ਨਬੀ ਨੇ ਦਿਖਾਇਆ ਕਮਾਲ, ਸੇਂਟ ਲੂਸੀਆ ਜੌਕਸ ਨੇ ਸੈਂਟ ਕਿੱਟਸ ਨੇਵਿਸ ਪੈਟ੍ਰਿਉਟਸ ਨੂੰ 6 ਵਿਕਟਾਂ ਨਾਲ ਹਰਾਇਆ

Mohammad Nabi (CPL Via Getty Images)

ਨਜੀਬਉੱਲਾ ਜ਼ਦਰਾਨ (33*) ਅਤੇ ਰੋਸਟਨ ਚੇਜ਼ (27*) ਨੇ ਮਹੱਤਵਪੂਰਨ ਯੋਗਦਾਨ ਅਤੇ ਮੁਹੰਮਦ ਨਬੀ ਦੀਆਂ 5 ਵਿਕਟਾਂ ਦੇ ਸਹਿਯੋਗ ਨਾਲ ਸੈਂਟ ਲੂਸੀਆ ਜ਼ੌਕਸ ਨੇ ਸੈਂਟ ਕਿੱਟਸ ਐਂਡ ਨੇਵਿਸ ਪੈਟ੍ਰਿਉਟਸ ਨੂੰ 6 ਵਿਕਟਾਂ ਨਾਲ ਹਰਾ ਦਿਤਾ। ਸੈਂਟ ਲੂਸੀਆ ਨੂੰ ਮੈਚ ਜਿੱਤਣ ਲਈ 111 ਦੌੜ੍ਹਾਂ ਦਾ ਟੀਚਾ ਮਿਲੀਆ ਸੀ ਅਤੇ ਟੀਮ ਨੇ ਇਹ ਟੀਚਾ 15 ਵੇਂ ਓਵਰ ਵਿਚ ਹੀ ਹਾਸਿਲ ਕਰ ਲਿਆ.

ਸੇਂਟ ਲੂਸੀਆ ਨੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਚੰਗੀ ਸ਼ੁਰੂਆਤ ਕੀਤੀ, ਰਹਿਕੀਮ ਕੋਰਨਵਾਲ ਅਤੇ ਆਂਦਰੇ ਫਲੈਚਰ ਨੇ ਸ਼ੁਰੂਆਤੀ ਵਿਕਟ ਲਈ 30 ਦੌੜ੍ਹਾਂ ਦੀ ਸਾਂਝੇਦਾਰੀ ਕੀਤੀ. ਕੋਰਨਵਾਲ ਨੇ ਆਪਣੀ ਤਾਕਤ ਦਾ ਪ੍ਰਦਰਸ਼ਨ ਕਰਦੇ ਹੋਏ ਤਿੰਨ ਛੱਕਿਆਂ ਅਤੇ ਦੋ ਚੌਕੇ ਲਗਾ ਕੇ ਸੈਂਟ ਕਿੱਟਸ ਨੂੰ ਸ਼ੁਰੂ ਵਿਚ ਹੀ ਮੈਚ ਵਿਚੋਂ ਬਾਹਰ ਕਰ ਦਿੱਤਾ. ਲੇਕਿਨ, ਲੈੱਗ ਸਪਿਨਰ ਇਮਰਾਨ ਖਾਨ ਨੇ, ਕੋਰਨਵਾਲ ਅਤੇ ਮਾਰਕ ਡੇਯਲ ਨੂੰ ਲਗਾਤਾਰ ਗੇਂਦਾਂ ਤੇ ਆਉਟ ਕਰਕੇ ਸੇਂਟ ਲੂਸੀਆ ਨੂੰ ਦੋਹਰੇ ਝਟਕੇ ਦੇ ਦਿੱਤੇ. ਉਸਤੋਂ ਬਾਅਦ ਇਮਰਾਨ ਨੇ 52/3'  ਦੇ ਸਕੋਰ ਤੇ ਫਲੇਚਰ ਨੂੰ ਵੀ ਆਉਟ ਕਰ ਦਿੱਤਾ।

ਫਿਰ ਚੇਜ਼ ਅਤੇ ਨਜੀਬਉੱਲਾ ਨੇ ਚੌਥੇ ਵਿਕਟ ਲਈ 47 ਦੀ ਸਾਂਝੇਦਾਰੀ ਕਰਕੇ ਪਾਰੀ ਨੂੰ ਅੱਗੇ ਤੋਰਿਆ. ਚੇਜ਼ ਨੇ ਕੁਝ ਚੌਕੇ ਲਗਾਏ ਜਦਕਿ ਨਜੀਬੁੱਲਾ ਨੇ ਚਾਰ ਚੌਕੇ ਅਤੇ ਇਕ ਛੱਕਾ ਜੜਿਆ। ਜਦੋਂ ਸਕੋਰ 99/3 ਤੱਕ ਪਹੁੰਚਿਆ, ਨਜੀਬੁੱਲਾ ਨੂੰ ਬੇਨ ਡੰਕ ਨੇ ਪਵੇਲਿਅਨ ਭੇਜ ਦਿੱਤਾ, ਪਰੰਤੂ ਨਜੀਬੁੱਲਾ ਦੇ ਆਉਟ ਹੋਣ ਦਾ ਮੈਚ ਦੇ ਨਤੀਜੇ ਤੇ ਕੋਈ ਫਰਕ ਨਹੀਂ ਪਿਆ. ਜੈਵਲ ਗਲੇਨ ਨੇ ਚੇਜ਼ ਦੇ ਨਾਲ ਮਿਲਕੇ ਬਾਕੀ ਬਚੀ ਹੋਈ ਦੌੜ੍ਹਾਂ ਬਣਾ ਲਈਆਂ ਅਤੇ ਸੇਂਟ ਲੂਸੀਆਨੇ ਇਕ ਹੋਰ ਜਿੱਤ ਆਪਣੀ ਝੋਲੀ ਵਿਚ ਪਾ ਲਈ।

ਸੇਂਟ ਲੂਸੀਆ ਦੀ ਆਰਾਮਦਾਇਕ ਜਿੱਤ ਦੀ ਨੀਂਹ ਨਬੀ ਦੁਆਰਾ ਰੱਖੀ ਗਈ ਸੀ, ਆਲਰਾਉਂਡਰ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਅੱਗੇ ਸੇਂਟ ਕਿੱਟਸ ਅਤੇ ਨੇਵਿਸ ਦੀ ਬੱਲੇਬਾਜ਼ੀ ਬਾਖਰੀ ਹੋਈ ਨਜਰ ਆਈ. ਜ਼ਾਹਿਰ ਖ਼ਾਨ ਦੇ ਨਾਲ ਮਿਲਕੇ ਨਬੀ ਨੇ ਨੌਵੇਂ ਓਵਰ ਤੱਕ ਵਿਰੋਧੀ ਟੀਮ ਨੂੰ 38 ਦੌੜਾਂ 'ਤੇ 5 ਵਿਕਟਾਂ' ਤੇ ਸਿਮਟਾ ਦਿੱਤਾ ਸੀ. ਡੰਕ ਨੇ ਆਪਣੀ 33 ਦੌੜ੍ਹਾਂ ਦੀ ਪਾਰੀ ਨਾਲ ਟੀਮ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹਨਾਂ ਦੇ ਆਉਟ ਹੋਣ ਤੋਂ ਬਾਅਦ ਸੇਂਟ ਕਿੱਟਸ ਅਤੇ ਨੇਵਿਸ ਦਾ ਸਕੋਰ 62/6 ਹੋ ਗਿਆ। 9 ਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਵਾਲੀ ਅਲਜ਼ਾਰੀ ਜੋਸੇਫ ਨੇ ਟੀਮ ਨੂੰ 100 ਦੌੜਾਂ ਦੇ ਪਾਰ ਪਹੁੰਚਾਉਂਦੇ ਹੋਏ 21 ਦੌੜਾਂ ਦਾ ਯੋਗਦਾਨ ਦਿੱਤਾ। . ਸੇਂਟ ਲੂਸੀਆ ਲਈ, ਨਬੀ ਨੇ ਟੀ -20 ਕ੍ਰਿਕਟ ਵਿਚ ਉਸ ਦਾ ਪਹਿਲਾ ਫਾਇਵ ਵਿਕਟ ਹਾੱਲ ਪੂਰਾ ਕੀਤਾ. ਨਬੀ ਨੇ 15 ਦੌੜ੍ਹਾਂ ਦੇ ਕੇ 5 ਵਿਕਟਾਂ ਲਈਆਂ.

ਸੇਂਟ ਲੂਸੀਆ ਦੇ ਅੱਠ ਅੰਕ ਹਨ ਅਤੇ ਉਹ ਅੰਕ ਤਾਲਿਕਾ ਵਿਚ ਦੂਜੇ ਨੰਬਰ 'ਤੇ ਹੈ ਜਦ ਕਿ ਸੇਂਟ ਕਿੱਟਸ ਅਤੇ ਨੇਵਿਸ ਸਿਰਫ ਦੋ ਅੰਕਾਂ ਨਾਲ ਪੁਆਇੰਟ ਟੇਬਲ ਤੇ ਸਭ ਤੋਂ ਪਿੱਛੇ ਹਨ.

ਸੰਖੇਪ ਸਕੋਰ: ਸੇਂਟ ਕਿੱਟਸ ਅਤੇ ਨੇਵਿਸ ਪੈਟ੍ਰੀਉਟਸ ਨੇ 20 ਓਵਰਾਂ ਵਿਚ 110/9 (ਬੇਨ ਡੰਕ 33; ਮੁਹੰਮਦ ਨਬੀ 5-15) ਸੇਂਟ ਲੂਸੀਆ ਜ਼ੌਕਸ 14.4 ਓਵਰਾਂ ਵਿਚ 111/4 (ਨਜੀਬੁੱਲਾ ਜ਼ਦਰਾਨ 33, ਰੋਸਟਨ ਚੇਜ਼ 27 *; ਇਮਰਾਨ ਖਾਨ 3- 23)