ਸੱਯਦ ਮੁਸ਼ਤਾਕ ਅਲੀ ਟਰਾਫੀ: ਦੀਪਕ ਹੁੱਡਾ ਨੇ ਟੂਰਨਾਮੈਂਟ ਤੋਂ ਨਾਮ ਲਿਆ ਵਾਪਸ, ਕ੍ਰੂਨਲ ਪਾਂਡਿਆੇ ਤੇ ਲਗਾਏ ਗੰਭੀਰ ਦੋਸ਼

ਸੱਯਦ ਮੁਸ਼ਤਾਕ ਅਲੀ 2021: ਸੱਯਦ ਮੁਸ਼ਤਾਕ ਅਲੀ ਟੀ 20 ਟਰਾਫੀ ਸ਼ੁਰੂ ਹੋਣ ਤੋਂ ਠੀਕ ਪਹਿਲਾਂ ਇਕ ਨਵਾਂ ਵਿਵਾਦ ਪੈਦਾ ਹੋ ਗਿਆ ਹੈ। ਬੜੌਦਾ ਟੀਮ ਦੇ ਖਿਡਾਰੀ ਅਤੇ ਉਪ ਕਪਤਾਨ ਦੀਪਕ ਹੁੱਡਾ ਨੇ ਟੀਮ ਦੇ ਕਪਤਾਨ ਅਤੇ ਹਾਰਦਿਕ ਪਾਂਡਿਆ ਦੇ ਭਰਾ ਕ੍ਰੂਨਲ ਪਾਂਡਿਆ ਖਿਲਾਫ ਗੰਭੀਰ ਦੋਸ਼ ਲਗਾਏ ਹਨ। ਖਬਰਾਂ ਅਨੁਸਾਰ ਦੀਪਕ ਹੁੱਡਾ ਨੇ ਕ੍ਰੁਨਲ ਪਾਂਡਿਆ ਦੇ ਬੁਰੇ ਵਿਵਹਾਰ ਕਾਰਨ ਸਯਦ ਮੁਸ਼ਤਾਕ ਅਲੀ ਟੀ 20 ਟਰਾਫੀ ਤੋਂ ਆਪਣਾ ਨਾਮ ਵਾਪਸ ਲੈ ਲਿਆ ਹੈ।

ਦੀਪਕ ਹੁੱਡਾ ਨੇ ਇਸ ਸਾਰੇ ਮਾਮਲੇ ‘ਤੇ ਬੜੌਦਾ ਕ੍ਰਿਕਟ ਐਸੋਸੀਏਸ਼ਨ ਨੂੰ ਇੱਕ ਪੱਤਰ ਵਿੱਚ ਲਿਖਿਆ,‘ ਮੈਂ ਪਿਛਲੇ 11 ਸਾਲਾਂ ਤੋਂ ਬੜੌਦਾ ਲਈ ਕ੍ਰਿਕਟ ਖੇਡ ਰਿਹਾ ਹਾਂ। ਇਸ ਸਮੇਂ ਮੇਰੀ ਚੋਣ ਸੱਯਦ ਮੁਸ਼ਤਾਕ ਅਲੀ ਟਰਾਫੀ ਲਈ ਕੀਤੀ ਗਈ। ਮੈਂ ਡਰਦਾ ਹਾਂ, ਉਦਾਸ ਹਾਂ ਅਤੇ ਦਬਾਅ ਹੇਠਾਂ ਹਾਂ. ਪਿਛਲੇ ਕੁਝ ਦਿਨਾਂ ਤੋਂ ਅਤੇ ਖ਼ਾਸਕਰ ਪਿਛਲੇ ਦੋ ਦਿਨਾਂ ਤੋਂ, ਮੇਰੀ ਟੀਮ ਦਾ ਕਪਤਾਨ ਕ੍ਰੂਨਲ ਪਾਂਡਿਆ ਟੀਮ ਦੇ ਸਾਥੀਆਂ ਦੇ ਸਾਹਮਣੇ ਮੈਨੂੰ ਗਾਲਾਂ ਕੱਢ ਰਿਹਾ ਹੈ ਅਤੇ ਦੂਜੀ ਟੀਮ ਨੂੰ ਵੀ ਗਾਲਾਂ ਕੱਢਦਾ ਹੈ।

ਰਿਪੋਰਟਾਂ ਅਨੁਸਾਰ ਦੀਪਕ ਹੁੱਡਾ ਨੂੰ 10 ਜਨਵਰੀ ਨੂੰ ਪਹਿਲੇ ਮੈਚ ਵਿੱਚ ਉਪ ਕਪਤਾਨ ਹੋਣ ਦੇ ਬਾਵਜੂਦ 17 ਮੈਂਬਰੀ ਟੀਮ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਸੀ।

ਦੀਪਕ ਹੁੱਡਾ ਬੜੌਦਾ ਦਾ ਸਭ ਤੋਂ ਤਜਰਬੇਕਾਰ ਖਿਡਾਰੀ ਹੈ, ਇਸ ਲਈ ਉਸ ਦੀ ਘਾਟ ਟੀਮ ਨੂੰ ਪਰੇਸ਼ਾਨ ਕਰ ਸਕਦੀ ਹੈ। ਹੁੱਡਾ ਨੇ ਬੜ੍ਹੌਦਾ ਲਈ 46 ਫਰਸਟ ਕਲਾਸ, 68 ਲਿਸਟ ਏ ਮੈਚਾਂ ਅਤੇ 123 ਟੀ 20 ਮੈਚਾਂ ਦੀ ਨੁਮਾਇੰਦਗੀ ਕੀਤੀ ਹੈ।