ਇਹ ਹਨ 2 ਜੁਲਾਈ ਦੀਆਂ ਟਾੱਪ-5 ਕ੍ਰਿਕਟ ਖਬਰਾਂ, ਦੂਜਾ ਐਸ਼ੇਜ ਟੈਸਟ ਰੋਮਾੰਚਕ ਮੋੜ੍ਹ ਤੇ ਪਹੁੰਚਿਆ
Top-5 Cricket News of the Day : 2 ਜੁਲਾਈ ਦੇ ਦਿਨ ਕ੍ਰਿਕਟ ਮੈਦਾਨ ਦੇ ਅੰਦਰ ਅਤੇ ਬਾਹਰ ਬਹੁਤ ਕੁਝ ਹੋਇਆ? ਤੁਸੀਂ ਦਿਨ ਦੀਆਂ ਸਾਰੀਆਂ ਖਬਰਾਂ ਜਾਣਨ ਲਈ ਬੇਤਾਬ ਹੋਵੋਗੇ ਤਾਂ ਇਸ ਲਈ ਅਸੀਂ ਲੈ ਕੇ ਆਏ ਹਾਂ ਕ੍ਰਿਕਟ ਦੀਆਂ ਟਾੱਪ 5 ਖਬਰਾਂ।
1. ਕੇਵਿਨ ਪੀਟਰਸਨ ਨੇ ਨਾਥਨ ਲਾਯਨ ਨੂੰ ਲੈ ਕੇ ਅਜਿਹਾ ਬਿਆਨ ਦਿੱਤਾ ਸੀ, ਜਿਸ ਕਾਰਨ ਉਹ ਸੁਰਖੀਆਂ 'ਚ ਆ ਗਏ ਹਨ। ਪੀਟਰਸਨ ਨੇ ਕਿਹਾ ਹੈ ਕਿ ਆਸਟਰੇਲੀਆ ਨੇ ਲਾਯਨ ਨੂੰ ਇਸ ਉਮੀਦ ਵਿੱਚ ਬੱਲੇਬਾਜ਼ੀ ਲਈ ਭੇਜਿਆ ਸੀ ਕਿ ਜੇਕਰ ਉਸਨੂੰ ਬਾਊਂਸਰ ਲੱਗ ਜਾਂਦਾ ਹੈ ਤਾਂ ਉਸ ਕੋਲ ਕਨਕਸ਼ਨ ਸਬਟਿਟਯੂਟ ਦਾ ਵਿਕਲਪ ਹੋਵੇਗਾ। ਹੁਣ ਲਾਯਨ ਨੇ ਪੀਟਰਸਨ ਦੇ ਇਸ ਬਿਆਨ 'ਤੇ ਪਲਟਵਾਰ ਕਰਦੇ ਹੋਏ ਪੀਟਰਸਨ ਨੂੰ ਤਾੜਨਾ ਕੀਤੀ ਹੈ। ਲਾਯਨ ਨੇ ਕਿਹਾ ਕਿ ਉਸਨੂੰ ਇਹ ਦਲੀਲ ਬੇਬੁਨਿਆਦ ਲੱਗੀ ਕਿਉਂਕਿ ਉਸਨੇ ਸਿਰ ਦੀ ਸੱਟ ਕਾਰਨ ਇੱਕ ਦੋਸਤ ਨੂੰ ਗੁਆ ਦਿੱਤਾ ਹੈ।
2. ਆਈਸੀਸੀ ਕ੍ਰਿਕਟ ਵਿਸ਼ਵ ਕੱਪ ਕੁਆਲੀਫਾਇਰ 2023 ਵਿੱਚ ਸਕਾਟਲੈਂਡ ਦੀ ਟੀਮ ਨੇ ਬੀਤੀ ਸ਼ਾਮ ਵੈਸਟਇੰਡੀਜ਼ ਨੂੰ 7 ਵਿਕਟਾਂ ਨਾਲ ਹਰਾ ਕੇ ਵੱਡਾ ਉਲਟਫੇਰ ਕੀਤਾ। ਕੈਰੇਬੀਆਈ ਟੀਮ ਨੂੰ ਨਿਰਾਸ਼ਾਜਨਕ ਹਾਰ ਮਿਲੀ ਜਿਸ ਤੋਂ ਬਾਅਦ ਹੁਣ ਉਸ ਦਾ ਆਉਣ ਵਾਲੇ ਵਿਸ਼ਵ ਕੱਪ ਲਈ ਕੁਆਲੀਫਾਈ ਕਰਨ ਦਾ ਸੁਪਨਾ ਵੀ ਚਕਨਾਚੂਰ ਹੋ ਗਿਆ ਹੈ।
3. ਦੂਜੈ ਐਸ਼ੇਜ ਟੈਸਟ ਦੇ ਚੌਥੇ ਦਿਨ ਮਿਚੇਲ ਸਟਾਰਕ ਦੇ ਕੈਚ ਨੂੰ ਅਵੈਧ ਮੰਨਦੇ ਹੋਏ ਤੀਜੇ ਅੰਪਾਇਰ ਨੇ ਡਕੇਟ ਨੂੰ ਨਾਟ ਆਊਟ ਦਿੱਤਾ। ਤੀਜੇ ਅੰਪਾਇਰ ਦੇ ਇਸ ਫੈਸਲੇ ਨੂੰ ਦੇਖ ਕੇ ਆਸਟ੍ਰੇਲੀਆਈ ਖਿਡਾਰੀਆਂ ਨੂੰ ਯਕੀਨ ਨਹੀਂ ਹੋਇਆ ਅਤੇ ਦਿਨ ਦੀ ਖੇਡ ਖਤਮ ਹੋਣ ਤੋਂ ਬਾਅਦ ਵੀ ਉਹ ਮੈਦਾਨੀ ਅੰਪਾਇਰਾਂ ਨਾਲ ਬਹਿਸ ਕਰਦੇ ਨਜ਼ਰ ਆਏ। ਹੁਣ ਆਸਟ੍ਰੇਲੀਆ ਦੇ ਕਈ ਸਾਬਕਾ ਦਿੱਗਜ ਵੀ ਇਸ ਘਟਨਾ 'ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰਦੇ ਨਜ਼ਰ ਆ ਰਹੇ ਹਨ। ਥਰਡ ਅੰਪਾਇਰ ਦੇ ਇਸ ਫੈਸਲੇ 'ਤੇ ਆਸਟਰੇਲੀਆ ਦੇ ਸਾਬਕਾ ਮਹਾਨ ਗੇਂਦਬਾਜ਼ ਗਲੇਨ ਮੈਕਗ੍ਰਾ ਕਾਫੀ ਗੁੱਸੇ 'ਚ ਆ ਗਏ ਅਤੇ ਉਨ੍ਹਾਂ ਨੇ ਇਸ ਫੈਸਲੇ ਨੂੰ ਬਕਵਾਸ ਕਰਾਰ ਦਿੱਤਾ।
4. ਸਈਦ ਅਜਮਲ ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਮਹਾਨ ਸਪਿਨ ਗੇਂਦਬਾਜ਼ਾਂ ਵਿੱਚੋਂ ਇੱਕ ਸਨ ਪਰ ਸਾਲ 2014 ਵਿੱਚ ਅਜਮਲ ਦੇ ਵਿਵਾਦਤ ਐਕਸ਼ਨ ਕਾਰਨ ਆਈਸੀਸੀ ਨੇ ਉਸ ਉੱਤੇ ਪਾਬੰਦੀ ਲਗਾ ਦਿੱਤੀ ਸੀ। ਹੁਣ ਇਸ ਪਾਕਿਸਤਾਨੀ ਖਿਡਾਰੀ ਨੇ ਆਪਣਾ ਦਿਲ ਖੋਲ੍ਹ ਦਿੱਤਾ ਹੈ। ਦਰਅਸਲ, ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸਾਬਕਾ ਸਪਿਨ ਗੇਂਦਬਾਜ਼ ਸਈਦ ਅਜਮਲ ਨੇ ਵੱਡਾ ਦਾਅਵਾ ਕੀਤਾ ਹੈ। ਸਈਦ ਅਜਮਲ ਦਾ ਮੰਨਣਾ ਹੈ ਕਿ ਜੇਕਰ ਉਹ ਭਾਰਤੀ ਖਿਡਾਰੀ ਹੁੰਦਾ ਤਾਂ ਅੱਜ ਉਸ ਦੇ ਨਾਂ ਹਜ਼ਾਰ ਵਿਕਟਾਂ ਹੁੰਦੀਆਂ।
Also Read: Cricket Tales
5. ਵੈਸਟਇੰਡੀਜ਼ ਨੂੰ ਬਾਹਰ ਕੀਤੇ ਜਾਣ ਕਾਰਨ ਕ੍ਰਿਕਟ ਪ੍ਰਸ਼ੰਸਕ ਨਿਰਾਸ਼ ਹਨ ਜਦਕਿ ਕੁਝ ਆਲੋਚਕ ਇਸ ਟੀਮ ਦੀ ਆਲੋਚਨਾ ਵੀ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਅਤੇ ਲਖਨਊ ਸੁਪਰਜਾਇੰਟਸ ਦੇ ਮੈਂਟਰ ਗੌਤਮ ਗੰਭੀਰ ਨੇ ਇਸ ਟੀਮ ਦਾ ਜ਼ੋਰਦਾਰ ਸਮਰਥਨ ਕੀਤਾ ਹੈ। ਗੰਭੀਰ ਨੇ ਕਿਹਾ ਹੈ ਕਿ ਉਹ ਵੈਸਟਇੰਡੀਜ਼ ਅਤੇ ਵੈਸਟਇੰਡੀਜ਼ ਕ੍ਰਿਕਟ ਨੂੰ ਬਹੁਤ ਪਿਆਰ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਯਕੀਨ ਹੈ ਕਿ ਇਹ ਟੀਮ ਅਜੇ ਵੀ ਦੁਨੀਆ ਦੀ ਨੰਬਰ ਇਕ ਟੀਮ ਬਣ ਸਕਦੀ ਹੈ।