ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਅਕਾਸ਼ ਚੋਪੜਾ ਨੇ ਰਾਜਸਥਾਨ ਰਾਇਲਜ਼ ਨੂੰ ਲੈ ਕੇ ਭਵਿੱਖਬਾਣੀ ਕੀਤੀ ਹੈ। ਰਾਜਸਥਾਨ ਦੇ ਮਾੜੇ ਫੌਰਮ ਅਤੇ ਆਈਪੀਐਲ 2021 ਵਿਚ ਉਨ੍ਹਾਂ ਦੀ ਕਮਜ਼ੋਰੀ ਨੇ ਅਕਾਸ਼ ਦੀ ਚਿੰਤਾ ਵਧਾ ਦਿੱਤੀ ਹੈ।
ਮਹੱਤਵਪੂਰਨ ਗੱਲ ਇਹ ਹੈ ਕਿ ਰਾਜਸਥਾਨ ਦੀ ਟੀਮ ਦੇ ਕੁਝ ਮਹੱਤਵਪੂਰਨ ਖਿਡਾਰੀ ਆਈਪੀਐਲ 2021 ਤੋਂ ਬਾਹਰ ਹੋ ਗਏ ਹਨ। ਇਨ੍ਹਾਂ ਅਹਿਮ ਖਿਡਾਰੀਆਂ ਵਿੱਚ ਇੰਗਲੈਂਡ ਦੇ ਸਟਾਰ ਤੇਜ਼ ਗੇਂਦਬਾਜ਼ ਜੋਫਰਾ ਆਰਚਰ ਅਤੇ ਆਲਰਾਉਂਡਰ ਬੇਨ ਸਟੋਕਸ ਵੀ ਸ਼ਾਮਲ ਹਨ। ਇਹ ਦੋਵੇਂ ਖਿਡਾਰੀ ਸੱਟ ਲੱਗਣ ਕਾਰਨ ਮੌਜੂਦਾ ਸੀਜ਼ਨ ਵਿਚ ਨਹੀਂ ਖੇਡ ਰਹੇ ਹਨ ਅਤੇ ਰਾਜਸਥਾਨ ਵਿਚ ਉਨ੍ਹਾਂ ਦੀ ਘਾਟ ਸਾਫ ਦਿਖਾਈ ਦੇ ਰਹੀ ਹੈ।
ਆਕਾਸ਼ ਚੋਪੜਾ ਨੇ ਹਿੰਦੁਸਤਾਨ ਟਾਈਮਜ਼ ਨਾਲ ਗੱਲਬਾਤ ਦੌਰਾਨ ਕਿਹਾ, “ਰਾਜਸਥਾਨ ਰਾਇਲਜ਼ ਨੂੰ ਵਧੇਰੇ ਮੁਸਕਲਾਂ ਹਨ ਕਿਉਂਕਿ ਉਨ੍ਹਾਂ ਦੇ ਮੁੱਖ ਖਿਡਾਰੀ ਨਹੀਂ ਹਨ। ਜੇ ਉਨ੍ਹਾਂ ਕੋਲ ਖਿਡਾਰੀ ਨਹੀਂ ਹਨ, ਤਾਂ ਉਹ ਕੀ ਕਰ ਸਕਦੇ ਹਨ, ਉਹ ਸਿਰਫ ਪਰਿਪੇਖ ਨੂੰ ਬਦਲ ਸਕਦੇ ਹਨ। ਇਸ ਤਰ੍ਹਾਂ ਰਾਜਸਥਾਨ ਰਾਇਲਜ਼ ਦੀ ਕਿਸਮਤ ਬਦਲਣ ਵਾਲੀ ਨਹੀਂ ਹੈ। ਹਾਲਾਤ ਬਦਲ ਸਕਦੇ ਹਨ ਜੇਕਰ ਬੱਲੇਬਾਜ਼ ਆਪਣੇ ਪ੍ਰਦਰਸ਼ਨ ਵਿਚ ਇਕਸਾਰਤਾ ਲਿਆਉਂਦੇ ਹਨ।”
ਅੱਗੇ ਬੋਲਦਿਆਂ ਆਕਾਸ਼ ਨੇ ਕਿਹਾ, “ਸੰਜੂ ਸੈਮਸਨ ਨੂੰ ਦੌੜਾਂ ਬਣਾਉਣੀਆਂ ਪੈਣਗੀਆਂ ਕਿਉਂਕਿ ਪਿਛਲੇ ਤਿੰਨ ਸਾਲਾਂ ਦੇ ਪਹਿਲੇ ਤਿੰਨ ਮੈਚਾਂ ਵਿੱਚ ਉਹਨਾਂ ਕੋਲ ਔਸਤਨ 70 ਅਤੇ 150 ਦੀ ਸਟ੍ਰਾਈਕ ਰੇਟ ਹੈ ਪਰ ਚੌਥੇ ਮੈਚ ਤੋਂ ਬਾਅਦ ਔਸਤ 22 ਤੋਂ ਹੇਠਾਂ ਆ ਜਾਂਦੀ ਹੈ ਅਤੇ ਸਟ੍ਰਾਈਕ ਰੇਟ 130 ਹੋ ਜਾਂਦਾ ਹੈ। ਤੁਸੀਂ ਹਮੇਸ਼ਾਂ ਅਜਿਹਾ ਨਹੀਂ ਕਰ ਸਕਦੇ। ਇਹ ਸਾਲ-ਦਰ-ਸਾਲ ਹੁੰਦਾ ਆ ਰਿਹਾ ਹੈ। ਡੇਵਿਡ ਮਿਲਰ ਨੂੰ ਦੌੜਾਂ ਬਣਾਉਣ ਦੀ ਜ਼ਰੂਰਤ ਹੈ। ਰਿਆਨ ਪਰਾਗ ਸਾਰੇ ਮੈਚ ਖੇਡ ਰਿਹਾ ਹੈ ਅਤੇ ਨੌਜਵਾਨ ਖਿਡਾਰੀਆਂ ਨੂੰ ਹੁਣ ਅੱਗੇ ਵਧਕੇ ਪ੍ਰਦਰਸ਼ਨ ਕਰਨਾ ਹੋਵੇਗਾ।