ਇਹ ਹਨ 17 ਸਤੰਬਰ ਦੀਆਂ ਟਾੱਪ-5 ਕ੍ਰਿਕਟ ਖਬਰਾਂ, ਨਾਥਨ ਲਿਉਨ ਨੇ ਕੀਤੀ ਵੱਡੀ ਭੱਵਿਖਬਾਣੀ

Top-5  Cricket News of the Day : 17 ਸਤੰਬਰ ਦੇ ਦਿਨ ਕ੍ਰਿਕਟ ਮੈਦਾਨ ਦੇ ਅੰਦਰ ਅਤੇ ਬਾਹਰ ਬਹੁਤ ਕੁਝ ਹੋਇਆ? ਤੁਸੀਂ ਦਿਨ ਦੀਆਂ ਸਾਰੀਆਂ ਖਬਰਾਂ ਜਾਣਨ ਲਈ ਬੇਤਾਬ ਹੋਵੋਗੇ ਤਾਂ ਇਸ ਲਈ ਅਸੀਂ ਲੈ ਕੇ ਆਏ ਹਾਂ ਕ੍ਰਿਕਟ ਦੀਆਂ ਟਾੱਪ 5 ਖਬਰਾਂ।

1. ਆਸਟ੍ਰੇਲੀਆ ਦੇ ਮਹਾਨ ਆਫ ਸਪਿਨਰ ਨਾਥਨ ਲਿਓਨ ਨੇ ਇਸ ਸਾਲ ਦੇ ਅੰਤ 'ਚ ਹੋਣ ਵਾਲੀ ਬਾਰਡਰ ਗਾਵਸਕਰ ਟਰਾਫੀ ਤੋਂ ਪਹਿਲਾਂ ਇਕ ਦਲੇਰਾਨਾ ਭਵਿੱਖਬਾਣੀ ਕੀਤੀ ਹੈ। ਲਿਉਨ ਨੇ ਕਿਹਾ ਹੈ ਕਿ ਮੇਜ਼ਬਾਨ ਟੀਮ ਬਾਰਡਰ ਗਾਵਸਕਰ ਟਰਾਫੀ 'ਚ ਟੀਮ ਇੰਡੀਆ ਨੂੰ ਕਲੀਨ ਸਵੀਪ ਕਰੇਗੀ। ਭਾਰਤੀ ਟੀਮ 2018-19 ਅਤੇ 2020-21 'ਚ ਆਸਟ੍ਰੇਲੀਆ ਖਿਲਾਫ ਮਸ਼ਹੂਰ ਸੀਰੀਜ਼ ਜਿੱਤਾਂ ਸਮੇਤ ਪਿਛਲੇ 10 ਸਾਲਾਂ ਤੋਂ ਖਿਤਾਬ ਬਰਕਰਾਰ ਰੱਖਣ 'ਚ ਸਫਲ ਰਹੀ ਹੈ।

2. ਪਾਕਿਸਤਾਨ ਵਿੱਚ ਚੱਲ ਰਹੇ ਚੈਂਪੀਅਨਜ਼ ਵਨ-ਡੇ ਕੱਪ 2024 ਵਿੱਚ ਲਾਇਨਜ਼ ਲਈ ਖੇਡ ਰਹੇ ਇਮਾਮ-ਉਲ-ਹੱਕ ਨੇ ਪੈਂਥਰਜ਼ ਖ਼ਿਲਾਫ਼ ਸ਼ਾਨਦਾਰ ਅਰਧ ਸੈਂਕੜਾ ਲਗਾਇਆ। ਉਨ੍ਹਾਂ ਨੇ 62 ਗੇਂਦਾਂ 'ਚ 60 ਦੌੜਾਂ ਬਣਾਈਆਂ ਪਰ ਜਦੋਂ ਉਹ ਸ਼ਾਦਾਬ ਖਾਨ ਦੀ ਗੇਂਦ 'ਤੇ ਆਊਟ ਹੋਏ ਤਾਂ ਉਹ ਖੁਦ ਤੋਂ ਕਾਫੀ ਪਰੇਸ਼ਾਨ ਨਜ਼ਰ ਆਏ ਅਤੇ ਇਸ ਤੋਂ ਬਾਅਦ ਆਮ ਤੌਰ 'ਤੇ ਸ਼ਾਂਤ ਰਹਿਣ ਵਾਲੇ ਇਮਾਮ ਦਾ ਗੁੱਸਾ ਡਰੈਸਿੰਗ ਰੂਮ 'ਚ ਵੀ ਦੇਖਣ ਨੂੰ ਮਿਲਿਆ।

