48 ਸਾਲ ਦੇ ਪ੍ਰਵੀਨ ਤਾਂਬੇ ਨੇ ਰਚਿਆ ਇਤਿਹਾਸ, CPL ਵਿਚ ਖੇਡਣ ਵਾਲੇ ਪਹਿਲੇ ਭਾਰਤੀ ਕ੍ਰਿਕਟਰ ਬਣੇ

48 ਸਾਲ ਦੇ ਪ੍ਰਵੀਨ ਤਾਂਬੇ ਨੇ ਰਚਿਆ ਇਤਿਹਾਸ, CPL ਵਿਚ ਖੇਡਣ ਵਾਲੇ ਪਹਿਲੇ ਭਾਰਤੀ ਕ੍ਰਿਕਟਰ ਬਣੇ Images (BCCI)

ਭਾਰਤੀ ਸਪਿੰਨਰ ਪ੍ਰਵੀਨ ਤਾੰਬੇ ਨੇ ਸੇਂਟ ਲੂਸੀਆ ਜੋਕਸ ਦੇ ਖਿਲਾਫ ਕੁਈਨਜ਼ ਪਾਰਕ ਓਵਲ ਸਟੇਡੀਅਮ ਵਿੱਚ ਕੈਰੇਬੀਅਨ ਪ੍ਰੀਮੀਅਰ ਲੀਗ ਦੇ 13 ਵੇਂ ਮੈਚ ਵਿੱਚ ਟ੍ਰਿਨਬਾਗੋ ਨਾਈਟ ਰਾਈਡਰਜ਼ ਦੀ ਪਲੇਇੰਗ ਇਲੈਵਨ ਦਾ ਹਿੱਸਾ ਬਣਦੇ ਹੀ ਇਤਿਹਾਸ ਰਚ ਦਿੱਤਾ ਹੈ। 48 ਸਾਲਾਂ ਪ੍ਰਵੀਨ ਤਾਂਬੇ ਆਪਣਾ ਡੈਬਯੂ ਕਰ ਰਹੇ ਹਨ। ਉਹ ਸੀਪੀਐਲ ਵਿਚ ਖੇਡਣ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਬਣ ਗਿਆ ਹੈ।

ਪ੍ਰਵੀਨ ਆਈਪੀਐਲ ਵਿੱਚ ਰਾਜਸਥਾਨ ਰਾਇਲਜ਼, ਗੁਜਰਾਤ ਲਾਇਨਜ਼ ਅਤੇ ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਟੀਮ ਦਾ ਹਿੱਸਾ ਰਹੇ ਹਨ। ਆਈਪੀਐਲ ਵਿੱਚ ਖੇਡੇ ਗਏ 33 ਮੈਚਾਂ ਵਿੱਚ ਉਸਨੇ 28 ਵਿਕਟਾਂ ਲਈਆਂ ਹਨ। 2014 ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਖ਼ਿਲਾਫ਼ ਮੈਚ ਵਿੱਚ ਤਾੰਬੇ ਨੇ ਰਾਜਸਥਾਨ ਲਈ ਖੇਡਦਿਆਂ ਇੱਕ ਹੈਟ੍ਰਿਕ ਵੀ ਹਾਸਲ ਕੀਤੀ ਸੀ।

ਉਸ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਆਈਪੀਐਲ 2020 ਦੀ ਨੀਲਾਮੀ ਵਿੱਚ ਖਰੀਦਿਆ ਸੀ। ਪਰ ਭਾਰਤ ਤੋਂ ਬਾਹਰ ਹੋਰ ਲੀਗਾਂ ਵਿੱਚ ਖੇਡਣ ਕਾਰਨ ਉਸਨੂੰ ਆਈਪੀਐਲ ਵਿੱਚ ਖੇਡਣ ਲਈ ਅਯੋਗ ਘੋਸ਼ਿਤ ਕੀਤਾ ਗਿਆ ਸੀ।

ਟੀਮਾਂ

ਸੇਂਟ ਲੂਸੀਆ ਜ਼ੌਕਸ (ਪਲੇਇੰਗ ਇਲੈਵਨ): ਆਂਦਰੇ ਫਲੇਚਰ (ਵਿਕਟਕੀਪਰ), ਰਹਿਕਿਮ ਕੋਰਨਵਾਲ, ਮਾਰਕ ਡੇਯਲ, ਰੋਸਟਨ ਚੇਜ਼, ਨਜੀਬਉੱਲਾ ਜਦਰਾਨ, ਮੁਹੰਮਦ ਨਬੀ, ਜੇਵਲ ਗਲੇਨ, ਡੇਰੇਨ ਸੈਮੀ (ਕਪਤਾਨ), ਸਕਾਟ ਕੁਗੇਲੀਨ, ਕੇਸਰਿਕ ਵਿਲੀਅਮਜ਼, ਕੇਮਾਰ ਹੋਲਡਰ

ਟ੍ਰਿਨਬਾਗੋ ਨਾਈਟ ਰਾਈਡਰਜ਼ (ਪਲੇਇੰਗ ਇਲੈਵਨ): ਲੈਂਡਲ ਸਿਮੰਸ, ਟਿਯਨ ਵੈਬਸਟਰ, ਕੋਲਿਨ ਮੁਨਰੋ, ਡੈਰੇਨ ਬ੍ਰਾਵੋ, ਕੀਰਨ ਪੋਲਾਰਡ (ਕਪਤਾਨ), ਟਿਮ ਸਿਫਰਟ (ਵਿਕਟਕੀਪਰ), ਡਵੇਨ ਬ੍ਰਾਵੋ, ਖੈਰੀ ਪਿਅਰੇ, ਅਲੀ ਖਾਨ, ਫਵਾਦ ਅਹਿਮਦ, ਪ੍ਰਵੀਨ ਤਾੰਬੇ