ਭੱਜੀ ਦਾ ਵੱਡਾ ਬਿਆਨ, ਕਿਹਾ - ਸ਼ਾਰਦੁਲ ਠਾਕੁਰ ਕਪਿਲ ਦੇਵ ਵਰਗਾ ਕਮਾਲ ਕਰ ਸਕਦਾ ਹੈ

ਆਲਰਾਉਂਡਰ ਸ਼ਾਰਦੁਲ ਠਾਕੁਰ ਦੇ ਓਵਲ ਵਿੱਚ ਇੰਗਲੈਂਡ ਦੇ ਖਿਲਾਫ ਉਸਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਬਾਅਦ ਉਸਦੀ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ। ਭਾਰਤ ਦੇ ਸਾਬਕਾ ਆਫ ਸਪਿਨਰ ਹਰਭਜਨ ਸਿੰਘ ਨੂੰ ਵੀ ਲਗਦਾ ਹੈ ਕਿ ਉਨ੍ਹਾਂ ਨੂੰ ਭਾਰਤ ਦਾ ਸਥਾਈ ਨੰਬਰ 8 ਬਣਾਇਆ ਜਾਣਾ ਚਾਹੀਦਾ ਹੈ। ਠਾਕੁਰ ਨੇ ਓਵਲ ਟੈਸਟ ਦੌਰਾਨ ਲਗਾਤਾਰ ਦੋ ਅਰਧ ਸੈਂਕੜੇ ਲਗਾਏ, ਜੋ ਖੇਡ ਦੇ ਸੰਦਰਭ ਵਿੱਚ ਮਹੱਤਵਪੂਰਨ ਸਾਬਤ ਹੋਏ।

ਇਸ ਤੋਂ ਇਲਾਵਾ, ਉਸਨੇ ਗੇਂਦ ਨਾਲ ਵੀ ਭੂਮਿਕਾ ਨਿਭਾਈ, ਦੋ ਪਾਰੀਆਂ ਵਿੱਚ ਤਿੰਨ ਵਿਕਟਾਂ ਲੈ ਕੇ ਇਹ ਸਾਬਤ ਕੀਤਾ ਕਿ ਵਿਰਾਟ ਐਂਡ ਕੰਪਨੀ ਕਿਉਂ ਉਸ ਉੱਤੇ ਇਨ੍ਹਾਂ ਭਰੋਸਾ ਕਰਦੀ ਹੈ। ਭੱਜੀ ਦਾ ਮੰਨਣਾ ਹੈ ਕਿ ਸ਼ਾਰਦੁਲ ਟੀਮ ਇੰਡੀਆ ਲਈ ਉਹੀ ਕੰਮ ਕਰ ਸਕਦਾ ਹੈ ਜੋ ਮਹਾਨ ਆਲਰਾਉਂਡਰ ਕਪਿਲ ਦੇਵ ਲੰਮੇ ਸਮੇਂ ਤੋਂ ਕਰ ਰਹੇ ਸਨ।

ਹਰਭਜਨ ਸਿੰਘ ਦੇ ਹਵਾਲੇ ਨਾਲ ਟਾਈਮਜ਼ ਆਫ਼ ਇੰਡੀਆ ਨੇ ਕਿਹਾ, "ਮੈਂ ਉਸ ਨੂੰ ਨੰਬਰ 8 'ਤੇ ਬੱਲੇਬਾਜ਼ੀ ਕਰਦਿਆਂ ਦੇਖਣਾ ਚਾਹੁੰਦਾ ਹਾਂ ਅਤੇ ਟੀਮ ਇੰਡੀਆ ਲਈ ਲਗਾਤਾਰ ਸਕੋਰ ਬਣਾਉਂਦੇ ਹੋਏ ਦੇਖਣਾ ਚਾਹੁੰਦਾ ਹਾਂ, ਖਾਸ ਕਰਕੇ ਆਸਟਰੇਲੀਆ, ਇੰਗਲੈਂਡ, ਨਿਉਜ਼ੀਲੈਂਡ ਅਤੇ ਦੱਖਣੀ ਅਫਰੀਕਾ ਵਰਗੇ ਦੇਸ਼ਾਂ ਵਿੱਚ, ਜਿੱਥੇ ਤੁਸੀਂ ਦੋ ਸਪਿਨਰਾਂ ਨਾਲ ਨਹੀਂ ਖੇਡ ਸਕਦੇ।.ਇੱਕ ਖਿਡਾਰੀ ਜੋ ਤੇਜ਼ ਗੇਂਦਬਾਜ਼ੀ ਕਰਦਾ ਹੈ ਅਤੇ ਤੁਹਾਡੇ ਲਈ ਬੱਲੇਬਾਜ਼ੀ ਦੇ ਨਾਲ 5 ਤੋਂ 7 ਨੰਬਰ ਤੇ ਕੰਮ ਕਰ ਸਕਦਾ ਹੈ। ਸ਼ਾਰਦੁਲ 8 ਵੇਂ ਸਥਾਨ 'ਤੇ ਅਜਿਹਾ ਕਰਨ ਦੇ ਵਿਚ ਸਮਰੱਥ ਹੈ, ਜਿੱਥੇ ਉਹ ਦੌੜਾਂ ਬਣਾ ਸਕਦਾ ਹੈ ਅਤੇ ਟੀਮ ਲਈ ਮੈਚ ਜਿੱਤ ਸਕਦਾ ਹੈ।''

ਭੱਜੀ ਨੇ ਅੱਗੇ ਕਿਹਾ, ''ਜੇਕਰ ਉਹ ਆਪਣੀ ਬੱਲੇਬਾਜ਼ੀ 'ਤੇ ਮਿਹਨਤ ਕਰਨਾ ਜਾਰੀ ਰੱਖਦਾ ਹੈ ਅਤੇ ਆਪਣੀ ਗੇਂਦਬਾਜ਼ੀ' ਚ ਸਖਤ ਮਿਹਨਤ ਕਰਦਾ ਹੈ, ਤਾਂ ਉਹ ਕਪਿਲ ਦੇਵ ਤੋਂ ਬਾਅਦ ਭਰੋਸੇਯੋਗ ਆਲਰਾਉਂਡਰ ਲੱਭਣ ਦੀ ਭਾਰਤ ਦੀ ਸਮੱਸਿਆ ਨੂੰ ਹੱਲ ਕਰ ਸਕਦਾ ਹੈ।"