ਮਹਿਲਾ ਨੇ ਲਗਾਇਆ ਬਾਬਰ ਆਜਮ 'ਤੇ 'ਸ਼ਾਰੀਰਿਕ ਸ਼ੋਸ਼ਣ' ਦਾ ਇਲਜ਼ਾਮ, 10 ਸਾਲ ਪਹਿਲਾਂ ਕੀਤਾ ਸੀ ਵਿਆਹ ਦਾ ਵਾਅਦਾ ਕੀਤਾ, ਦੇਖੋ VIDEO
ਪਾਕਿਸਤਾਨ ਦੇ ਕਪਤਾਨ ਅਤੇ ਸਟਾਰ ਬੱਲੇਬਾਜ਼ ਬਾਬਰ ਆਜ਼ਮ ਬਾਰੇ ਇਕ ਹੈਰਾਨ ਕਰਨ ਵਾਲੀ ਖ਼ਬਰ ਆ ਰਹੀ ਹੈ। ਇਕ ਮਹਿਲਾ ਨੇ ਬਾਬਰ 'ਤੇ ਸ਼ਾਰੀਰਿਕ ਸ਼ੋਸ਼ਣ ਦਾ ਆਰੋਪ ਲਗਾਇਆ ਹੈ। ਮਹਿਲਾ ਨੇ ਕਿਹਾ ਹੈ ਕਿ ਬਾਬਰ ਨੇ ਉਸ ਨੂੰ 10 ਸਾਲਾਂ ਤੋਂ ਆਪਣੀ ਲਾਲਸਾ ਦਾ ਸ਼ਿਕਾਰ ਬਣਾਇਆ।
ਸ਼ਨੀਵਾਰ ਨੂੰ, ਇਸ ਮਹਿਲਾ ਨੇ ਇੱਕ ਪ੍ਰੈਸ ਕਾਨਫਰੰਸ ਕੀਤੀ ਅਤੇ ਕਿਹਾ ਕਿ ਬਾਬਰ ਆਜ਼ਮ ਨੇ ਉਸ ਨਾਲ ਸ਼ਾਰੀਰਿਕ ਸ਼ੋਸ਼ਣ ਕੀਤਾ ਹੈ। ਮਹਿਲਾ ਨੇ ਕਿਹਾ ਕਿ ਉਸਨੇ ਮਾੜੇ ਸਮੇਂ ਵਿੱਚ ਬਾਬਰ ਦਾ ਸਾਥ ਦਿੱਤਾ ਅਤੇ ਵਿੱਤੀ ਸਹਾਇਤਾ ਵੀ ਕੀਤੀ ਸੀ।
ਇਸ ਮਹਿਲਾ ਨੇ ਆਪਣਾ ਨਾਮ ਹਮੀਜਾ ਦੱਸਿਆ ਹੈ।
ਹਮੀਜਾ ਨੇ ਅੱਗੇ ਖੁਲਾਸਾ ਕੀਤਾ ਕਿ ਉਹ ਦੋਵੇਂ ਸਕੂਲ ਵਿੱਚ ਦੋਸਤ ਸਨ। ਬਾਬਰ ਨੇ ਉਸਨੂੰ 2010 ਵਿੱਚ ਵਿਆਹ ਲਈ ਪ੍ਰਪੋਜ ਕੀਤਾ ਸੀ. ਹਮੀਜਾ ਨੇ ਇਲਜਾਮ ਲਗਾਉਂਦੇ ਹੋਏ ਇਹ ਵੀ ਕਿਹਾ ਕਿ ਬਾਬਰ ਨੇ 2012 ਅੰਡਰ -19 ਵਰਲਡ ਕੱਪ ਵਿਚ ਪਾਕਿਸਤਾਨ ਦੀ ਟੀਮ ਦੀ ਕਪਤਾਨੀ ਕਰਨ ਅਤੇ ਪਾਕਿਸਤਾਨ ਦੀ ਰਾਸ਼ਟਰੀ ਟੀਮ ਵਿਚ ਜਗ੍ਹਾ ਮਿਲਣ ਤੋਂ ਬਾਅਦ ਆਪਣਾ ਮਨ ਬਦਲ ਲਿਆ।
ਇਸ ਤੋਂ ਇਲਾਵਾ, ਇਕ ਹੋਰ ਖੁਲਾਸਾ ਕਰਦਿਆਂ ਮਹਿਲਾ ਨੇ ਕਿਹਾ ਕਿ ਪੁਲਿਸ ਕੋਲ ਜਾਣ ਤੋਂ ਪਹਿਲਾਂ ਬਾਬਰ ਨੇ ਉਸਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ। ਨਾਲ ਹੀ ਬਾਬਰ ਉਸ ਨੂੰ ਕੁੱਟਦਾ ਸੀ। ਮਹਿਲਾ ਨੇ ਦਾਅਵਾ ਕੀਤਾ ਕਿ ਉਹ ਬਾਬਰ ਦਾ ਖਰਚਾ ਵੀ ਚੁੱਕਦੀ ਸੀ।
ਫਿਲਹਾਲ ਇਨ੍ਹਾਂ ਦੋਸ਼ਾਂ ਬਾਰੇ ਬਾਬਰ ਆਜ਼ਮ ਅਤੇ ਪਾਕਿਸਤਾਨ ਕ੍ਰਿਕਟ ਬੋਰਡ ਵੱਲੋਂ ਕੋਈ ਪ੍ਰਤੀਕ੍ਰਿਆ ਨਹੀਂ ਆਈ ਹੈ।
ਦੱਸ ਦਈਏ ਕਿ ਬਾਬਰ ਇਸ ਸਮੇਂ ਨਿਉਜ਼ੀਲੈਂਡ ਦੇ ਦੌਰੇ 'ਤੇ ਹਨ। ਜਿੱਥੇ ਪਾਕਿਸਤਾਨ ਦੀ ਟੀਮ ਉਸਦੀ ਕਪਤਾਨੀ ਹੇਠਾਂ ਟੀ -20 ਅਤੇ ਟੈਸਟ ਸੀਰੀਜ਼ ਖੇਡੇਗੀ। ਫਿਲਹਾਲ ਉਹ ਪਾਕਿਸਤਾਨ ਦੀ ਟੀਮ ਨਾਲ ਕਵਾਰੰਟੀਨ ਵਿਚ ਹੈ।