੇ ਨਾਲ ਹੀ ਦੁਨੀਆ ਭਰ ਦੇ ਪ੍ਰਸ਼ੰਸਕ ਇੱਕ ਵਾਰ ਫਿਰ ਪਾਕਿਸਤਾਨ ਦਾ ਮਜ਼ਾਕ ਉਡਾ ਰਹੇ ਹਨ। ਕਈ ਪ੍ਰਸ਼ੰਸਕ ਰਮੀਜ਼ ਰਾਜਾ ਦਾ ਮਜ਼ਾਕ ਉਡਾਉਂਦੇ ਹੋਏ ਕਹਿ ਰਹੇ ਹਨ ਕਿ ਸ਼ਾਇਦ ਪਾਕਿਸਤਾਨ ਨੇ ਚੀਨ ਦਾ ਕਰਜ਼ਾ ਨਹੀਂ ਮੋੜਿਆ, ਇਸ ਲਈ ਲਾਈਟਾਂ ਕੱਟ ਦਿੱਤੀਆਂ ਗਈਆਂ ਹਨ।
5. ਆਸਟ੍ਰੇਲੀਆ ਅਤੇ ਦੱਖਣੀ ਅਫਰੀਕਾ ਦੇ ਵਿਚ ਪਹਿਲਾ ਟੈਸਟ ਗਾਬਾ ਦੇ ਮੈਦਾਨ ਤੇ ਖੇਡਿਆ ਜਾ ਰਿਹਾ ਹੈ। ਅਫਰੀਕੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕੀਤੀ ਅਤੇ ਉਹਨਾਂ ਦੀ ਪਾਰੀ ਦੇ ਦੌਰਾਨ ਕਈ ਮਜ਼ਾਕੀਆ ਪਲ ਆਏ ਪਰ ਇਸ ਦੌਰਾਨ ਇਕ ਦਿਲਚਸਪ ਘਟਨਾ ਵੀ ਸਾਹਮਣੇ ਆਈ। ਰਿਕੀ ਪੋਂਟਿੰਗ ਕੁਮੈਂਟਰੀ ਬਾਕਸ ਵਿੱਚ ਸਨ ਅਤੇ ਇੱਕ ਵਾਰ ਫਿਰ ਉਨ੍ਹਾਂ ਨੇ ਇੱਕ ਭਵਿੱਖਬਾਣੀ ਕੀਤੀ ਜੋ ਬਿਲਕੁਲ ਸਹੀ ਨਿਕਲੀ। ਪੰਟਰ ਨੇ ਇੱਕ ਗੇਂਦ ਦੀ ਪਹਿਲਾਂ ਹੀ ਭਵਿੱਖਬਾਣੀ ਕਰ ਦਿੱਤੀ ਸੀ ਕਿ ਮਾਰਕੋ ਜੈਨਸਨ ਗੇਂਦ ਨੂੰ ਹਵਾ ਵਿਚ ਮਾਰ ਕੇ ਆਊਟ ਹੋਣ ਵਾਲਾ ਹੈ।