Aus Vs Ind: ਆਸਟਰੇਲੀਆ ਨੇ ਬਾਕਸਿੰਗ ਡੇਅ ਟੈਸਟ ਤੋਂ ਪਹਿਲਾਂ ਖੇਡੀ ਵੱਡੀ ਚਾਲ, ਸ਼੍ਰੀਲੰਕਾ ਦੇ ਇਸ ਸਪਿਨਰ ਦੀ ਲਈ ਮਦਦ
ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ ਦੂਜੇ ਟੈਸਟ ਮੈਚ ਤੋਂ ਪਹਿਲਾਂ ਆਸਟਰੇਲੀਆ ਨੇ ਵੱਡਾ ਦਾਅ ਖੇਡਿਆ ਹੈ। ਬਾਕਸਿੰਗ ਡੇ ਟੇਸਟ ਤੋਂ ਪਹਿਲਾਂ ਕੰਗਾਰੂ ਟੀਮ ਨੇ ਸ਼੍ਰੀਲੰਕਾ ਦੇ ਸਪਿਨਰ ਸੂਰਜ ਰਣਦੀਵ ਦੀ ਮਦਦ ਲਈ ਹੈ। ਸ਼੍ਰੀਲੰਕਾ ਦੇ ਮਸ਼ਹੂਰ ਸਪਿਨਰ ਸੂਰਜ ਰਣਦੀਵ ਦੂਜੇ ਟੈਸਟ ਦੀ ਸ਼ੁਰੂਆਤ ਤੋਂ ਪਹਿਲਾਂ ਆਸਟਰੇਲੀਆ ਦੇ ਬੱਲੇਬਾਜ਼ਾਂ ਨੂੰ ਨੈਟ ਵਿੱਚ ਗੇਂਦਬਾਜ਼ੀ ਕਰਦੇ ਵੇਖਿਆ ਗਿਆ ਹੈ।
ਸੂਰਜ ਰਣਦੀਵ ਦੀ ਮੌਜੂਦਗੀ ਆਸਟਰੇਲੀਆਈ ਬੱਲੇਬਾਜ਼ਾਂ ਨੂੰ ਜ਼ਰੂਰ ਮਦਦ ਕਰ ਸਕਦੀ ਹੈ। ਜਸਟਿਨ ਲੈਂਗਰ ਅਤੇ ਆਸਟਰੇਲੀਆਈ ਟੀਮ ਚੰਗੀ ਤਰ੍ਹਾਂ ਜਾਣਦੀ ਹੈ ਕਿ ਦੂਜੇ ਟੈਸਟ ਵਿੱਚ, ਸੰਭਾਵਨਾ ਹੈ ਕਿ ਟੀਮ ਇੰਡੀਆ ਆਪਣੇ ਦੋਵੇਂ ਸਪਿਨਰਾਂ ਰਵੀਚੰਦਰਨ ਅਸ਼ਿਨਿਨ ਅਤੇ ਰਵਿੰਦਰ ਜਡੇਜਾ ਨਾਲ ਮੈਦਾਨ ਉੱਤੇ ਉਤਰੇ, ਇਸ ਲਈ ਏਸ਼ੀਆਈ ਪੱਧਰ ਦੇ ਗੇਂਦਬਾਜ਼ ਨੂੰ ਕੁਝ ਹੱਦ ਤਕ ਨੈੱਟ ‘ਤੇ ਖੇਡਣਾ, ਕੰਗਾਰੂਆਂ ਦੀਆਂ ਮੁਸ਼ਕਲਾਂ ਨੂੰ ਵੀ ਦੂਰ ਕਰ ਸਕਦਾ ਹੈ।
ਰਣਦੀਵ ਨੇ 12 ਟੈਸਟ ਮੈਚਾਂ ਵਿਚ 43 ਅਤੇ 31 ਵਨਡੇ ਮੈਚਾਂ ਵਿਚ 36 ਵਿਕਟਾਂ ਲਈਆਂ ਹਨ। ਸੂਰਜ ਨੂੰ 2010 ਦੇ ਵਨਡੇ ਮੈਚ ਲਈ ਯਾਦ ਕੀਤਾ ਜਾਂਦਾ ਹੈ ਜਿਸ ਵਿਚ ਉਹਨਾਂ ਨੇ ਬੇਈਮਾਨੀ ਕਰਕੇ ਸਹਿਵਾਗ ਦੇ ਸੈਂਕੜੇ ਨੂੰ ਰੋਕਿਆ ਸੀ।
ਦਰਅਸਲ, ਇਹ ਹੋਇਆ ਕਿ ਸਹਿਵਾਗ 99 ਦੌੜਾਂ 'ਤੇ ਬੱਲੇਬਾਜ਼ੀ ਕਰ ਰਹੇ ਸੀ ਪਰ ਸਹਿਵਾਗ ਦਾ ਸੈਂਕੜਾ ਨਾ ਹੋਵੇ ਇਸ ਲਈ ਰਣਦੀਵ ਨੇ ਅਗਲੀ ਗੇਂਦ ਨੋ-ਬਾਲ ਸੁੱਟ ਦਿੱਤੀ । ਹਾਲਾਂਕਿ, ਬਾਅਦ ਵਿਚ ਉਸਨੇ ਇਸ ਲਈ ਮੁਆਫੀ ਮੰਗੀ ਸੀ।