ਬੀਸੀਸੀਆਈ ਦੀ ਆਲ ਇੰਡੀਆ ਜੂਨੀਅਰ ਚੋਣ ਕਮੇਟੀ ਨੇ 23 ਦਸੰਬਰ ਤੋਂ ਯੂਏਈ ਵਿੱਚ ਖੇਡੇ ਜਾਣ ਵਾਲੇ ਏਸੀਸੀ ਅੰਡਰ-19 ਏਸ਼ੀਆ ਕੱਪ ਲਈ 20 ਮੈਂਬਰੀ ਭਾਰਤੀ ਅੰਡਰ-19 ਟੀਮ ਦੀ ਚੋਣ ਕਰ ਲਈ ਹੈ। ਇਸ ਦੇ ਨਾਲ ਹੀ, ਚੋਣਕਾਰਾਂ ਨੇ ਏਸੀਸੀ ਈਵੈਂਟ ਤੋਂ ਪਹਿਲਾਂ 11 ਤੋਂ 19 ਦਸੰਬਰ ਤੱਕ ਬੈਂਗਲੁਰੂ ਵਿੱਚ ਨੈਸ਼ਨਲ ਕ੍ਰਿਕਟ ਅਕੈਡਮੀ (ਐਨਸੀਏ) ਵਿੱਚ ਖੇਡੀ ਜਾਣ ਵਾਲੀ 25 ਮੈਂਬਰੀ ਟੀਮ ਦਾ ਵੀ ਐਲਾਨ ਕੀਤਾ ਹੈ।
ਅਗਲੇ ਸਾਲ ਜਨਵਰੀ ਅਤੇ ਫਰਵਰੀ 'ਚ ਵੈਸਟਇੰਡੀਜ਼ 'ਚ ਹੋਣ ਵਾਲੇ ਆਈਸੀਸੀ ਪੁਰਸ਼ ਅੰਡਰ-19 ਕ੍ਰਿਕਟ ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਦਾ ਐਲਾਨ ਜਲਦ ਹੀ ਕੀਤਾ ਜਾਵੇਗਾ। ਇਸ ਟੀਮ ਵਿਚਚ ਕਿਹਨਾਂ ਖਿਡਾਰੀਆਂ ਨੂੰ ਸ਼ਾਮਲ ਕੀਤਾ ਜਾਵੇਗਾ ਇਹ ਦੇਖਣਾ ਵੀ ਦਿਲਚਸਪ ਹੋਵੇਗਾ।
ਭਾਰਤ ਦੀ ਅੰਡਰ-19 ਏਸ਼ੀਆ ਕੱਪ ਟੀਮ: ਹਰਨੂਰ ਸਿੰਘ ਪੰਨੂ, ਅੰਗਕ੍ਰਿਸ਼ ਰਘੂਵੰਸ਼ੀ, ਅੰਸ਼ ਗੋਸਾਈ, ਐਸਕੇ ਰਸ਼ੀਦ, ਯਸ਼ ਧੂਲ (ਕਪਤਾਨ), ਅਨੇਸ਼ਵਰ ਗੌਤਮ, ਸਿਧਾਰਥ ਯਾਦਵ, ਕੌਸ਼ਲ ਟਾਂਬੇ, ਨਿਸ਼ਾਂਤ ਸਿੰਧੂ, ਦਿਨੇਸ਼ ਬਾਨਾ (ਵਕ, ਆਰਾਧਿਆ ਯਾਦਵ) , ਰਾਜਨਗੜ ਬਾਵਾ, ਰਾਜਵਰਧਨ ਹੰਗਰਗੇਕਰ, ਗਰਵ ਸਾਂਗਵਾਨ, ਰਵੀ ਕੁਮਾਰ, ਰਿਸ਼ੀਥ ਰੈਡੀ, ਮਾਨਵ ਪਾਰਖ, ਅੰਮ੍ਰਿਤ ਰਾਜ ਉਪਾਧਿਆਏ, ਵਿੱਕੀ ਓਸਤਵਾਲ, ਵਾਸੂ ਵਤਸ।
NCA ਵਿੱਚ ਸ਼ਾਮਲ ਹੋਣ ਲਈ ਸਟੈਂਡਬਾਏ ਖਿਡਾਰੀ: ਆਯੂਸ਼ ਸਿੰਘ ਠਾਕੁਰ, ਉਦੈ ਸਹਾਰਨ, ਸ਼ਾਸ਼ਵਤ ਡੰਗਵਾਲ, ਧਨੁਸ਼ ਗੌੜਾ, ਪੀਐਮ ਸਿੰਘ ਰਾਠੌਰ।