ਅਬਦੁੱਲ ਰੱਜ਼ਾਕ ਨੇ ਬੋਲੇ ਫਿਰ ਵੱਡੇ ਬੋਲ, ਕਿਹਾ- 'ਜਲਦੀ ਹੀ ਪਾਕਿਸਤਾਨ ਸਾਰੇ ਫਾਰਮੈਟਾਂ ਵਿਚ ਨੰਬਰ ਇਕ ਜਾਂ ਨੰਬਰ 2 ਬਣ ਜਾਵੇਗਾ'

ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਅਬਦੁੱਲ ਰਜ਼ਾਕ ਨੇ ਇਕ ਵਾਰ ਫਿਰ ਵੱਡੇ ਬੋਲ ਬੋਲਦੇ ਹੋਏ ਕਿਹਾ ਹੈ ਕਿ ਉਨ੍ਹਾਂ ਦੀ ਰਾਸ਼ਟਰੀ ਟੀਮ ਜਲਦੀ ਹੀ ਸਾਰੇ ਫਾਰਮੈਟਾਂ ਵਿਚ ਨੰਬਰ ਇਕ ਜਾਂ ਨੰਬਰ ਦੋ ਬਣ ਜਾਵੇਗੀ। ਇਸ ਤੋਂ ਪਹਿਲਾਂ ਰੱਜ਼ਾਕ ਕਈ ਵੱਡੇ ਦਾਅਵੇ ਕਰ ਚੁਕੇ ਹਨ, ਜਿਸ ਤੋਂ ਬਾਅਦ ਉਸਨੂੰ ਟਰੋਲ ਵੀ ਕੀਤਾ ਗਿਆ ਹੈ।

ਫਿਲਹਾਲ, ਬਾਬਰ ਆਜ਼ਮ ਦੀ ਟੀਮ ਟੀ -20, ਵਨਡੇ ਅਤੇ ਟੈਸਟ ਕ੍ਰਿਕਟ ਵਿੱਚ ਚੌਥੇ, ਛੇਵੇਂ ਅਤੇ ਪੰਜਵੇਂ ਸਥਾਨ 'ਤੇ ਕਾਬਜ਼ ਹੈ। ਰੱਜ਼ਾਕ ਨੂੰ ਲਗਦਾ ਹੈ ਕਿ ਪਾਕਿਸਤਾਨ ਦੀ ਟੀਮ ਨੇ ਤਿੰਨੋਂ ਵਿਭਾਗਾਂ ਵਿਚ ਬਹੁਤ ਸੁਧਾਰ ਕੀਤਾ ਹੈ।
 
ਅਬਦੁੱਲ ਰਜ਼ਾਕ ਨੇ ਇਕ ਪਾਕਿਸਤਾਨੀ ਚੈਨਲ ਨਾਲ ਗੱਲਬਾਤ ਦੌਰਾਨ ਕਿਹਾ, "ਸਾਨੂੰ ਸਿਰਫ ਦੱਖਣੀ ਅਫਰੀਕਾ, ਆਸਟਰੇਲੀਆ, ਸ੍ਰੀਲੰਕਾ ਅਤੇ ਇੰਗਲੈਂਡ ਨੂੰ ਵੇਖਣਾ ਹੈ ਜੋ ਹੁਣ ਸਾਡੇ ਵਰਗੇ ਮੁੜ ਨਿਰਮਾਣ ਪੜਾਅ ਦੇ ਵਿਚਕਾਰ ਹਨ। ਅਸੀਂ ਵੇਖਿਆ ਹੈ ਕਿ ਕਿਵੇਂ ਦੱਖਣੀ ਅਫਰੀਕਾ ਪਛੜ ਗਿਆ ਹੈ, ਇਸ ਲਈ ਸ਼ੁਕਰ ਹੈ ਕਿ ਪਾਕਿਸਤਾਨ ਉਸ ਪੱਧਰ 'ਤੇ ਨਹੀਂ ਹੈ ਅਤੇ ਮੈਂ ਬਹੁਤ ਖੁਸ਼ ਹਾਂ ਕਿ ਸਾਡੀ ਬੱਲੇਬਾਜ਼ੀ, ਗੇਂਦਬਾਜ਼ੀ ਅਤੇ ਫੀਲਡਿੰਗ ਵਿਚ ਬਹੁਤ ਸੁਧਾਰ ਹੋਇਆ ਹੈ।"

ਅੱਗੇ ਬੋਲਦਿਆਂ, ਉਸਨੇ ਕਿਹਾ, “ਮੇਰੇ ਲਈ, ਸਾਰੇ ਫਾਰਮੈਟਾਂ ਵਿਚ ਆਈਸੀਸੀ ਰੈਂਕਿੰਗ ਵਿਚ ਪਹਿਲੇ ਜਾਂ ਦੂਜੇ ਸਥਾਨ’ ਤੇ ਰਹਿਣ ਦਾ ਰਾਜ਼ ਤਿੰਨੋਂ ਪੱਖਾਂ ਵਿਚ ਸੁਧਾਰ ਕਰਨਾ ਹੈ, ਜਿਵੇਂ ਕਿ ਆਸਟਰੇਲੀਆ ਨੇ ਲਗਭਗ 20 ਸਾਲ ਪਹਿਲਾਂ ਹੋਰ ਸਾਰੀਆਂ ਟੀਮਾਂ ਦਾ ਦਬਦਬਾ ਬਣਾਇਆ ਸੀ। ਚੀਜ਼ਾਂ ਹੋ ਰਹੀਆਂ ਹਨ, ਪਾਕਿਸਤਾਨ ਬਹੁਤ ਜਲਦੀ ਸਾਰੇ ਫਾਰਮੈਟਾਂ ਵਿਚ ਪਹਿਲੇ ਜਾਂ ਦੂਜੇ ਸਥਾਨ 'ਤੇ ਪਹੁੰਚ ਜਾਵੇਗਾ।"