0 ਤੇ ਆਊਟ ਹੋਇਆ 'ਤਾਂ ਕੀ ਹੋਇਆ, 'ਰਾਜ ਅੰਗਦ ਬਾਵਾ' ਨੂੰ 'ਫਲਾਵਰ' ਨਾ ਸਮਝੋ

IPL 2022: ਪੰਜਾਬ ਕਿੰਗਜ਼ (PBKS) ਨੇ ਆਪਣੇ ਪਹਿਲੇ ਮੈਚ ਵਿੱਚ ਰਾਇਲ ਚੈਲੰਜਰਜ਼ ਬੰਗਲੌਰ (RCB) ਨੂੰ 5 ਵਿਕਟਾਂ ਨਾਲ ਹਰਾ ਕੇ ਟੂਰਨਾਮੈਂਟ ਦੀ ਜੇਤੂ ਸ਼ੁਰੂਆਤ ਕੀਤੀ। ਬੈਂਗਲੁਰੂ ਦੀਆਂ 205 ਦੌੜਾਂ ਦੇ ਜਵਾਬ 'ਚ ਪੰਜਾਬ ਨੇ 19ਵੇਂ ਓਵਰ 'ਚ ਹੀ ਟੀਚਾ ਹਾਸਲ ਕਰ ਲਿਆ। ਪੰਜਾਬ ਨੇ ਬੇਸ਼ੱਕ ਇਸ ਮੈਚ 'ਚ ਆਸਾਨ ਜਿੱਤ ਦਰਜ ਕੀਤੀ ਪਰ ਨੌਜਵਾਨ ਅੰਡਰ-19 ਸਟਾਰ ਰਾਜ ਅੰਗਦ ਬਾਵਾ ਦੇ ਜ਼ੀਰੋ 'ਤੇ ਆਊਟ ਹੋਣ ਨਾਲ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ਾ ਹੋਈ।

ਬਾਵਾ ਆਲਰਾਊਂਡਰ ਹੈ ਪਰ ਆਪਣੇ ਪਹਿਲੇ ਮੈਚ 'ਚ ਗੇਂਦਬਾਜ਼ੀ ਕਰਨ ਦਾ ਮੌਕਾ ਨਹੀਂ ਮਿਲਿਆ। ਪਰ ਜਦੋਂ ਉਸ ਨੂੰ ਬੱਲੇਬਾਜ਼ੀ ਦਾ ਮੌਕਾ ਮਿਲਿਆ ਤਾਂ ਉਹ ਪਹਿਲੀ ਹੀ ਗੇਂਦ 'ਤੇ ਐਲਬੀਡਬਲਿਊ ਆਊਟ ਹੋ ਗਿਆ। ਅਜਿਹੇ 'ਚ ਇਸ ਨੌਜਵਾਨ ਖਿਡਾਰੀ ਦੇ ਚਿਹਰੇ 'ਤੇ ਨਿਰਾਸ਼ਾ ਸਾਫ ਦੇਖੀ ਜਾ ਸਕਦੀ ਸੀ। ਇਸ ਦੇ ਨਾਲ ਹੀ 0 ਦੌੜਾਂ 'ਤੇ ਆਊਟ ਹੋਣ ਦੇ ਬਾਵਜੂਦ ਕਪਤਾਨ ਮਯੰਕ ਅਗਰਵਾਲ ਬਾਵਾ ਦੀ ਪਿੱਠ ਥਪਥਪਾਉਂਦੇ ਨਜ਼ਰ ਆਏ।

ਜੇਕਰ ਤੁਸੀਂ ਰਾਜ ਅੰਗਦ ਬਾਵਾ ਬਾਰੇ ਜ਼ਿਆਦਾ ਨਹੀਂ ਜਾਣਦੇ ਹੋ ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਇਸ ਨੌਜਵਾਨ ਖਿਡਾਰੀ ਨੇ ਹਾਲ ਹੀ 'ਚ ਖਤਮ ਹੋਏ ਅੰਡਰ-19 ਵਿਸ਼ਵ ਕੱਪ 'ਚ ਸਭ ਤੋਂ ਤੇਜ਼ ਸੈਂਕੜਾ ਲਗਾ ਕੇ ਪੂਰੀ ਦੁਨੀਆ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਸੀ। ਇਸ ਤੋਂ ਇਲਾਵਾ ਇਸ ਨੌਜਵਾਨ ਖਿਡਾਰੀ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਗੇਂਦ ਅਤੇ ਬੱਲੇ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਜਿਸ ਕਾਰਨ ਉਸ ਨੂੰ ਆਈ.ਪੀ.ਐੱਲ.ਵਿਚ ਪੰਜਾਬ ਨੇ ਖਰੀਦਿਆ।

ਬੇਸ਼ੱਕ ਉਹ ਆਪਣੇ ਆਈਪੀਐਲ ਡੈਬਿਊ ਵਿੱਚ ਫਲਾਪ ਰਿਹਾ ਹੋਵੇ, ਪਰ ਜੇਕਰ ਤੁਸੀਂ ਵੀ ਇਸ ਖਿਡਾਰੀ ਨੂੰ ਫਲਾਵਰ ਸਮਝ ਰਹੇ ਹੋ ਤਾਂ ਤੁਸੀਂ ਇੱਕ ਵੱਡੀ ਗਲਤੀ ਕਰ ਰਹੇ ਹੋ। ਜੇਕਰ ਇਸ ਟੂਰਨਾਮੈਂਟ ਵਿੱਚ ਆਉਣ ਵਾਲੇ ਕੁਝ ਮੈਚਾਂ ਵਿੱਚ ਤੁਹਾਨੂੰ ਰਾਜ ਬਾਵਾ ਦਾ ਸ਼ਾਨਦਾਰ ਪ੍ਰਦਰਸ਼ਨ ਦੇਖਣ ਨੂੰ ਮਿਲੇ ਤਾਂ ਕੋਈ ਅਤਿਕਥਨੀ ਨਹੀਂ ਹੋਵੇਗੀ। ਇਸ ਲਈ ਇਸ ਖਿਡਾਰੀ ਬਾਰੇ ਕੋਈ ਰਾਏ ਬਣਾਉਣ ਤੋਂ ਪਹਿਲਾਂ ਸਾਨੂੰ ਉਸ ਨੂੰ ਕੁਝ ਮੈਚਾਂ ਵਿਚ ਮੌਕਾ ਦੇਣਾ ਹੋਵੇਗਾ ਅਤੇ ਫਿਰ ਸ਼ਾਇਦ ਸਾਨੂੰ ਖੁਦ ਹੀ ਜਵਾਬ ਮਿਲ ਜਾਵੇਗਾ।