3. ਮਹਾਨ ਭਾਰਤੀ ਕ੍ਰਿਕਟਰ ਸਚਿਨ ਤੇਂਦੁਲਕਰ ਦੇ ਬੇਟੇ ਅਤੇ ਆਲਰਾਊਂਡਰ ਅਰਜੁਨ ਤੇਂਦੁਲਕਰ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਕਾਰਨ ਸੁਰਖੀਆਂ 'ਚ ਆ ਗਏ ਹਨ। ਅਰਜੁਨ ਨੇ ਡਾ. (ਕਪਤਾਨ) ਕੇ ਥਿੰਪੀਆ ਮੈਮੋਰੀਅਲ ਟੂਰਨਾਮੈਂਟ, ਜਿਸ ਨੂੰ ਕੇਐਸਸੀਏ ਇਨਵੀਟੇਸ਼ਨਲ ਵੀ ਕਿਹਾ ਜਾਂਦਾ ਹੈ, ਵਿੱਚ ਕੇਐਸਸੀਏ ਇਲੈਵਨ ਉੱਤੇ ਗੋਆ ਦੀ ਜਿੱਤ ਵਿੱਚ ਨੌਂ ਵਿਕਟਾਂ ਲਈਆਂ। ਇਸ ਮੈਚ ਵਿੱਚ ਇਸ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਨੇ ਦੋ ਪਾਰੀਆਂ ਵਿੱਚ 9/96 ਦੇ ਅੰਕੜੇ ਦਰਜ ਕੀਤੇ ਅਤੇ ਆਪਣੀ ਟੀਮ ਨੂੰ ਇੱਕ ਪਾਰੀ ਅਤੇ 96 ਦੌੜਾਂ ਨਾਲ ਜਿੱਤ ਦਿਵਾਈ।

4. ਕੀ ਰੋਹਿਤ ਸ਼ਰਮਾ IPL 2025 'ਚ ਮੁੰਬਈ ਇੰਡੀਅਨਜ਼ ਲਈ ਖੇਡਣਗੇ ਜਾਂ ਨਹੀਂ? ਇਸ 'ਤੇ ਹਰ ਕੋਈ ਆਪਣੀ ਪ੍ਰਤੀਕਿਰਿਆ ਪ੍ਰਗਟ ਕਰ ਰਿਹਾ ਹੈ। ਹੁਣ ਇਸ ਸੂਚੀ 'ਚ ਸਾਬਕਾ ਕ੍ਰਿਕਟਰ ਅਤੇ ਕੁਮੈਂਟੇਟਰ ਆਕਾਸ਼ ਚੋਪੜਾ ਦਾ ਨਾਂ ਵੀ ਸ਼ਾਮਲ ਹੋ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਮੈਨੂੰ ਲੱਗਦਾ ਹੈ ਕਿ ਸ਼ਾਇਦ ਉਹ ਮੁੰਬਈ ਲਈ ਇਸ ਸੀਜ਼ਨ ਵਿਚ ਆਈਪੀਐਲ ਨਹੀਂ ਖੇਡਣਗੇ।

Also Read: Funding To Save Test Cricket

5. ਸ਼੍ਰੀਲੰਕਾ ਦੇ ਯੁਵਾ ਆਲਰਾਊਂਡਰ ਡੁਨਿਥ ਵੇਲਾਲਾਗੇ ਨੇ ਅਗਸਤ ਮਹੀਨੇ ਲਈ ਪਲੇਅਰ ਆਫ ਦਿ ਮੰਥ ਦਾ ਅਵਾਰਡ ਜਿੱਤ ਲਿਆ ਹੈ। ਅੰਤਰਰਾਸ਼ਟਰੀ ਕ੍ਰਿਕੇਟ ਪਰਿਸ਼ਦ (ICC) ਨੇ ਅਗਸਤ 2024 ਲਈ Dunith Vellage ਅਤੇ Harshitha Samarawickrama ਨੂੰ ICC ਪਲੇਅਰਸ ਆਫ ਦਿ ਮੰਥ ਚੁਣਿਆ ਹੈ।