ਬ੍ਰਾਵੋ ਬ੍ਰਦਰਜ਼ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਕਾਰਣ ਬੁੱਧਵਾਰ ਨੂੰ ਕੁਈਨਜ਼ ਪਾਰਕ ਓਵਲ ਸਟੇਡੀਅਮ ਵਿੱਚ ਖੇਡੇ ਗਏ ਕੈਰੇਬੀਅਨ ਪ੍ਰੀਮੀਅਰ ਲੀਗ (ਸੀਪੀਐਲ) 2020 ਦੇ 13 ਵੇਂ ਮੈਚ ਵਿੱਚ ਟ੍ਰਿਨਬਾਗੋ ਨਾਈਟ ਰਾਈਡਰਜ਼ ਨੇ ਸੇਂਟ ਲੂਸੀਆ ਜੌਕਸ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਟੂਰਨਾਮੇਂਟ ਵਿਚ ਆਪਣੀ ਚੌਥੀ ਜਿੱਤ ਦਰਜ ਕਰ ਲਈ। ਬਾਰਸ਼ ਨਾਲ ਪ੍ਰਭਾਵਿਤ ਇਸ ਮੈਚ ਵਿੱਚ, ਡੱਕਵਰਥ ਲੁਈਸ ਨਿਯਮ ਦੇ ਅਨੁਸਾਰ, ਨਾਈਟ ਰਾਈਡਰਜ਼ ਨੂੰ 9 ਓਵਰਾਂ ਵਿੱਚ 72 ਦੌੜਾਂ ਦਾ ਟੀਚਾ ਮਿਲੀਆ ਸੀ, ਜਿਸ ਨੂੰ ਟੀਮ ਨੇ ਇੱਕ ਓਵਰ ਬਾਕੀ ਰਹਿੰਦੇ ਹੋਏ ਹਾਸਲ ਕਰ ਲਿਆ। ਇਹ ਹੁਣ ਤੱਕ ਚਾਰ ਮੈਚਾਂ ਵਿੱਚ ਨਾਈਟ ਰਾਈਡਰਜ਼ ਦੀ ਲਗਾਤਾਰ ਚੌਥੀ ਜਿੱਤ ਹੈ। ਡਵੇਨ ਬ੍ਰਾਵੋ ਨੂੰ ਉਹਨਾਂ ਦੀ ਸ਼ਾਨਦਾਰ ਗੇਂਦਬਾਜ਼ੀ ਲਈ ਮੈਨ ਆਫ ਦਿ ਮੈਚ ਚੁਣਿਆ ਗਿਆ।
ਲਗਾਤਾਰ ਤਿੰਨ ਜਿੱਤਾਂ ਤੋਂ ਬਾਅਦ ਇਸ ਸੀਜ਼ਨ ਵਿਚ ਸੇਂਟ ਲੂਸੀਆ ਜੌਕਸ ਦੀ ਇਹ ਦੂਜੀ ਹਾਰ ਹੈ. ਜਦੋਂ ਮੀਂਹ ਕਾਰਨ ਖੇਡ ਨੂੰ ਰੋਕਿਆ ਗਿਆ, ਸੇਂਟ ਲੂਸੀਆ ਦਾ ਸਕੋਰ 17.1 ਓਵਰਾਂ ਵਿਚ 6 ਵਿਕਟਾਂ ਦੇ ਨੁਕਸਾਨ 'ਤੇ 111 ਸੀ.
ਟਾੱਸ ਹਾਰਨ ਤੋਂ ਬਾਅਦ ਬੱਲੇਬਾਜ਼ੀ ਕਰਦਿਆਂ ਟੀਮ ਦੀ ਸ਼ੁਰੂਆਤ ਖਰਾਬ ਰਹੀ ਅਤੇ ਉਨ੍ਹਾਂ ਦੀਆਂ ਤਿੰਨ ਵਿਕਟਾਂ ਪਾਵਰਪਲੇ ਦੇ ਅੰਦਰ ਡਿੱਗ ਗਈਆਂ। ਜਿਸ ਵਿਚੋਂ ਦੋ ਵਿਕਟ ਡਵੇਨ ਬ੍ਰਾਵੋ ਨੇ ਲਏ। ਇਸ ਦੌਰਾਨ ਉਹ ਟੀ-20 ਕ੍ਰਿਕਟ ਵਿਚ 500 ਵਿਕਟਾਂ ਪੂਰੀਆਂ ਕਰਨ ਵਾਲੇ ਪਹਿਲੇ ਖਿਡਾਰੀ ਵੀ ਬਣ ਗਏ। ਫਿਰ ਨਜੀਬੁੱਲਾ (21) ਨੇ ਮਾਰਕ ਡੇਯਲ ਨਾਲ ਚੌਥੀ ਵਿਕਟ ਦੀ ਸਾਂਝੇਦਾਰੀ ਕੀਤੀ, ਪਰ ਭਾਰਤ ਦੇ 48 ਸਾਲਾ ਸਪਿੰਨਰ ਪ੍ਰਵੀਨ ਤਾਂਬੇ ਦੀ ਗੇਂਦ 'ਤੇ ਵੱਡਾ ਸ਼ਾੱਟ ਲਗਾਉਣ ਦੇ ਚਕਰ ਵਿਚ ਉਹ ਕੀਰਨ ਪੋਲਾਰਡ ਨੇ ਕੈਚ ਦੇ ਬੈਠੇ.
