ਦਿੱਲੀ ਕੈਪਿਟਲਸ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) 2020 ਲਈ ਆਪਣੀ ਨਵੀਂ ਜਰਸੀ ਲਾਂਚ ਕੀਤੀ ਹੈ। ਆਈਪੀਐਲ, ਵਿਸ਼ਵ ਦੀ ਸਭ ਤੋਂ ਵੱਡੀ ਟੀ -20 ਲੀਗ, 19 ਸਤੰਬਰ ਤੋਂ ਯੂਏਈ ਵਿਚ ਖੇਡੀ ਜਾਣੀ ਹੈ, ਹਾਲਾਂਕਿ ਇਸ ਦੇ ਪੂਰੇ ਸ਼ੈਡਯੂਲ ਦੀ ਘੋਸ਼ਣਾ ਅਜੇ ਬਾਕੀ ਹੈ.
ਦਿੱਲੀ ਕੈਪਿਟਲਸ ਨੇ ਆਪਣੀ ਨਿਉ ਜਰਸੀ ਦੀ ਤਸਵੀਰ ਨੂੰ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ 'ਤੇ ਸ਼ੇਅਰ ਕੀਤਾ ਹੈ। ਨੀਲੇ ਜਰਸੀ ਦੇ ਮੱਧ ਵਿਚ ਤਿੰਨ ਬਾਘਾਂ ਦਾ ਵਾਟਰਮਾਰਕ ਹੈ.
ਦਿੱਲੀ ਕੈਪਿਟਲਸ ਨੇ ਆਈਪੀਐਲ 2020 ਲਈ ਜ਼ੋਰਦਾਰ ਟ੍ਰੇਨਿੰਗ ਸ਼ੁਰੂ ਕੀਤੀ ਹੈ. ਕੋਚ ਰਿੱਕੀ ਪੋਟਿੰਗ ਅਤੇ ਸ਼੍ਰੇਅਸ ਅਈਅਰ ਦੀ ਕਪਤਾਨੀ ਹੇਠਾਂ, ਦਿੱਲੀ ਕੈਪਿਟਲਸ ਨੇਪਿਛਲੇ ਸੀਜ਼ਨ ਵਿੱਚ ਪਲੇਆਫ ਤੱਕ ਦਾ ਸਫ਼ਰ ਤੈਅ ਕੀਤਾ ਸੀ। ਸੱਤ ਸਾਲ ਬਾਅਦ, ਟੀਮ ਨੇ ਚੋਟੀ ਦੇ -4 ਵਿੱਚ ਜਗ੍ਹਾ ਬਣਾਈ ਸੀ.
ਅਈਅਰ ਨੇ ਪ੍ਰਿਥਵੀ ਸ਼ਾੱ ਅਤੇ ਰਿਸ਼ਭ ਪੰਤ ਵਰਗੇ ਵਿਸਫੋਟਕ ਅਤੇ ਨੌਜਵਾਨ ਬੱਲੇਬਾਜ਼ਾਂ ਨਾਲ ਦਿੱਲੀ ਦੀ ਕਪਤਾਨੀ ਕੀਤੀ। ਇਸ ਦੇ ਨਾਲ ਹੀ ਟੀਮ ਕੋਲ ਭਾਰਤੀ ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ ਦਾ ਮਹੱਤਵਪੂਰਣ ਤਜ਼ਰਬਾ ਹੈ। ਭਾਰਤੀ ਟੈਸਟ ਟੀਮ ਦੇ ਉਪ ਕਪਤਾਨ ਅਜਿੰਕਿਆ ਰਹਾਣੇ ਅਤੇ ਦਿੱਗਜ ਸਪਿੰਨਰ ਰਵੀਚੰਦਰਨ ਅਸ਼ਵਿਨ ਨੂੰ ਵੀ ਇਸ ਵਾਰ ਟੀਮ ਚ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਨਾਲ ਟੀਮ ਇਸ ਸੀਜ਼ਨ ਵਿਚ ਕਾਫੀ ਮਜ਼ਬੂਤ ਨਜਰ ਆ ਰਹੀ ਹੈ।
ਦੱਸ ਦੇਈਏ ਕਿ ਐਤਵਾਰ (6 ਸਤੰਬਰ) ਨੂੰ, ਬੀਸੀਸੀਆਈ ਆਈਪੀਐਲ 2020 ਦੇ ਸ਼ੈਡਯੂਲ ਦਾ ਐਲਾਨ ਕਰੇਗੀ। ਇਸ ਦੀ ਪੁਸ਼ਟੀ ਟੂਰਨਾਮੈਂਟ ਦੇ ਚੇਅਰਮੈਨ ਬ੍ਰਜੇਸ਼ ਪਟੇਲ ਨੇ ਕੀਤੀ ਹੈ।