ਜਦੋਂ ਮੀਂਹ ਆਇਆ ਤਾਂ ਆਲਰਾਉਂਡਰ ਮੁਹੰਮਦ ਨਬੀ 22 ਗੇਂਦਾਂ ਵਿਚ 30 ਦੌੜ੍ਹਾਂ ਬਣਾ ਕੇ ਅਜੇਤੂ ਰਹੇ। ਡਵੇਨ ਬ੍ਰਾਵੋ ਨੇ ਨਾਈਟ ਰਾਈਡਰਜ਼ ਲਈ 3 ਓਵਰਾਂ ਵਿਚ ਸਿਰਫ 7 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ। ਇਸ ਤੋਂ ਇਲਾਵਾ ਅਲੀ ਖਾਨ, ਖੈਰੀ ਪਿਅਰੇ, ਫਵਾਦ ਅਹਿਮਦ ਅਤੇ ਪ੍ਰਵੀਨ ਤੰਬੇ ਨੇ 1-1 ਵਿਕਟ ਹਾਸਲ ਕੀਤੇ।
ਜਦੋਂ ਨਾਈਟ ਰਾਈਡਰਜ਼ ਟੀਚੇ ਦਾ ਪਿੱਛਾ ਕਰਨ ਲਈ ਉਤਰੇ ਤਾਂ ਨਬੀ ਨੇ ਗੇਂਦਬਾਜ਼ੀ ਕਰਦਿਆਂ ਪਹਿਲੇ ਹੀ ਓਵਰ ਵਿਚ ਲੈਂਡਲ ਸਿਮੰਸ ਨੂੰ ਪੈਵੇਲੀਅਨ ਭੇਜ ਦਿੱਤਾ. ਫਿਰ ਕੇਸਰਿਕ ਵਿਲੀਅਮਜ਼ ਨੇ ਟਾਇਨ ਵੈਬਸਟਰ (5) ਅਤੇ ਕੋਲਿਨ ਮੁਨਰੋ (17) ਨੂੰ ਆਉਟ ਕਰਕੇ ਨਾਈਟ ਰਾਈਡਰਜ਼ ਨੂੰ ਦੋਹਰਾ ਝਟਕਾ ਦਿੱਤਾ.
ਇਸ ਤੋਂ ਬਾਅਦ ਕੇਮਾਰ ਹੋਲਡਰ ਨੇ ਕੀਰਨ ਪੋਲਾਰਡ ਨੂੰ ਆਪਣਾ ਸ਼ਿਕਾਰ ਬਣਾ ਕੇ ਟੀਮ ਨੂੰ ਮੁਸੀਬਤ ਵਿੱਚ ਪਾ ਦਿੱਤਾ। ਪਰ ਇਸਦੇ ਬਾਅਦ ਡੈਰੇਨ ਬ੍ਰਾਵੋ ਨੇ 13 ਗੇਂਦਾਂ ਵਿੱਚ ਨਾਬਾਦ 23 ਦੌੜਾਂ ਬਣਾਈਆਂ ਅਤੇ ਟੀਮ ਸਿਫ਼ਰਫਟ ਨੇ 16 ਗੇਂਦਾਂ ਵਿੱਚ 15 ਦੌੜਾਂ ਬਣਾ ਕੇ ਨਾਈਟ ਰਾਈਡਰਜ਼ ਨੂੰ 6 ਵਿਕਟਾਂ ਨਾਲ ਜਿੱਤ ਦਿਵਾ ਦਿੱਤੀ।